കൊച്ചി: ശബരിമല സന്നിധാനത്തെ ആടിയ ശിഷ്ടം നെയ്യ് ക്രമക്കേടുകള് തടയാന് ബാര് കോഡും ഡിജിറ്റല് മീറ്ററും ഒരുക്കുമെന്ന് ദേവസ്വം ബോര്ഡ് ഹൈക്കോടതിയില് അറിയിച്ചു.
പ്രസാദ കവറുകളില് ബാര്കോഡ് പതിപ്പിക്കുകയും വിതരണ സമയത്ത് ഇത് സ്കാന് ചെയ്ത് ബില്ലിംഗ് നടത്തുകയും ചെയ്യും. ഭക്തര് സമര്പ്പിക്കുന്ന നെയ്യ് അളക്കുന്നതിനും സംഭരണ ടാങ്കുകളിലേക്ക് മാറ്റുന്നതിനും പൈപ്പ് ലൈനുകളില് ഡിജിറ്റല് മീറ്ററുകള് സ്ഥാപിക്കും.
റിപ്പോര്ട്ട് പരിശോധിക്കുന്നതിന് ശബരിമല സ്പെഷല് കമ്മീഷണര്ക്കും അമിക്കസ് ക്യൂറിക്കും സമയം അനുവദിച്ച കോടതി, വിഷയം വ്യാഴാഴ്ച പരിഗണിക്കാന് മാറ്റി.
അരിവഞ്ചികളില് പണവും നിക്ഷേപിക്കുന്നത് തടയും. പകരം ഫ്ലൈ ഓവര് മാതൃകയില് ഗോഡൗണിലേക്ക് അരി നേരിട്ടെത്തുന്ന സംവിധാനമൊരുക്കും. സിസിടിവി കാമറകളും ഉദ്യോഗസ്ഥരുടെ സാന്നിധ്യവും ഉറപ്പാക്കും. ഭക്തര്ക്കിടയിലൂടെയുള്ള ട്രാക്ടര് യാത്ര ഒഴിവാക്കി, പ്രസാദം കൗണ്ടറുകളില് എത്തിക്കാന് ശബ്ദമലിനീകരണം ഇല്ലാത്ത ഇലക്ട്രിക് ബഗ്ഗികള് പരിഗണിക്കും.
ശബരിമല, പമ്പ, നിലയ്ക്കല് എന്നിവിടങ്ങളില് പ്രസാദവും അസംസ്കൃത വസ്തുക്കളും സൂക്ഷിക്കാന് ആധുനിക വെയര്ഹൗസിംഗ് സംവിധാനം ഒരുക്കും.
Deepika
E-paper LOGIN
LOGIN
