കോട്ടയം: വൈക്കം നിയമസഭാ മണ്ഡലത്തിലെ വോട്ടിംഗ് യന്ത്രങ്ങള് സൂക്ഷിക്കുന്ന ബസേലിയോസ് കോളജിലെ സ് ട്രോംഗ് റൂമിന്റെ താക്കോലുകള് സൂക്ഷിക്കുന്നതുമായി ബന്ധപ്പെട്ട് ആശങ്കകള് ഉയര്ന്നെന്ന് ജില്ലാ തെരഞ്ഞെടുപ്പ് ഓഫീസറായ ജില്ലാ കളക്ടര് ചേതന്കുമാര് മീണ.
ഉയര്ന്ന ആശങ്കകള് പിന്നീട് പരിഹരിക്കപ്പെട്ടെന്നും ജില്ലാ കളക്ടര് പറഞ്ഞു. സ്ട്രോംഗ് റൂം പരിസരത്ത് സുരക്ഷാ സേന തോക്കു ചൂണ്ടിയെന്നത് വാസ്തവ വിരുദ്ധമാണ്.
സിഎപിഎഫ് സുരക്ഷാ ഉദ്യോഗസ്ഥര് തോക്കു ചൂണ്ടിയിട്ടില്ല. സ്ട്രോംഗ് റൂമിന്റെ താക്കോലുകള് സൂക്ഷിക്കുന്നതുമായി ബന്ധപ്പെട്ട് ആശങ്കകള് ഉന്നയിക്കപ്പെട്ട സാഹചര്യത്തില് തെരഞ്ഞെടുപ്പിന്റെ പൊതു നിരീക്ഷകര്ക്കൊപ്പമാണ് താന് സ്ഥലത്തെത്തിയതെന്ന് കളക്ടര് പറഞ്ഞു.
തെരഞ്ഞെടുപ്പ് കമ്മീഷന്റെ ചട്ടങ്ങള് പാലിച്ച് നിരീക്ഷകരുടെയും വരണാധികാരിയുടെയും രാഷ്ട്രീയ പാര്ട്ടി പ്രതിനിധികളുടെയും സ്ഥാനാര്ഥികളുടെ ഏജന്റുമാരുടെയും സാന്നിധ്യത്തില് തികച്ചും സുതാര്യമായാണു വിഷയം പരിഗണിച്ചത്. ഒരുഘട്ടത്തിലും അനിഷ്ട സംഭവങ്ങള് ഉണ്ടാകുകയോ സുരക്ഷാ ഉദ്യോഗസ്ഥര് തോക്കു ചൂണ്ടുകയോ ചെയ്തിട്ടില്ലെന്നും ജില്ലാ കളക്ടര് ചേതന്കുമാര് മീണ പറഞ്ഞു.
Deepika
E-paper LOGIN
LOGIN
