11

പെ​രി​യ: ബി​കോം ബി​രു​ദ​വും കം​പ്യൂ​ട്ട​ര്‍ കോ​ഴ്‌​സി​ല്‍ ഡി​പ്ലോ​മ​യു​മു​ള്ള പെ​രി​യ മീ​ങ്ങോ​ത്തെ കൊ​ച്ചി​ല​വ​ള​പ്പി​ല്‍ കെ. ​സാ​വി​ത്രി​യു​ടെ ജീ​വി​താ​ഭി​ലാ​ഷം അ​ധ്യാ​പി​ക​യാ​വു​ക​യെ​ന്ന​താ​യി​രു​ന്നു. കു​റ​ച്ചു​കാ​ലം ട്യൂ​ട്ടോ​റി​യ​ല്‍ കോ​ള​ജി​ല്‍ അ​ധ്യാ​പി​ക​യാ​യി ജോ​ലി​യും ചെ​യ്തു. എ​ന്നാ​ല്‍ ജീ​വി​ത​സാ​ഹ​ച​ര്യ​ങ്ങ​ള്‍ അ​വ​രെ പ​ര​മ്പ​രാ​ഗ​ത​മാ​യി ചെ​യ്തു​പോ​ന്നി​രു​ന്ന കാ​ര്‍​ഷി​ക​വൃ​ത്തി​യി​ല്‍ ത​ന്നെ എ​ത്തി​ച്ചു. ഏ​റ്റ​വും നൂ​ത​ന​മാ​യ കൃ​ഷി​രീ​തി​ക​ള്‍ അ​വ​ലം​ബി​ച്ച് വൈ​വി​ധ്യ​മാ​ര്‍​ന്ന വി​ള​ക​ള്‍ വി​ള​യി​ച്ചെ​ടു​ത്ത് ഈ ​രം​ഗ​ത്ത് ഒ​രു റോ​ള്‍ മോ​ഡ​ല്‍ ആ​കാ​ന്‍ സാ​വി​ത്രി​ക്ക് ക​ഴി​ഞ്ഞു. 52-ാം വ​യ​സി​ല്‍ സം​സ്ഥാ​ന​ത്തെ മി​ക​ച്ച വ​നി​ത ക​ര്‍​ഷ​ക​യ്ക്കു​ള്ള ഒ​രു ല​ക്ഷം രൂ​പ​യു​ടെ ക​ര്‍​ഷ​ക​തി​ല​കം പു​ര​സ്‌​കാ​രം അ​വ​രെ തേ​ടി​യെ​ത്തു​മ്പോ​ള്‍ കാ​ല്‍​നൂ​റ്റാ​ണ്ട് പി​ന്നി​ടു​ന്ന മ​ണ്ണി​ല്‍ പൊ​ന്നു വി​ള​യി​ച്ച പെ​ണ്‍​ക​രു​ത്തി​നു​ള്ള ആ​ദ​രം കൂ​ടി​യാ​യി അ​തു മാ​റി.

ക​ഴി​ഞ്ഞ അ​ഞ്ചു​വ​ര്‍​ഷ​മാ​യി ചെ​ങ്ക​ൽ​പ്പാ​റ പ്ര​ദേ​ശ​മാ​യ പെ​രി​യ ത​ന്നി​ത്തോ​ട് പാ​ട്ട​ത്തി​നെ​ടു​ത്ത സ്ഥ​ല​ത്ത് ഇ​വ​ര്‍ വി​ജ​യ​ക​ര​മാ​യി ത​ണ്ണി​മ​ത്ത​ന്‍ കൃ​ഷി ന​ട​ത്തു​ന്നു​ണ്ട്. വി​ത്തി​ട്ട് 65-70 ദി​വ​സം കൊ​ണ്ട് വി​ള​വെ​ടു​ക്കാ​ന്‍ ക​ഴി​യു​ന്ന കൃ​ഷി​യാ​ണി​തെ​ന്നും ന​ല്ല ഡി​മാ​ന്‍​ഡു​ണ്ടെ​ന്നും സാ​വി​ത്രി പ​റ​യു​ന്നു. ഹൈ​ബ്രി​ഡ് ഇ​ന​മാ​യ മു​ക്കാ​സ-7, കി​ര​ണ്‍ തു​ട​ങ്ങി​യ ഇ​ന​ങ്ങ​ള്‍ പ​രീ​ക്ഷി​ക്കു​ന്ന സാ​വി​ത്രി​ക്ക് 12 ട​ണ്‍ ത​ണ്ണി​മ​ത്ത​ന്‍ വി​ല്‍​പ​ന ന​ട​ത്താ​ന്‍ സാ​ധി​ച്ചു. ആ​കെ​യു​ള്ള 4.40 ഏ​ക്ക​ര്‍ സ്ഥ​ല​ത്തെ ര​ണ്ടേ​ക്ക​റി​ല്‍ 750 ചെ​ടി​മു​രി​ങ്ങ ഇ​വ​ര്‍ കൃ​ഷി ചെ​യ്യു​ന്നു​ണ്ട്.

ഇ​തി​ന്‍റെ 2000 തൈ​ക​ള്‍ വി​ല്‍​പ​ന​യും ന​ട​ത്തി. പ​യ​ര്‍, ന​ര​മ്പ​ന്‍, ചേ​ന, ചേ​മ്പ്, ഇ​ഞ്ചി, മ​ഞ്ഞ​ള്‍, ത​ക്കാ​ളി, വെ​ണ്ട, വ​ഴു​ത​ന എ​ന്നി​വ​യു​ടെ കൃ​ഷി​യും തൈ​വി​ല്പ​ന​യു​മു​ണ്ട്. 13,000 ചെ​ണ്ടു​മ​ല്ലി​തൈ​ക​ളും വി​ല്പ​ന ന​ട​ത്തി.

ആ​വ​ശ്യ​ക്കാ​ര്‍ നേ​രി​ട്ടു​വ​ന്ന് ഉ​ത്പ​ന്ന​ങ്ങ​ളും തൈ​ക​ളും വാ​ങ്ങു​ക​യാ​ണ് പ​തി​വ്. പു​തു​താ​യി വീ​ട് നി​ര്‍​മി​ക്കു​ന്ന​വ​ര്‍ മ​ണ്‍​ച​ട്ടി​യി​ല്‍ ചെ​ടി​ക​ളും പ​ച്ച​ക്ക​റി​ക​ളും ത​യാ​റാ​ക്കി ന​ല്‍​കാ​ന്‍ സ​മീ​പി​ക്കാ​റു​ണ്ടെ​ന്നും സാ​വി​ത്രി പ​റ​ഞ്ഞു. സ്വ​ന്ത​മാ​യി നി​ര്‍​മി​ക്കു​ന്ന ജൈ​വ​വ​ള​മാ​ണ് ഉ​പ​യോ​ഗി​ക്കു​ന്ന​ത്. ഡ്രി​പ്പ് ഇ​റി​ഗേ​ഷ​ന്‍ വ​ഴി​യാ​ണ് വി​ള​ക​ള്‍ ന​ന​യ്ക്കു​ന്ന​ത്. ഭ​ര്‍​ത്താ​വ് ടി. ​നാ​രാ​യ​ണ​ന്‍ ഭാ​ര്യ​യ്‌​ക്കൊ​പ്പം കൃ​ഷി​യി​ട​ത്തി​ല്‍ സ​ജീ​വ​മാ​ണ്. സി​എ വി​ദ്യാ​ര്‍​ഥി​യാ​യ അ​ഖി​ല, ബം​ഗ​ളൂ​രു​വി​ല്‍ ഫു​ഡ് ടെ​ക്‌​നോ​ള​ജി ബി​രു​ദാ​ന​ന്ത​ര​ബി​രു​ദ വി​ദ്യാ​ര്‍​ഥി​നി അ​ന​ഘ എ​ന്നി​വ​ര്‍ മ​ക്ക​ളാ​ണ്.