തൃശൂർ: സമൂഹത്തിലെയും സഭയിലെയും കുടുംബങ്ങളിലെയും പ്രശ്നങ്ങളിൽ പരിഹാരം നൽകാൻ പ്രതിബദ്ധതയോടെ ഇടപെടണമെന്ന് അതിരൂപത സഹായമെത്രാൻ മാർ ടോണി നീലങ്കാവിൽ. അതിരൂപത കുടുംബകൂട്ടായ്മ പ്രഥമ ജനറൽ ബോഡി യോഗം ഉദ്ഘാടനം ചെയ്യുകയായിരുന്നു അദ്ദേഹം.
വളർച്ചയുടെ ഓരോ ഘട്ടത്തിലും പ്രധാന കണ്ണിയായി പ്രവർത്തിക്കണം. സഭാപ്രവർത്തനത്തിനു സജീവമായ പങ്കാളിത്തവും നേതൃത്വവും കുടുംബകൂട്ടായ്മകളിൽനിന്ന് ഉണ്ടാകണമെന്നും അദ്ദേഹം പറഞ്ഞു.
വാർഷികകർമപദ്ധതിയുടെ പ്രകാശനം ബിഷപ് നിർവഹിച്ചു. കുടുംബകൂട്ടായ്മ അതിരൂപത ഡയറക്ടർ ഫാ. ഫ്രാൻസീസ് ട്വിങ്കിൾ വാഴപ്പിള്ളി അധ്യക്ഷനായിരുന്നു.
ജനറൽ കണ്വീനർ പ്രഫ. ജോർജ് അലക്സ്, അസിസ്റ്റന്റ് ഡയറക്ടർ ഫാ. അനീഷ് കൂത്തൂർ, ജനറൽ സെക്രട്ടറി എ.ഡി. ഷാജു, സി.ടി. ജോയ്, ഓസ്റ്റിൻ ഷോബി, അന്ന ബാബു എന്നിവർ പ്രസംഗിച്ചു. സെന്റ് ജോസഫ് മെന്റൽ ഹോം ഡയറക്ടർ ഫാ. രാജു അക്കര നേതൃത്വപരിശീലന ക്ലാസ് നയിച്ചു. റോബിൻസണ് മൂക്കൻ, ഫാജി വർഗീസ്, എൽസി സ്കറിയ, ജോമി ജോണ്സണ്, സിബി ജോർജ് എന്നിവർ നേതൃത്വം നൽകി.