5

തെ​ര​ഞ്ഞെ​ടു​പ്പ് പ്ര​ചാ​ര​ണം അ​വ​സാ​ന ലാ​പ്പി​ലെ​ത്തി​യ​തോ​ടെ ആ​വ​നാ​ഴി​യി​ലെ എ​ല്ലാ അ​സ്ത്ര​ങ്ങ​ളും പു​റ​ത്തെ​ടു​ത്ത് രം​ഗം​ കൊ​ഴു​പ്പി​ക്കു​കയാ​ണ് മു​ന്ന​ണി​ക​ള്‍. വോ​ട്ടെ​ടു​പ്പി​ന് ചു​രു​ങ്ങി​യ ദി​വ​സ​ങ്ങ​ള്‍ മാ​ത്രം അ​വ​ശേ​ഷി​ക്കു​ന്ന​തി​നാ​ല്‍ സ​മ​യം ന​ഷ്ട​പ്പെ​ടു​ത്താ​തെ ഒ​രു ത​വ​ണ​യെ​ങ്കി​ലും മ​ണ്ഡ​ല​ത്തി​ന്‍റെ മു​ക്കി​ലും മൂ​ല​യി​ലും എ​ത്താ​നു​ള്ള ഓ​ട്ട​പ്ര​ദ​ക്ഷി​ണ​ത്തി​ലാ​ണ് സ്ഥാ​നാ​ര്‍ഥി​ക​ള്‍. തൊ​ടു​പു​ഴ, ഇ​ടു​ക്കി, പീ​രു​മേ​ട്, ഉ​ടു​മ്പ​ന്‍ചോ​ല, ദേ​വി​കു​ളം എ​ന്നീ അ​ഞ്ചു​നി​യോ​ജ​ക​മ​ണ്ഡ​ല​ങ്ങ​ളാ​ണ് ജി​ല്ല​യി​ലു​ള്ള​ത്. ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ല്‍ തൊ​ടു​പു​ഴ മാ​ത്രം യു​ഡി​എ​ഫി​നൊ​പ്പം നി​ന്ന​പ്പോ​ള്‍ മ​റ്റ് നാ​ലു മ​ണ്ഡ​ല​ങ്ങ​ളി​ലും എ​ല്‍ഡി​എ​ഫി​നാ​യി​രു​ന്നു വി​ജ​യം.

എ​ന്നാ​ല്‍, ക​ഴി​ഞ്ഞ ലോ​ക്‌​സ​ഭാ തെ​ര​ഞ്ഞെ​ടു​പ്പി​ല്‍ യു​ഡി​എ​ഫ് സ്ഥാ​നാ​ര്‍ഥി ഡീ​ന്‍ കു​ര്യാ​ക്കോ​സി​ന്‍റെ മി​ന്നു​ന്ന വി​ജ​യ​വും ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​ലെ മി​ക​ച്ച​പ്ര​ക​ട​ന​വു​മാ​ണ് യു​ഡി​എ​ഫി​ന് ആ​ത്മ​വി​ശ്വാ​സം ന​ല്‍കു​ന്ന​ത്. 17 ജി​ല്ലാ പ​ഞ്ചാ​യ​ത്ത് ഡി​വി​ഷ​നു​ക​ളി​ല്‍ 14ലും ​യു​ഡി​എ​ഫ് വി​ജ​യി​ച്ച​പ്പോ​ള്‍ എ​ട്ട് ബ്ലോ​ക്ക് പ​ഞ്ചാ​യ​ത്തു​ക​ളി​ല്‍ ഏ​ഴി​ലും 52 ഗ്രാ​മ പ​ഞ്ചാ​യ​ത്തു​ക​ളി​ല്‍ 36ലും ​യു​ഡി​എ​ഫി​നാ​യി​രു​ന്നു ഭ​ര​ണം. തെ​ര​ഞ്ഞെ​ടു​പ്പി​നോ​ട​നു​ബ​ന്ധി​ച്ച് ഒ​ട്ടേ​റെ രാ​ഷ്‌​ട്രീ​യ സം​ഭ​വവി​കാ​സ​ങ്ങ​ള്‍ക്കും ജി​ല്ല സാ​ക്ഷ്യം വ​ഹി​ച്ചു. ആ​റു​ പ​തി​റ്റാ​ണ്ട് തെ​ര​ഞ്ഞെ​ടു​പ്പി​ല്‍ സ​ജീ​വ​മാ​യി​രു​ന്ന കേ​ര​ള കോ​ണ്‍ഗ്ര​സ് ചെ​യ​ര്‍മാ​ന്‍ പി.​ജെ. ജോ​സ​ഫ് ഇ​ത്ത​വ​ണ മ​ത്സ​ര​രം​ഗ​ത്തു​നി​ന്നു പി​ന്‍മാ​റി മ​ക​ന്‍ അ​പു ജോ​ണ്‍ ജോ​സ​ഫി​നെ സ്ഥാ​നാ​ര്‍ഥി​യാ​ക്കി​യ​തും സി​പി​എം എം​എ​ല്‍എ എ​സ്. രാ​ജേ​ന്ദ്ര​ന്‍ പാ​ര്‍ട്ടി​വി​ട്ട് ബി​ജെ​പി​യി​ല്‍ ചേ​ക്കേ​റി ദേ​വി​കു​ള​ത്ത് എ​ന്‍ഡി​എ സ്ഥാ​നാ​ര്‍ഥി​യാ​യ​തും, അ​ഞ്ചു​ പ​തി​റ്റാ​ണ്ടി​നു​ശേ​ഷം ഇ​ടു​ക്കി​മ​ണ്ഡ​ല​ത്തി​ല്‍ കോ​ണ്‍ഗ്ര​സ് സ്ഥാ​നാ​ര്‍ഥി മ​ത്സ​രി​ക്കു​ന്ന​തും, മു​ന്‍ മ​ന്ത്രി എം.​എം. മ​ണി ഇ​ത്ത​വ​ണ മ​ത്സ​ര​ത്തി​നി​ല്ലാ​ത്ത​തു​മെ​ല്ലാം രാ​ഷ്‌​ട്രീ​യ കേ​ര​ളം ച​ര്‍ച്ച​ചെ​യ്ത വി​ഷ​യ​ങ്ങ​ളാ​യി​രു​ന്നു.

വ​ന്യ​മൃ​ഗ​ശ​ല്യം, ഭൂ​പ്ര​ശ്‌​ന​ങ്ങ​ള്‍, നി​ര്‍മാ​ണ നി​രോ​ധ​നം, ദേ​ശീ​യ​പാ​ത ​നി​ര്‍മാ​ണ​ത​ട​സം എ​ന്നി​വ​യെ​ല്ലാം അ​വ​ത​രി​പ്പി​ച്ചാ​ണ് യു​ഡി​എ​ഫി​ന്‍റെ പ്ര​ചാ​ര​ണം മു​ന്നോ​ട്ടു​ പോ​കു​ന്ന​ത്. എ​ല്‍ഡി​എ​ഫാ​ക​ട്ടെ സ​ര്‍ക്കാ​ര്‍ ഓ​രോ മ​ണ്ഡ​ല​ത്തി​ലും ന​ട​ത്തി​യ വി​ക​സ​നനേ​ട്ട​ങ്ങ​ള്‍ അ​ക്ക​മി​ട്ട് നി​ര​ത്തു​ക​യാ​ണ്. മ​ണ്‍സൂ​ണ്‍ കാ​ല​യ​ള​വി​ല്‍ ജി​ല്ല​യി​ലു​ണ്ടാ​കു​ന്ന പ്ര​കൃ​തിദു​ര​ന്ത​ങ്ങ​ള്‍ ഒ​ഴി​വാ​ക്കു​ന്ന​തി​നാ​വ​ശ്യ​മാ​യ ന​ട​പ​ടി​ക​ളും തോ​ട്ടം​ മേ​ഖ​ല​യി​ലെ​യും ആ​ദി​വാ​സി ഉ​ന്ന​തി​ക​ളി​ലെ​യും പി​ന്നാ​ക്കാ​വ​സ്ഥ​യും ഇ​വി​ട​ത്തെ ചി​കി​ത്സാ​ സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത​യു​മെ​ല്ലാം ച​ര്‍ച്ച​ചെ​യ്യ​പ്പെ​ടു​ന്ന തെ​ര​ഞ്ഞെ​ടു​പ്പുകൂ​ടി​യാ​ണി​ത്.

◄തൊ​ടു​പു​ഴ►

കേ​ര​ള കോ​ണ്‍ഗ്ര​സ് ചെ​യ​ര്‍മാ​നും മു​ന്‍ മ​ന്ത്രി​യു​മാ​യ പി.​ജെ. ജോ​സ​ഫി​ന്‍റെ മ​ക​ന്‍ അ​പു ജോ​ണ്‍ ജോ​സ​ഫാ​ണ് ഇ​ത്ത​വ​ണ തൊ​ടു​പു​ഴ​യി​ലെ യു​ഡി​എ​ഫ് സ്ഥാ​നാ​ര്‍ഥി. ഇ​തു​വ​രെ​യു​ള്ള തെ​ര​ഞ്ഞെ​ടു​പ്പ് ഫ​ലം വി​ല​യി​രു​ത്തു​മ്പോ​ള്‍ യു​ഡി​എ​ഫി​ന് മേ​ല്‍ക്കോ​യ്മ​യു​ള്ള മ​ണ്ഡ​ല​മാ​ണി​ത്. പി.​ജെ. ജോ​സ​ഫ് എ​ല്‍ഡി​എ​ഫ് പ​ക്ഷ​ത്താ​യി​രു​ന്ന ര​ണ്ടു ത​വ​ണ മ​ണ്ഡ​ലം എ​ല്‍ഡി​എ​ഫി​നൊ​പ്പം നി​ന്നെ​ങ്കി​ലും അ​ദ്ദേ​ഹം യു​ഡി​എ​ഫി​ലെ​ത്തി​യ​തോ​ടെ ഏ​ക​പ​ക്ഷീ​യ​വി​ജ​യ​മാ​ണ് ക​ഴി​ഞ്ഞ മൂ​ന്നു തെ​ര​ഞ്ഞെ​ടു​പ്പി​ലും ഉ​ണ്ടാ​യ​ത്. എ​ന്നാ​ല്‍, ക​ഴി​ഞ്ഞ 10 വ​ര്‍ഷ​മാ​യി മ​ണ്ഡ​ല​ത്തി​ല്‍ കാ​ര്യ​മാ​യ വി​ക​സ​നപ്ര​വ​ര്‍ത്ത​ന​ങ്ങ​ള്‍ ന​ട​ന്നി​ട്ടി​ല്ലെ​ന്നു ചൂ​ണ്ടി​ക്കാ​ട്ടി​യാ​ണ് യൂ​ത്ത് ഫ്ര​ണ്ട്-​എം സം​സ്ഥാ​ന പ്ര​സി​ഡ​ന്‍റും എ​ല്‍ഡി​എ​ഫ് സ്ഥാ​നാ​ര്‍ഥി​യു​മാ​യ സി​റി​യ​ക് ചാ​ഴി​കാ​ട​ന്‍റെ പ്ര​ചാ​ര​ണം മു​ന്നേ​റു​ന്ന​ത്. കേ​ന്ദ്ര​സ​ര്‍ക്കാ​രി​ന്‍റെ ഭ​ര​ണ​നേ​ട്ട​ങ്ങ​ള്‍ എ​ണ്ണി​പ്പ​റ​ഞ്ഞാ​ണ് എ​ന്‍ഡി​എ സ്ഥാ​നാ​ര്‍ഥി റോ​യി വാ​രി​കാ​ട്ട് വോ​ട്ട് തേ​ടു​ന്ന​ത്

◄ഇ​ടു​ക്കി►

ജി​ല്ലാ ആ​സ്ഥാ​നം സ്ഥി​തി​ചെ​യ്യു​ന്ന മ​ണ്ഡ​ല​മാ​ണി​ത്. ജി​ല്ല​യി​ല്‍ ശ്ര​ദ്ധേ​യ​മാ​യ മ​ത്സ​രം ന​ട​ക്കു​ന്ന മ​ണ്ഡ​ല​മാ​യി ഇ​ടു​ക്കി മാ​റി​ക്ക​ഴി​ഞ്ഞു. കു​ടി​യേ​റ്റ ക​ര്‍ഷ​ക​ര്‍ വി​ധി നി​ര്‍ണ​യി​ക്കു​ന്ന ഇ​വി​ടെ മ​ന്ത്രി റോ​ഷി അ​ഗ​സ്റ്റി​ന്‍ എ​ല്‍ഡി​എ​ഫ് സ്ഥാ​നാ​ര്‍ഥി​യാ​യി വീ​ണ്ടും ക​ള​ത്തി​ലി​റ​ങ്ങു​മ്പോ​ള്‍ വി​ജ​യം ആ​വ​ര്‍ത്തി​ക്കാ​നാ​കു​മെ​ന്ന ആ​ത്മ​വി​ശ്വ​സ​ത്തി​ലാ​ണ്. ക​ഴി​ഞ്ഞ തെ​ര​ഞ്ഞെ​ടു​പ്പി​ല്‍ കേ​ര​ള കോ​ണ്‍ഗ്ര​സി​ലെ ഫ്രാ​ന്‍സി​സ് ജോ​ര്‍ജി​നെ പ​രാ​ജ​യ​പ്പെ​ടു​ത്തി മ​ന്ത്രി​സ​ഭ​യി​ലെ​ത്തി​യ റോ​ഷി​ക്ക് മ​ണ്ഡ​ല​ത്തി​ല്‍ ന​ട​പ്പാ​ക്കി​യ വി​ക​സ​ന പ്ര​വ​ര്‍ത്ത​ന​ങ്ങ​ള്‍ ത​ന്നെ​യാ​ണ് പ്ര​ധാ​ന തു​റു​പ്പു​ചീ​ട്ട്. ക​ഴി​ഞ്ഞ അ​ഞ്ചു തെ​ര​ഞ്ഞെ​ടു​പ്പി​ലും മ​ണ്ഡ​ല​ത്തെ പ്ര​തി​നി​ധീ​ക​രി​ക്കു​ന്ന റോ​ഷി​ക്ക് മ​ണ്ഡ​ല​ത്തി​ലു​ള്ള വ്യ​ക്തി​ബ​ന്ധ​ങ്ങ​ള്‍ വോ​ട്ടാ​യി മാ​റു​മെ​ന്നും ഇ​തു വി​ജ​യം സ​മ്മാ​നി​ക്കു​മെ​ന്നു​മാ​ണ് ക​ണ​ക്കു​കൂ​ട്ട​ല്‍.

 ക​ഴി​ഞ്ഞ ത​വ​ണ കേ​ര​ള കോ​ണ്‍ഗ്ര​സ് മ​ത്സരി​ച്ച ഇ​വി​ടെ ഇ​ത്ത​വ​ണ സീ​റ്റ് കോ​ണ്‍ഗ്ര​സി​നു വി​ട്ടു​ന​ല്‍കി​യ​തോ​ടെ മു​ന്‍ ഡി​സി​സി പ്ര​സി​ഡ​ന്‍റും കെ​പി​സി​സി വൈ​സ് പ്ര​സി​ഡ​ന്‍റു​മാ​യ റോ​യി കെ. ​പൗ​ലോ​സി​നെ ക​ള​ത്തി​ലി​റ​ക്കി മ​ണ്ഡ​ലം പി​ടി​ച്ചെ​ടു​ക്കാ​നാ​ണ് യു​ഡി​എ​ഫ് ശ്ര​മം. മ​ണ്ഡ​ല​ത്തി​ന്‍റെ വി​ക​സ​നം വാ​ഗ്ദാ​ന​ത്തി​ല്‍ മാ​ത്രം ഒ​തു​ങ്ങി​യെ​ന്നും പ്ര​ഖ്യാ​പി​ച്ച പ​ല പ​ദ്ധ​തി​ക​ളും ന​ട​പ്പാ​യി​ല്ലെ​ന്നു​മാ​ണ് യു​ഡി​എ​ഫി​ന്‍റെ മു​ഖ്യ​പ്ര​ചാ​ര​ണം. ഇ​രു​മു​ന്ന​ണി​ക​ള്‍ക്കും വെ​ല്ലു​വി​ളി​യു​യ​ര്‍ത്തി എ​ന്‍ഡി​എ സ്ഥാ​നാ​ര്‍ഥി​യാ​യി പ്ര​തീ​ഷ് പ്ര​ഭ​യും മ​ല്‍സ​ര​രം​ഗ​ത്തു​ണ്ട്.

◄ഉ​ടു​മ്പ​ന്‍ചോ​ല►

മു​ന്‍ മ​ന്ത്രി എം.​എം. മ​ണി​യു​ടെ ത​ട്ട​ക​മെ​ന്ന ഖ്യാ​തി​യാ​ണ് ഉ​ടു​മ്പ​ന്‍ചോ​ല​യ്ക്കു​ള്ള​ത്. 2001 മു​ത​ല്‍ തു​ട​ര്‍ച്ച​യാ​യി എ​ല്‍ഡി​എ​ഫ് വി​ജ​യി​ക്കു​ന്ന മ​ണ്ഡ​ല​മാ​ണി​ത്. തോ​ട്ടം തൊ​ഴി​ലാ​ളി​ക​ളും ക​ര്‍ഷ​ക​രും കൂ​ടു​ത​ലാ​യി അ​ധി​വ​സി​ക്കു​ന്ന പ്ര​ദേ​ശ​മാ​ണി​വി​ടം. യു​ഡി​എ​ഫ് സ്ഥാ​നാ​ര്‍ഥി​യാ​യി സേ​നാ​പ​തി വേ​ണു​വും എ​ല്‍ഡി​എ​ഫി​നു​വേ​ണ്ടി നേരത്തേ മൂ​ന്നു​ത​വ​ണ മ​ണ്ഡ​ല​ത്തെ പ്ര​തി​നി​ധീ​ക​രി​ച്ച കെ.​കെ. ജ​യ​ച​ന്ദ്ര​നും എ​ന്‍ഡി​എ​യ്ക്കു​വേ​ണ്ടി സം​ഗീ​ത വി​ശ്വ​നാ​ഥ​നു​മാ​ണ് മ​ത്സര രം​ഗ​ത്തു​ള്ള​ത്.​
എ​ല്‍ഡി​എ​ഫി​ന് ഉ​റ​പ്പെ​ന്നു ക​രു​തി​യ മ​ണ്ഡ​ല​ങ്ങ​ളി​ലൊ​ന്നാ​യി​രു​ന്നു ഉ​ടു​മ്പ​ന്‍ചോ​ല. എ​ന്നാ​ല്‍, എം.​എം. മ​ണി ഇ​ത്ത​വ​ണ മ​ത്സ​ര​രം​ഗ​ത്തി​ല്ലാ​തെ

വ​ന്ന​തോ​ടെ ഇ​വി​ടെ മ​ല്‍സ​രം ക​ടു​ത്ത​താ​യി. ത​ദ്ദേ​ശ തെ​ര​ഞ്ഞെ​ടു​പ്പി​ല്‍ ജി​ല്ല​യി​ല്‍ എ​ല്‍ഡി​എ​ഫി​ന് 197വോ​ട്ടു​ക​ള്‍ മാ​ത്ര​മാ​ണ് ലീ​ഡ് നേ​ടാ​നാ​യ​തെ​ന്ന​തും യു​ഡി​എ​ഫി​ന് പ്ര​തീ​ക്ഷ ന​ല്‍കു​ന്നു. മ​ണ്ഡ​ല​ത്തി​ല്‍ ന​ട​പ്പാ​ക്കി​യ വി​ക​സ​ന പ്ര​വ​ര്‍ത്ത​ന​മാ​ണ് എ​ല്‍ഡി​എ​ഫി​ന്‍റെ മു​ഖ്യ​പ്ര​ചാ​ര​ണ വി​ഷ​യ​മെ​ങ്കി​ല്‍ ഭൂ ​പ്ര​ശ്‌​ന​ങ്ങ​ളും വ​ന്യ​മൃ​ഗ​ശ​ല്യ​വും ഉ​ള്‍പ്പെ​ടെ​യു​ള്ള വി​ഷ​യ​ങ്ങ​ളാ​ണ് യു​ഡി​എ​ഫ് ഉ​യ​ര്‍ത്തു​ന്ന​ത്. മ​ത്സ​രം അ​വ​സാ​ന ലാ​പ്പി​ലേ​ക്ക് എ​ത്തി​യ​തോ​ടെ ക​ഴി​ഞ്ഞ അ​ഞ്ചു തെ​ര​ഞ്ഞെ​ടു​പ്പു​ക​ളി​ലും വി​ജ​യി​ച്ച എ​ല്‍ഡി​എ​ഫി​നെ ഇ​ത്ത​വ​ണ ത​റ​പ​റ്റി​ച്ച് മ​ണ്ഡ​ലം തി​രി​ച്ചു​പി​ടി​ക്കു​മെ​ന്ന വാ​ശി​യോ​ടെ​യാ​ണ് യു​ഡി​എ​ഫി​ന്‍റെ പ്ര​വ​ര്‍ത്ത​നം.

◄പീ​രു​മേ​ട്►

തോ​ട്ടം​ തൊ​ഴി​ലാ​ളി​ക​ള്‍ വി​ധി​യെ​ഴു​തു​ന്ന മ​ണ്ഡ​ല​മാ​ണി​ത്. ത​മി​ഴ് വം​ശ​ജ​ര്‍ കൂ​ടു​ത​ലു​ള്ള ഇ​വി​ടെ തോ​ട്ടം മേ​ഖ​ല​യെ ചു​റ്റി​പ്പ​റ്റി​യാ​ണ് എ​ല്ലാ​യ്‌​പോ​ഴും പ്ര​ചാ​ര​ണം മു​ന്നേ​റു​ന്ന​ത്. ക​ഴി​ഞ്ഞ ര​ണ്ടു​ തെ​ര​ഞ്ഞെ​ടു​പ്പു​ക​ളി​ലും യു​ഡി​എ​ഫ് സ്ഥാ​നാ​ര്‍ഥി​യാ​യി​രു​ന്ന സി​റി​യ​ക് തോ​മ​സ് ത​ന്നെ​യാ​ണ് ഇ​ത്ത​വ​ണ​യും യു​ഡി​എ​ഫി​നാ​യി ക​ള​ത്തി​ലി​റ​ങ്ങി​യി​രി​ക്കു​ന്ന​ത്. ഇ​ട​തു-​വ​ല​തു​മു​ന്ന​ണി​ക​ള്‍ക്ക് ഒ​രു​പോ​ലെ സ്വാ​ധീ​ന​മു​ള്ള മ​ണ്ഡ​ല​മാ​ണെ​ങ്കി​ലും ക​ഴി​ഞ്ഞ നാ​ലു തെ​ര​ഞ്ഞെ​ടു​പ്പു​ക​ളി​ലും എ​ല്‍ഡി​എ​ഫി​നൊ​പ്പ​മാ​യി​രു​ന്നു ഈ ​മ​ണ്ഡ​ലം.

2016ല്‍ ​ഇ.​എ​സ്. ബി​ജി​മോ​ള്‍ 334 വോ​ട്ടു​ക​ള്‍ക്കാ​ണ് സി​റി​യ​ക് തോ​മ​സി​നെ പ​രാ​ജ​യ​പ്പെ​ടു​ത്തി​യ​ത്. ചു​ണ്ടി​നും ക​പ്പി​നു​മി​ട​യി​ല്‍ ന​ഷ്ട​മാ​യ മ​ണ്ഡ​ലം ഇ​ത്ത​വ​ണ എ​ങ്ങ​നെ​യും വ​രു​തി​യി​ലാ​ക്കാ​നാ​ണ് യു​ഡി​എ​ഫ് ശ്ര​മം. സി​റ്റിം​ഗ് എം​എ​ല്‍എ​യാ​യി​രു​ന്ന വാ​ഴൂ​ര്‍ സോ​മ​ന്‍റെ വി​യോ​ഗ​ത്തി​നു ശേ​ഷം ന​ട​ക്കു​ന്ന തെ​ര​ഞ്ഞെ​ടു​പ്പി​ല്‍ സി​പി​ഐ ജി​ല്ലാ സെ​ക്ര​ട്ട​റി കെ. ​സ​ലിം​കു​മാ​റാ​ണ് എ​ല്‍ഡി​എ​ഫി​നാ​യി ഇ​ത്ത​വ​ണ ക​ള​ത്തി​ലി​റ​ങ്ങി​യി​രി​ക്കു​ന്ന​ത്. തൊ​ഴി​ലാ​ളി​ക​ളു​മാ​യി അ​ടു​ത്ത ബ​ന്ധം പു​ല​ര്‍ത്തു​ന്ന ഇ​ദ്ദേ​ഹം ജി​ല്ല​യി​ല്‍ സി​പി​ഐ​യു​ടെ ഏ​ക മ​ണ്ഡ​ലം നി​ല​നി​ര്‍ത്ത​ണമെന്ന നി​ശ്ച​യദാ​ര്‍ഢ്യ​ത്തി​ലാ​ണ് പ്ര​ചാ​ര​ണം ന​ട​ത്തി​വ​രു​ന്ന​ത്. എ​ന്‍ഡ​എ സ്ഥാ​നാ​ര്‍ഥി ര​തീ​ഷ് വ​ര​കു​കാ​ല​യും മി​ക​ച്ച പ്ര​വ​ര്‍ത്ത​ന​മാ​ണ് ന​ട​ത്തു​ന്ന​ത്.

◄ദേ​വി​കു​ളം►

രാ​ജാ​മാ​രു​ടെ പോ​രാ​ട്ടം ന​ട​ക്കു​ന്ന മ​ണ്ഡ​ല​ത്തി​ല്‍ തെ​ര​ഞ്ഞെ​ടു​പ്പി​ന്‍റെ ചൂ​ട് എ​ല്ലാ സീ​മ​യും അ​തി​ലം​ഘി​ച്ചാ​ണ് മു​ന്നേ​റു​ന്ന​ത്. ജി​ല്ല​യി​ലെ ഏ​ക സം​വ​ര​ണ​ മ​ണ്ഡ​ല​മാ​യ ഇ​വി​ടെ യു​വ​ര​ക്ത​ങ്ങ​ള്‍ ത​മ്മി​ലാ​ണ് പോ​രാ​ട്ടം. എ​ല്‍ഡി​എ​ഫി​നാ​യി സി​റ്റിം​ഗ് എം​എ​ല്‍എ എ. ​രാ​ജ​യും യു​ഡി​എ​ഫി​നാ​യി എ​ഫ്. രാ​ജ​യും മ​ത്സ​രി​ക്കു​മ്പോ​ള്‍ എ​ന്‍ഡി​എ​യ്ക്കു​വേ​ണ്ടി മു​ന്‍ എം​എ​ല്‍എ എ​സ്. രാ​ജേ​ന്ദ്ര​നാ​ണ് രം​ഗ​ത്തു​ള്ള​ത്. ത​മി​ഴ് വം​ശ​ജ​രാ​യ തോ​ട്ടം​തൊ​ഴി​ലാ​ളി​ക​ള്‍ക്ക് ഏ​റെ സ്വാ​ധീ​ന​മു​ള്ള മ​ണ്ഡ​ല​മാ​ണി​ത്.

രാ​ജ്യ​ത്തെ ഏ​ക ട്രൈ​ബ​ല്‍ പ​ഞ്ചാ​യ​ത്താ​യ ഇ​ട​മ​ല​ക്കു​ടി സ്ഥി​തിചെ​യ്യു​ന്ന​തും ഈ ​മ​ണ്ഡ​ല​ത്തി​ലാ​ണ്. ത​മി​ഴ് സ്വാ​ധീ​നം മു​ന്‍നി​ര്‍ത്തി എ​ഐ​എഡി​എം​കെ മു​ന്‍ തെ​ര​ഞ്ഞെ​ടു​പ്പു​ക​ളി​ല്‍ ഇ​വി​ടെ സ്ഥാ​നാ​ര്‍ഥി​യെ മ​ത്സ​രി​പ്പി​ച്ചി​രു​ന്നു. എ​ന്നാ​ല്‍ ഇ​വ​ര്‍ എ​ന്‍ഡി​എ ഘ​ട​ക​ക്ഷി​യാ​യ​തോ​ടെ ഇ​ത്ത​വ​ണ മ​ത്സ​ര​രം​ഗ​ത്തി​ല്ല. മൂ​ന്നു​ ത​വ​ണ ഇ​വി​ടെ നി​ന്ന് എ​ല്‍ഡി​എ​ഫ് സ്ഥാ​നാ​ര്‍ഥി​യാ​യി വി​ജ​യി​ച്ച എ​സ്. രാ​ജേ​ന്ദ്ര​ന്‍റെ മു​ന്ന​ണി​മാ​റ്റ​മാ​ണ് ഇ​വി​ടെ തെ​ര​ഞ്ഞെ​ടു​പ്പി​നെ ശ്ര​ദ്ധേ​യ​മാ​ക്കു​ന്ന​ത്. അ​വ​സാ​ന​ഘ​ട്ട​ത്തി​ലേ​ക്ക് എ​ത്തി​യ​തോ​ടെ മൂ​ന്നു​മു​ന്ന​ണി​ക​ളും പ്ര​ചാ​ര​ണം ക​ടു​പ്പി​ക്കു​ക​യാ​ണ്.