കോഴിക്കോട്: മന്ത്രി രാമചന്ദ്രൻ കടന്നപ്പള്ളിയുടെ നിലപാടിൽ പ്രതിഷേധിച്ച് കോൺഗ്രസ് എസിൽ കൂട്ടരാജി. കോഴിക്കോട് ജില്ലാ പ്രസിഡന്റ് വി.ഗോപാലന്റെ നേതൃത്വത്തിൽ 400 പ്രവർത്തകരാണ് പാർട്ടി വിട്ടത്.
ജില്ലാ കമ്മിറ്റി അംഗങ്ങൾ,ബ്ലോക്ക് കമ്മിറ്റി പ്രസിഡന്റുമാർ, പാർട്ടി മെമ്പർമാർ തുടങ്ങിയവരാണ് പാർട്ടിവിട്ടത്. ഇവർ ഏതു പാർട്ടിയിൽ ചേരുമെന്ന് ഇതുവരെ പ്രഖ്യാപിച്ചിട്ടില്ല.
രാമചന്ദ്രൻ കടന്നപ്പള്ളിയുടെ സ്വേച്ഛാധിപത്യപരവും ധിക്കാരപരവുമായ നടപടിയിൽ പ്രതിഷേധിച്ചാണ് തങ്ങൾ പാർട്ടി വിട്ടതെന്ന് വി.ഗോപാലൻ പറഞ്ഞു.