30

ചെ​ന്നൈ: ത​മി​ഴ്നാ​ട് മു​ൻ മു​ഖ്യ​മ​ന്ത്രി​യും ഡി​എം​കെ അ​ധ്യ​ക്ഷ​നു​മാ​യ എം.​കെ. സ്റ്റാ​ലി​ന്‍റെ സെ​ഡ് പ്ല​സ് സുരക്ഷ പി​ൻ​വ​ലി​ച്ചു. സു​ര​ക്ഷാ ഭീ​ഷ​ണി​ക​ളെ​ക്കു​റി​ച്ചു​ള്ള പു​തി​യ വി​ല​യി​രു​ത്ത​ലി​ന്‍റെ അ​ടി​സ്ഥാ​ന​ത്തി​ൽ ഇ​നി സ്റ്റാ​ലി​ന് സെ​ഡ് കാ​റ്റ​ഗ​റി സു​ര​ക്ഷ​യാ​യി​രി​ക്കും ന​ൽ​കു​ക.

സം​സ്ഥാ​ന സെ​ക്ര​ട്ടേ​റി​യ​റ്റി​ൽ ചേ​ർ​ന്ന കോ​ർ സെ​ൽ സെ​ക്യൂ​രി​റ്റി വി​ങ്ങി​ന്‍റെ യോ​ഗ​ത്തി​ലാ​ണ് സ്റ്റാ​ലി​ന്‍റെ സു​ര​ക്ഷ പു​നഃ​പ​രി​ശോ​ധി​ച്ച​ത്. ചീ​ഫ് സെ​ക്ര​ട്ട​റി, ആ​ഭ്യ​ന്ത​ര സെ​ക്ര​ട്ട​റി, ഡി​ജി​പി തു​ട​ങ്ങി​യ ഉ​ന്ന​ത ഉ​ദ്യോ​ഗ​സ്ഥ​ർ യോ​ഗ​ത്തി​ൽ പ​ങ്കെ​ടു​ത്തു. സു​ര​ക്ഷാ കാ​റ്റ​ഗ​റി കു​റ​ച്ചെ​ങ്കി​ലും സ്റ്റാ​ലി​ന് പോ​ലീ​സ് സം​ര​ക്ഷ​ണ​മു​ണ്ടാ​കും.

യാ​ത്ര​ക​ളി​ലും പൊ​തു​പ​രി​പാ​ടി​ക​ളി​ലും അ​ദ്ദേ​ഹ​ത്തി​ന്‍റെ വാ​ഹ​ന​വ്യൂ​ഹ​ത്തി​ന്‍റെ മു​ൻ, മ​ധ്യ, പി​ൻ ഭാ​ഗ​ങ്ങ​ളി​ൽ സു​ര​ക്ഷാ ഉ​ദ്യോ​ഗ​സ്ഥ​രെ വി​ന്യ​സി​ക്കും. പൈ​ല​റ്റ്, എ​സ്കോ​ർ​ട്ട്, ബാ​ക്ക​പ്പ്, ക്ലോ​സ് പ്രൊ​ട്ട​ക്ഷ​ൻ വാ​ഹ​ന​ങ്ങ​ളും സു​ര​ക്ഷാ ക്ര​മീ​ക​ര​ണ​ത്തി​ന്‍റെ ഭാ​ഗ​മാ​യു​ണ്ടാ​കും. അ​തേ​സ​മ​യം സു​ര​ക്ഷാ ഉ​ദ്യോ​ഗ​സ്ഥ​രു​ടെ കൃ​ത്യ​മാ​യ എ​ണ്ണം പോ​ലീ​സ് പു​റ​ത്തു​വി​ട്ടി​ട്ടി​ല്ല.

ത​മി​ഴ്നാ​ട്ടി​ൽ വി​ഐ​പി, വി​വി​ഐ​പി സു​ര​ക്ഷാ ക്ര​മീ​ക​ര​ണ​ങ്ങ​ൾ ആ​റു​മാ​സ​ത്തി​ലൊ​രി​ക്ക​ൽ പു​നഃ​പ​രി​ശോ​ധി​ക്കാ​റു​ണ്ട്. ര​ഹ​സ്യാ​ന്വേ​ഷ​ണ റി​പ്പോ​ർ​ട്ടു​ക​ൾ, ഭീ​ഷ​ണി​യു​ടെ സ്വ​ഭാ​വം, തീ​വ്ര​ത തു​ട​ങ്ങി​യ ഘ​ട​ക​ങ്ങ​ൾ വി​ല​യി​രു​ത്തി​യ ശേ​ഷ​മാ​ണ് സു​ര​ക്ഷാ കാ​റ്റ​ഗ​റി നി​ല​നി​ർ​ത്തു​ക​യോ ഉ​യ​ർ​ത്തു​ക​യോ കു​റ​യ്ക്കു​ക​യോ ചെ​യ്യു​ന്ന​ത്.