കണ്ണൂർ: കേരളത്തിലെ യൂണിവേഴ്സിറ്റികളിൽ നടപ്പാക്കിയ എഫ്വൈയുജിപി കുറ്റമറ്റത്താക്കി വിദ്യാർഥികളുടെ കൊഴിഞ്ഞുപോക്ക് തടയാനാവശ്യമായ നടപടികളുണ്ടാകണമെന്നു കണ്ണൂരിൽ നടന്ന കേരള പ്രൈവറ്റ് കോളജ് ടീച്ചേഴ്സ് അസോസിയേഷൻ (കെപിസിടിഎ) സംസ്ഥാന സമ്മേളനം പ്രമേയത്തിലൂടെ അധികൃതരോട് ആവശ്യപ്പെട്ടു.
കണ്ണൂർ ആസ്ഥാനമാക്കി ഡെപ്യൂട്ടി ഡയറക്ടർ ഓഫീസ് ആരംഭിക്കുക, കോൺട്രിബ്യൂട്ടറി പെൻഷൻ ആവസാനിപ്പിച്ച് സ്റ്റാറ്റ്യൂട്ടറി പെൻഷൻ പുനരാരംഭിക്കുക, എയിഡഡ് അധ്യാപകർക്ക് സ്റ്റാർട്ട് അപ്പുകൾ തുടങ്ങുന്നതിനാവശ്യമായ മാർഗനിർദേശങ്ങൾ സർക്കാർ പുറത്തിറക്കുക തുടങ്ങി 15 ഇനപ്രമേയങ്ങൾ സമ്മേളനം അംഗീകരിച്ചു.
രണ്ടു ദിവസങ്ങളിലായി കണ്ണൂർ റോയൽ ഒമാർസിൽ നടന്ന സമ്മേളനത്തിൽ സംസ്ഥാനത്തിന്റെ വിവിധ ഭാഗങ്ങളിൽ നിന്നായി മുന്നൂറിലേറെ പ്രതിനിധികൾ പങ്കെടുത്തു.
സമാപന സമ്മേളനം കണ്ണൂർ മേയർ പി. ഇന്ദിര ഉദ്ഘാടനം ചെയ്തു.