പാലാ: ചേർപ്പുങ്കൽ മാര് സ്ലീവാ മെഡിസിറ്റിയില് ഹൃദ്രോഗ ചികിത്സയ്ക്കായി എഐ സാങ്കേതിക വിദ്യയോടുകൂടിയ നൂതന ഒസിടി ( ഒപ്റ്റിക്കല് കോഹറന്സ് ടോമോഗ്രാഫി) സംവിധാനം കൂടി പ്രവര്ത്തനം ആരംഭിച്ചു.
ബിഷപ് മാര് ജോസഫ് കല്ലറങ്ങാട്ട് വെഞ്ചരിപ്പുകർമം നിര്വഹിച്ചു. അതിസങ്കീര്ണമായ കൊറോണറി ആന്ജിയോപ്ലാസ്റ്റി ചികിത്സ കൂടുതല് കൃത്യതയോടെയും ഫലപ്രദമായും ചെയ്യുന്നതിനുള്ള അള്ട്രിയോണ് ടു ഒസിടിയാണ് ആശുപത്രിയില് സ്ഥാപിച്ചത്. ഹൃദയത്തിലെ രക്തക്കുഴലുകളുടെ അകത്തെ ഘടനകള് വ്യക്തമായി മനസിലാക്കാന് സാധിക്കുമെന്നതാണ് ഇതിന്റെ പ്രധാന നേട്ടം.
രക്തക്കുഴലിലെ ബ്ലോക്കുകളുടെ സ്വഭാവവും തീവ്രതയും ബ്ലോക്കുകള് ഏതു തരത്തിലുള്ളതാണെന്ന കൃത്യമായ വിവരവും ഒസിടി പരിശോധനയിലൂടെ ലഭ്യമാകും. ഇതിനാല് ഇന്റര്വെന്ഷണല് കാര്ഡിയോളജിസ്റ്റുകള്ക്ക് എഐ സാങ്കേതികവിദ്യയിലൂടെ കൂടുതല് കൃത്യതയോടെ ഇമേജിംഗ് നടത്താനും സ്റ്റെന്റുകള് സ്ഥാപിക്കുന്നത് കൂടുതല് കൃത്യമാക്കാനും സാധിക്കും. നിലവില് 24 മണിക്കൂറും പ്രവര്ത്തിക്കുന്ന അത്യാധുനിക കാത്ത് ലാബ് സൗകര്യങ്ങളും മാര് സ്ലീവാ മെഡിസിറ്റിയുടെ പ്രത്യേകതയാണ്.
ഉന്നതനിലവാരത്തിലുള്ള ഹൃദ്രോഗ ചികിത്സ മാര് സ്ലീവാ മെഡിസിറ്റിയില് ലഭ്യമാക്കുന്നതിന്റെ ഭാഗമായാണ് ഒസിടി സംവിധാനം കൂടി ആരംഭിച്ചിരിക്കുന്നതെന്ന് വെഞ്ചരിപ്പുകർമം നിർവഹിച്ചശേഷം ബിഷപ് മാര് ജോസഫ് കല്ലറങ്ങാട്ട് പറഞ്ഞു.
കാര്ഡിയാക് സയന്സസ് വിഭാഗം മേധാവി ഡോ. രാംദാസ് നായിക് ഒസിടിയുടെ പ്രവര്ത്തനങ്ങള് വിശദീകരിച്ചു. ആശുപത്രി മാനേജിംഗ് ഡയറക്ടര് ആന്ഡ് സിഇഒ ഫാ. മാത്യു തെക്കേല്, ഫിനാന്സ് മെറ്റീരിയല്സ് വിഭാഗം അസോസിയേറ്റ് ഡയറക്ടര് ഫാ. ഗര്വാസീസ് ആനിത്തോട്ടത്തില് എന്നിവര് പ്രസംഗിച്ചു.
ആശുപത്രി ഓപ്പറേഷന്സ്, പ്രോജക്ട്സ്, ലീഗല് ആന്ഡ് ലെയ്സണ് അസോസിയേറ്റ് ഡയറക്ടര് ഫാ. ജോസ് കീരഞ്ചിറ, എച്ച്ആര്, നഴ്സിംഗ് ആൻഡ് അക്കാദമിക്സ് വിഭാഗം അസോസിയേറ്റ് ഡയറക്ടര് ഫാ. ഡോ. ജോസഫ് കരികുളം, ആയുഷ് വിഭാഗം അസോസിയേറ്റ് ഡയറക്ടര് ഫാ. മാത്യു ചേന്നാട്ട്, ബ്രാന്ഡിംഗ് ആന്ഡ് ഹെല്ത്ത്കെയര് പ്രമോഷന്സ്, ഐടി അസോസിയേറ്റ് ഡയറക്ടര് ഫാ. മാത്യു തുരുത്തിപ്പള്ളില്, ചീഫ് ഓഫ് മെഡിക്കല് സര്വീസസ് എയര്കോമഡോര് ഡോ. പോളിന് ബാബു, മെഡിക്കല് സൂപ്രണ്ട് ഡോ.പി.എന്. നിതീഷ്, കാര്ഡിയാക് സയന്സസ് വിഭാഗം സീനിയര് കണ്സള്ട്ടന്റുമാരായ ഡോ. ബിബി ചാക്കോ ഒളരി, ഡോ. രാജീവ് ഏബ്രഹാം, കാര്ഡിയാക് തൊറാസിക് ആന്ഡ് വാസ്കുലാര് വിഭാഗം സീനിയര് കണ്സള്ട്ടന്റ് ഡോ. സി. കൃഷ്ണന് തുടങ്ങിയവര് പങ്കെടുത്തു.
E-paper LOGIN
LOGIN
