കൊട്ടിയം:പറക്കുളം മുതൽ മൈലക്കാട് വരെ തൂണുകളിൽ ഉയരപ്പാത നിർമിക്കണമെന്ന ആവശ്യവുമായി പറക്കുളം ജനകീയ സമിതിയുടെ നേതൃത്വത്തിൽ പറക്കുളത്ത് അനിശ്ചിതകാല നിരാഹാര സമരം തുടങ്ങി.
മൈലക്കാട്ട് ഉയരപ്പാതയും സർവീസിനോടും തകർന്ന പശ്ചാത്തലത്തിലാണ് ആദ്യം റോഡിൽ വിള്ളൽ രൂപപ്പെട്ട പറക്കുളത്ത് നാട്ടുകാർ ചേർന്ന് ജനകീയ സമിതി രൂപീകരിച്ചു സമരം ആരംഭിച്ചിട്ടുള്ളത്.
ആദ്യദിവസം നിരാഹാര സമരം അനുഷ്ഠിക്കുന്നസമരസമിതി ചെയർമാൻ കുഴിവേലിൽ നാസറിന് ഷാൾ അണിയിച്ചു.
എം. നൗഷാദ് എംഎൽഎ സമരപരിപാടികൾ ഉദ്ഘാടനം ചെയ്തു.കെപിസിസി സെക്രട്ടറി അഡ്വ. എ. ഷാനവാസ് ഖാൻ , മുഖത്തല ബ്ലോക്ക് പഞ്ചായത്തംഗം ജവാബുറഹമാൻ, ഗ്രാമപഞ്ചായത്ത്മെമ്പർമാരായ അലീഷ കെട്ടിടത്തിൽ. എസ്.ശരണ്യ, നസീറാ നാസർ, കൊട്ടിയം പൗരവേദി പ്രസിഡന്റ് അഡ്വ. അജിത് കുമാർ, റൈസിംഗ് കൊട്ടിയം പ്രസിഡന്റ് അലോഷ്യസ് സേവ്യർ, വ്യാപാരി വ്യവസായ ഏകോപന സമിതി പ്രസിഡന്റ് എസ്.കബീർ , സെക്രട്ടറി എസ്. പളനി , എസ്.സുധീർ റോയൽ, എസ്.രാജീവ്. പുല്ലാങ്കുഴി സന്തോഷ്, സമീർ റോയൽഎന്നിവർ ചടങ്ങിൽ പങ്കെടുത്തു.