4

ആ​ഗോ​ള കൊ​ക്കോ ക​ർ​ഷ​ക​രെ ഞെ​ട്ടി​ച്ച് ഉ​ത്പ​ന്ന വി​ല ഇ​ടി​ഞ്ഞു. ചോ​ക്ലേ​റ്റ് വ്യ​വ​സാ​യി​ക​ളി​ൽ​നി​ന്നു​ള്ള ആ​വ​ശ്യം കു​റ​ഞ്ഞ​ത് ത​ക​ർ​ച്ച രൂ​ക്ഷ​മാ​ക്കു​ന്നു. ആ​ഫ്രി​ക്ക​യി​ൽ ഉ​ത്പാ​ദ​നം ഉ​യ​രു​മെ​ന്ന സൂ​ച​ന​യാ​ണ് 2024 ജ​നു​വ​രി​ക്കു ശേ​ഷ​മു​ള്ള ഏ​റ്റ​വും താ​ഴ്ന്ന വി​ല​യി​ലേ​ക്ക് കൊ​ക്കോ​യെ എ​ത്തി​ച്ച​ത്.

യൂ​റോ​പി​ൽ ചോ​ക്ലേ​റ്റ് വി​ല്പ​ന കു​റ​ഞ്ഞെ​ന്ന കാ​ര​ണ​മു​യ​ർ​ത്തി​യാ​ണ് വ്യ​വ​സാ​യി​ക​ൾ കൊ​ക്കോ സം​ഭ​ര​ണം കു​റ​ച്ച​ത്. ഉ​ത്പാ​ദ​ന​ത്തി​ൽ മു​ന്നി​ലു​ള്ള എൈ​വ​റി കോ​സ്റ്റി​ൻെ​റ ക​യ​റ്റു​മ​തി ഉ​യ​ർ​ന്നു. വി​ള​വെ​ടു​പ്പി​ന് ഒ​രു​ങ്ങു​ന്ന അ​വ​സ​ര​ത്തി​ൽ ക​യ​റ്റു​മ​തി വ​ർ​ധി​ച്ച​തി​നാ​ൽ അ​ടു​ത്ത ര​ണ്ടു മാ​സ​ങ്ങ​ളി​ൽ ച​ര​ക്കു ല​ഭ്യ​ത കൂ​ടാം. ന്യൂ​യോ​ർ​ക്കി​ൽ കൊ​ക്കോ ട​ണ്ണി​നു 3981 ഡോ​ള​റി​ലേ​യ്ക്ക്താ​ഴ്ന്നു.

ക​ഴി​ഞ്ഞ ജ​നു​വ​രി​യി​ൽ വി​ല 9000 ഡോ​ള​റാ​യി​രു​ന്നു. യു​റോ​പ്പി​ലും ഏ​ഷ്യ​യി​ലും കൊ​ക്കോ സം​സ്ക​ര​ണ കേ​ന്ദ്ര​ങ്ങ​ളു​ടെ പ്ര​വ​ർ​ത്ത​ന​ങ്ങ​ൾ മ​ന്ദ​ഗ​തി​യി​ലാ​ണ്. മ​ദ്ധ്യ​കേ​ര​ള​ത്തി​ൽ പ​ച്ച കൊ​ക്കോ കി​ലോ 140 രൂ​പ​യി​ലും പ​രി​പ്പ് 380 രൂ​പ​യി​ലു​മാ​ണ്.

റ​ബ​റി​നു മു​ന്നേ​റ്റം

ആ​ഗോ​ള വി​പ​ണി​യി​ൽ റ​ബ​ർ മു​ന്നേ​റി. ക്രൂ​ഡ് ഓ​യി​ൽ വി​ല​യി​ലെ ഉ​ണ​ർ​വും വി​നി​മ​യ വി​പ​ണി​യി​ൽ ജാ​പ്പാ​നീ​സ് നാ​ണ​യ​ത്തി​ന് നേ​രി​ട്ട ത​ള​ർ​ച്ച​യും വി​ദേ​ശ നി​ക്ഷേ​പ​ക​രെ റ​ബ​റി​ലേ​യ്ക്ക് അ​ടു​പ്പി​ച്ചു. നി​ക്ഷേ​പ​ക​ർ അ​വ​ധി വ്യാ​പാ​ര​ത്തി​ൽ കാ​ണി​ച്ച ഉ​ത്സാ​ഹം ഉ​ത്പ​ന്നം നേ​ട്ട​മാ​ക്കി.

ജ​പ്പാ​നി​ൽ അ​വ​ധി വി​ല 10 മാ​സ​ത്തെ ഉ​യ​ർ​ന്ന നി​ര​ക്കാ​യ 360 യെ​ന്നി​ലെ​ത്തി. ലാ​ഭ​മെ​ടു​പ്പി​ന് ഒ​രു വി​ഭാ​ഗം ഇ​ട​പാ​ടു​ക​ൾ തി​ടു​ക്കം കാ​ണി​ച്ച​ത് വ്യാ​പാ​രാ​ന്ത്യം റ​ബ​റി​നെ അ​ല്പം ത​ള​ർ​ത്തി. ബാ​ങ്കോ​ക്കി​ൽ റ​ബ​ർ 201 രൂ​പ​യി​ലേ​യ്ക്ക് ഉ​യ​ർ​ന്നെ​ങ്കി​ലും ചൈ​നീ​സ് വ്യ​വ​സാ​യി​ക​ളി​ൽ​നി​ന്നു​ള്ള പി​ന്തു​ണ കു​റ​വാ​യി​രു​ന്നു. കൊ​ച്ചി​യി​ൽ നാ​ലാം ഗ്രേ​ഡ് റ​ബ​ർ 200 രൂ​പ​യാ​യി ഉ​യ​ർ​ന്നു.

നാ​ളി​കേ​രം വി​ള​വെ​ടു​പ്പി​ന്

നാ​ളി​കേ​ര മേ​ഖ​ല വി​ള​വെ​ടു​പ്പ് പ​ര​മാ​വ​ധി വേ​ഗ​ത്തി​ലാ​ക്കാ​നു​ള്ള ശ്ര​മ​ത്തി​ലാ​ണ്. കൊ​പ്ര​യു​ടെ വ്യാ​വ​സാ​യി​ക ആ​വ​ശ്യം ചു​രു​ങ്ങി​യ​ത് തു​ട​ർ​ച്ച​യാ​യ ദി​വ​സ​ങ്ങ​ളി​ൽ വി​ല​യെ പി​ന്നോ​ട്ട​ടി​ച്ചു. ത​മി​ഴ്നാ​ട്ടി​ൽ കൊ​പ്ര വി​ല 17,050 ലേ​യ്ക്ക് ഇ​ടി​ഞ്ഞു. കൊ​ച്ചി​യി​ൽ വെ​ളി​ച്ചെ​ണ്ണ 30,200 കൊ​പ്ര വി​ല 18,350.

കു​രു​മു​ള​ക് പ്ര​തീ​ക്ഷ​യി​ൽ

മ​ല​യോ​ര മേ​ഖ​ല​ക​ളി​ൽ കു​രു​മു​ള​ക് വി​ള​വെ​ടു​പ്പി​ന് ചെ​റു​കി​ട ക​ർ​ഷ​ക​ർ ഉ​ത്സാ​ഹി​ക്കു​ന്നു. പ​ര​മാ​വ​ധി വേ​ഗ​ത്തി​ൽ സം​സ്ക​ര​ണം ന​ട​ത്തി ച​ര​ക്കു വി​ല്പ​ന​യ്ക്ക് ഇ​റ​ക്കാ​നു​ള്ള ക​ർ​ഷ​ക​രു​ടെ നീ​ക്ക​ത്തെ വാ​ങ്ങ​ലു​കാ​ർ ഉ​റ്റ് നോ​ക്കു​ക​യാ​ണ്. നാ​ട​ൻ കു​രു​മു​ള​കി​ന് ക്ഷാ​മ​മു​ള്ള​തി​നാ​ൽ ഉ​യ​ർ​ന്ന വി​ല ഉ​റ​പ്പ് വ​രു​ത്താ​നാ​വു​മെ​ന്ന വി​ശ്വാ​സ​ത്തി​ലാ​ണ് ഹൈ​റേ​ഞ്ചി​ലെ ക​ർ​ഷ​ക​ർ. അ​ൺ ഗാ​ർ​ബി​ൾ​ഡ് മു​ള​ക് വി​ല 700 ന് ​മു​ക​ളി​ൽ ഇ​ടം പി​ടി​ക്കു​മെ​ന്ന പ്ര​തീ​ക്ഷ​യി​ലാ​ണ് ഉ​ൽ​പാ​ദ​ക​ർ.

ജാ​തി​ക്ക​ ഉ​യ​ർ​ന്ന വി​ല​യി​ൽ

അ​റ​ബ് രാ​ജ്യ​ങ്ങ​ളി​ൽ​നി​ന്നു​ള്ള അ​ന്വേ​ഷ​ണ​ങ്ങ​ൾ​ക്കൊ​പ്പം ഉ​ത്ത​രേ​ന്ത്യ​ൻ വ്യ​വ​സാ​യി​ക​ളും ജാ​തി​ക്ക​യി​ൽ കാ​ണി​ച്ച താ​ത്പ​ര്യം വി​ല ഉ​യ​ർ​ത്തു​ന്നു. വി​പ​ണി​ക​ളി​ൽ ച​ര​ക്ക് വ​ര​വ് വാ​ങ്ങ​ലു​കാ​രു​ടെ പ്ര​തീ​ക്ഷ​യ്ക്ക് ഒ​ത്ത് ഉ​യ​രു​ന്നി​ല്ല. ജാ​തി​ക്ക തൊ​ണ്ട​ൻ 330 രൂ​പ വ​രെ ഉ​യ​ർ​ന്ന​പ്പോ​ൾ പ​രി​പ്പ് കി​ലോ 650-680 രൂ​പ​യി​ലെ​ത്തി.

ഏ​ല​ക്ക പ്ര​തീ​ക്ഷ മ​ങ്ങി

ഏ​ല​ക്ക ലേ​ല​ത്തി​ൽ ആ​ഭ്യ​ന്ത​ര വി​ദേ​ശ വാ​ങ്ങ​ലു​കാ​രു​ടെ പി​ൻ​തു​ണ ല​ഭ്യ​മാ​യി​ട്ടും ഉ​ത്പാ​ദ​ക​രു​ടെ പ്ര​തീ​ക്ഷ​യ്ക്ക് ഒ​ത്ത വി​ല ഉ​റ​പ്പ് വ​രു​ത്താ​നാ​യി​ല്ല. പ​തി​വി​ൽ​നി​ന്നു മാ​റി ലേ​ല​ത്തി​നു​ള്ള ച​ര​ക്കു​വ​ര​വു കു​റ​ഞ്ഞ​തു വി​ല​ക്ക​യ​റ്റ​ത്തി​ന് വ​ഴി​തെ​ളി​ക്കു​മെ​ന്നാ​ണു കാ​ർ​ഷി​ക മേ​ഖ​ല ക​ണ​ക്കു കൂ​ട്ടി​യ​ത്. എ​ന്നാ​ൽ വാ​ങ്ങ​ലു​കാ​ർ ക​രു​ത​ലോ​ടെ നീ​ങ്ങി.