18

ന്യൂയോർക്ക്: ലോകം കണ്ട അതിമാരകമായ പ​ക​ര്‍​ച്ച​വ്യാ​ധി​ക​ളി​ലൊ​ന്നാ​യ ട്യൂ​ബ​ര്‍​കു​ലോ​സി​സ് (ടി​ബി) അ​ഥ​വാ വൈ​റ്റ് പ്ലേ​ഗ് അ​മേ​രി​ക്ക​യി​ല്‍ വീ​ണ്ടും ശ​ക്ത​മാ​കു​ന്ന​താ​യി റി​പ്പോ​ര്‍​ട്ട്.

2020-ന് ​ശേ​ഷം രാ​ജ്യ​ത്ത് ക്ഷ​യ​രോ​ഗ​ബാ​ധി​ത​രു​ടെ എ​ണ്ണ​ത്തി​ല്‍ വ​ലി​യ വ​ര്‍​ധ​നയാണു രേ​ഖ​പ്പെ​ടു​ത്തു​ന്ന​ത്. 2024-ല്‍ ​മാ​ത്രം പ​തി​നാ​യി​ര​ത്തി​ല​ധി​കം കേ​സു​ക​ള്‍ റി​പ്പോ​ര്‍​ട്ട് ചെ​യ്തു, ഇ​ത് 2011-ന് ​ശേ​ഷ​മു​ള്ള ഏ​റ്റ​വും ഉ​യ​ര്‍​ന്ന നി​ര​ക്കാ​ണെ​ന്ന് ന്യൂ​യോ​ര്‍​ക്ക് ടൈം​സ് റി​പ്പോ​ര്‍​ട്ട് ചെ​യ്യു​ന്നു.

ടി​ബി എ​ന്ന മാ​ര​ക കൊ​ല​യാ​ളി

മൈ​കോ​ബാ​ക്ടീ​രി​യം ട്യൂ​ബ​ര്‍​കു​ലോ​സി​സ് എ​ന്ന ബാ​ക്ടീ​രി​യ മൂ​ല​മു​ണ്ടാ​കു​ന്ന അതിമാരക രോഗമാണ് ടിബി. വാ​യു​വി​ലൂ​ടെയാണ് ഈ ബാക്ടീരിയ പ​ക​രു​ന്നത്. രോ​ഗ​ബാ​ധി​ത​രാ​യ വ്യ​ക്തി​ക​ള്‍ ചു​മ​യ്ക്കു​മ്പോ​ഴോ, തു​മ്മു​മ്പോ​ഴോ, സം​സാ​രി​ക്കു​മ്പോ​ഴോ പു​റ​ത്തു​വ​രു​ന്ന സൂ​ക്ഷ്മ​മാ​യ തു​ള്ളി​ക​ളി​ലൂ​ടെ​യാ​ണ് ഇ​ത് മ​റ്റു​ള്ള​വ​രി​ലേ​ക്ക് പ​ക​രു​ന്ന​ത്. കോ​വി​ഡ്-19 മാ​റ്റി​നി​ര്‍​ത്തി​യാ​ല്‍, ലോ​ക​മെ​മ്പാ​ടും ഏ​റ്റ​വും കൂ​ടു​ത​ല്‍ മ​ര​ണ​ങ്ങ​ള്‍​ക്കു കാ​ര​ണ​മാ​കു​ന്ന പ​ക​ര്‍​ച്ച​വ്യാ​ധി​യാ​യി ക്ഷ​യ​രോ​ഗം വീ​ണ്ടും മാ​റി​യി​രി​ക്കു​ക​യാ​ണ്.

വി​ട്ടു​മാ​റാ​ത്ത ചു​മ, നെ​ഞ്ചു​വേ​ദ​ന, ക​ഫ​ത്തി​ലൂ​ടെ ര​ക്തം വ​രി​ക, പ​നി, രാ​ത്രി​യി​ലെ അ​മി​ത​മാ​യ വി​യ​ര്‍​പ്പ്, ഭാ​ര​ക്കു​റ​വ്, ക്ഷീ​ണം എ​ന്നി​വ​യാ​ണ് പ്ര​ധാ​ന ല​ക്ഷ​ണ​ങ്ങ​ള്‍. പ​ല​പ്പോ​ഴും ഇ​തി​നെ സാ​ധാ​ര​ണ പ​നി​യാ​യി തെ​റ്റി​ദ്ധ​രി​ക്കാ​റു​ണ്ട്. ഇ​ത് ചി​കി​ത്സ വൈ​കാ​ന്‍ കാ​ര​ണ​മാ​കു​ന്നു. കൃ​ത്യ​സ​മ​യ​ത്ത് ചി​കി​ത്സി​ച്ചി​ല്ലെ​ങ്കി​ല്‍ ക്ഷയരോഗം മാ​ര​ക​മാ​യേ​ക്കാം.

പാ​ന്‍​ഡെ​മി​ക്കി​ന് ശേ​ഷ​മു​ള്ള വി​ദേ​ശ​യാ​ത്ര​ക​ള്‍, കു​ടി​യേ​റ്റം, വി​വി​ധ സം​സ്ഥാ​ന​ങ്ങ​ളി​ലു​ണ്ടാ​യ രോ​ഗ​വ്യാ​പ​നം, ആന്‍റി​ബ​യോ​ട്ടി​ക് മ​രു​ന്നു​ക​ളെ പ്ര​തി​രോ​ധി​ക്കാ​നു​ള്ള ബാ​ക്ടീ​രി​യ​യു​ടെ ശേ​ഷി എ​ന്നി​വ​യാ​ണ് കേ​സു​ക​ള്‍ കൂ​ടാ​ന്‍ കാ​ര​ണ​മാ​യി ആരോഗ്യവിദഗ്ധർ ചൂണ്ടിക്കാണിക്കുന്നത്. പ്ര​തി​രോ​ധ​ശേ​ഷി കു​റ​ഞ്ഞ​വ​ര്‍, പ്ര​മേ​ഹ​രോ​ഗി​ക​ള്‍, എ​ച്ച്‌​ഐ​വി ബാ​ധി​ത​ര്‍, ജ​ന​ത്തി​ര​ക്കേ​റി​യ സാ​ഹ​ച​ര്യ​ങ്ങ​ളി​ല്‍ ക​ഴി​യു​ന്ന​വ​ര്‍ എ​ന്നി​വ​ര്‍​ക്ക് രോ​ഗ​സാ​ധ്യ​ത കൂ​ടു​ത​ലാ​ണെ​ന്ന് ആ​രോ​ഗ്യ​വി​ദ​ഗ്ധ​ര്‍ മു​ന്ന​റി​യി​പ്പു ന​ല്‍​കു​ന്നു.

പൂ​ര്‍ണ​മാ​യും ഭേ​ദ​മാ​ക്കാം

ക്ഷ​യ​രോ​ഗം പൂ​ര്‍​ണ​മാ​യും ചികിത്സിച്ചു ഭേ​ദ​മാ​ക്കാം. എ​ന്നാ​ല്‍ ആ​റു മു​ത​ല്‍ ഒ​മ്പ​തു മാ​സം വ​രെ നീ​ണ്ടു​നി​ല്‍​ക്കു​ന്ന ക​ര്‍​ശ​ന ആ​ന്‍റി​ബ​യോ​ട്ടി​ക് ചി​കി​ത്സ ആ​വ​ശ്യ​മാ​ണ്. ചി​കി​ത്സ പാ​തി​വ​ഴി​യി​ല്‍ ഉ​പേ​ക്ഷി​ക്കു​ന്ന​ത് മ​രു​ന്നു​ക​ളെ പ്ര​തി​രോ​ധി​ക്കു​ന്ന പു​തി​യ ത​രം ബാ​ക്ടീ​രി​യ​ക​ളു​ടെ വ​ള​ര്‍​ച്ച​യ്ക്കു കാ​ര​ണ​മാ​കും.

മാ​സ്‌​ക് ധ​രി​ക്കു​ക, വാ​യു​സ​ഞ്ചാ​ര​മു​ള്ള ഇ​ട​ങ്ങ​ളി​ല്‍ ക​ഴി​യു​ക, കൃ​ത്യ​സ​മ​യ​ത്ത് പ​രി​ശോ​ധ​ന​ക​ള്‍ ന​ട​ത്തു​ക എ​ന്നി​വ രോ​ഗ​വ്യാ​പ​നം ത​ട​യാ​ന്‍ സ​ഹാ​യി​ക്കും. ബി​സി​ജി വാ​ക്‌​സി​ന്‍ നി​ല​വി​ലു​ണ്ടെ​ങ്കി​ലും, രോ​ഗം വ്യാ​പ​ക​മാ​യ പ്ര​ദേ​ശ​ങ്ങ​ളി​ലാ​ണു സാ​ധാ​ര​ണ​യാ​യി ന​ല്‍​കുന്നത്. ക്ഷ​യ​രോ​ഗ​ത്തി​ല്‍​നി​ന്നു പൂ​ര്‍​ണ​മാ​യും മു​ക്ത​മാ​യ രാ​ജ്യം ലോ​ക​ത്തി​ല്ലെ​ന്നും ശ്വ​സി​ക്കു​ന്ന കാ​ല​ത്തോ​ളം നാം ​ജാ​ഗ്ര​ത പാ​ലി​ക്ക​ണ​മെ​ന്നു​മാ​ണ് ആ​രോ​ഗ്യ​വി​ദ​ഗ്ധ​രുടെ മു​ന്ന​റി​യി​പ്പ്.