4

ക​രു​വാ​ര​കു​ണ്ട്: ഇ​രി​ങ്ങാ​ട്ടി​രി​യി​ലെ ജ​ന​വാ​സമേ​ഖ​ല​യി​ൽ വീ​ണ്ടും പു​ലി​പ്പേ​ടി. റോ​ഡി​ൽ പു​ലി​യെ ക​ണ്ടെ​ന്ന ലോ​റിത്തൊ​ഴി​ലാ​ളി​ക​ളു​ടെ വെ​ളി​പ്പെ​ടു​ത്ത​ലോ​ടെ​യാ​ണ് പ്ര​ദേ​ശ​വാ​സി​ക​ൾ ഭീ​തി​യി​ലാ​യ​ത്. ഇ​തോ​ടെ ഇ​ന്ന​ലെ പു​ല​ർ​ച്ചെ തൊ​ഴി​ലാ​ളി​ക​ൾ ആ​രും റ​ബ​ർ ടാ​പ്പിം​ഗി​ന് ഇ​റ​ങ്ങി​യി​ല്ല.

തി​ങ്ക​ളാ​ഴ്ച രാ​ത്രി ഒ​ന്പ​തോ​ടെ പൂ​ക്കോ​ട്ടും​പാ​ട​ത്തുനി​ന്ന് മേ​ലാ​റ്റൂ​ർ വ​ഴി ലോ​ഡു​മാ​യി പോ​യ ലോ​റിത്തൊ​ഴി​ലാ​ളി​ക​ളാ​ണ് പു​ലി​യെ ക​ണ്ട കാ​ര്യം മ​റ്റു​ള്ള​വ​രെ അ​റി​യി​ച്ച​ത്. മേ​ലാ​റ്റൂ​ർ റോ​ഡി​ന്‍റെ ഇ​ട​തു​വ​ശ​ത്ത് ഉ​യ​ർ​ന്ന ഭാ​ഗ​ത്തുനി​ന്നി​റ​ങ്ങി റോ​ഡി​ന് കു​റു​കേ മ​റു​വ​ശ​ത്തേ​ക്ക് ഓ​ടി മ​റ​ഞ്ഞ​താ​യും പു​ലി​ക്ക് ഏ​താ​ണ്ട് ആ​റ​ടി​യോ​ളം വ​ലി​പ്പ​മു​ണ്ടെ​ന്നു​മാ​യി​രു​ന്നു വെ​ളി​പ്പെ​ടു​ത്ത​ൽ.

ഇ​തോ​ടെ ക​രു​വാ​ര​കു​ണ്ട് ഗ്രാ​മ​പ​ഞ്ചാ​യ​ത്തം​ഗം വി.​ ഷ​ബീ​റ​ലി​യു​ടെ നേ​തൃ​ത്വ​ത്തി​ൽ നാ​ട്ടു​കാ​ർ പ​രി​സ​ര​മാ​കെ തെ​ര​ഞ്ഞെ​ങ്കി​ലും പു​ലി​യെ ക​ണ്ടെ​ത്താ​നാ​യി​ല്ല. എ​ന്നാ​ൽ വി​വ​രം വ​നംവ​കു​പ്പ് അ​ധി​കൃ​ത​രെ അ​റി​യി​ച്ച​പ്പോ​ൾ ക​ണ്ട​ത് കാ​ട്ടു​പൂ​ച്ച​യാ​കാ​മെ​ന്ന ഒ​ഴു​ക്ക​ൻ മ​ട്ടി​ലു​ള്ള മ​റു​പ​ടി​യാ​ണ് ല​ഭി​ച്ച​തെ​ന്നും ഭീ​തി​യ​ക​റ്റാ​ൻ ഉ​ദ്യോ​ഗ​സ്ഥ​ർ കാ​ര്യ​മാ​യ ന​ട​പ​ടി​ക​ളൊ​ന്നും സ്വീ​ക​രി​ക്കാ​തെ മ​ട​ങ്ങിപ്പോ​യെ​ന്നും പ്ര​ദേ​ശ​വാ​സി​ക​ൾ പ​റ​ഞ്ഞു.

ഇ​രി​ങ്ങാ​ട്ടി​രി മേ​ഖ​ല​യി​ൽ തെ​രു​വു​നാ​യ്ക​ളു​ടെ എ​ണ്ണ​ത്തി​ലും കു​റ​വു​ണ്ട്. ര​ണ്ടു വ​ർ​ഷം മു​ന്പും പ്ര​ദേ​ശ​ത്ത് പു​ലി​യെ നാ​ട്ടു​കാ​ർ നേ​രി​ട്ടു ക​ണ്ടി​രു​ന്നു. ക​രു​വാ​ര​കു​ണ്ട് ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് എ​ൻ.​ ഉ​ണ്ണീ​ൻ​കു​ട്ടി, ഗ്രാ​മ​പ​ഞ്ചാ​യ​ത്തം​ഗം വി.​ ഷ​ബീ​റ​ലി തു​ട​ങ്ങി​യ​വ​രു​ടെ നേ​തൃ​ത്വ​ത്തി​ലു​ള്ള സം​ഘം ഇ​രി​ങ്ങാ​ട്ടി​രി​യി​ലെ​ത്തി ജ​ന​ങ്ങ​ൾ​ക്ക് ജാ​ഗ്ര​താനി​ർ​ദേ​ശം ന​ൽ​കി.

വീ​ടി​നോ​ട് ചേ​ർ​ന്ന കൃ​ഷി​യി​ട​ത്തി​ൽ പു​ലി​യു​ടേ​തി​ന് സ​മാ​ന​മാ​യ കാ​ൽ​പ്പാ​ടു​ക​ൾ

എ​ട​ക്ക​ര: പോ​ത്തു​ക​ൽ കു​ട്ടം​കു​ള​ത്ത് സ്വ​കാ​ര്യ​വ്യ​ക്തി​യു​ടെ കൃ​ഷി​യി​ട​ത്തി​ൽ പു​ലി​യു​ടേ​തി​ന് സ​മാ​ന​മാ​യ കാ​ൽ​പാ​ടു​ക​ൾ. കൈയേ​റ്റ​ക്കു​ന്നി​ലെ പ​ടു​ത്തു​കു​ള​ങ്ങ​ര നി​ഷാ​ദി​ന്‍റെ വീ​ടി​നോ​ട് ചേ​ർ​ന്ന കൃ​ഷി​യി​ട​ത്തി​ലാ​ണ് വ​ന്യ​ജീ​വി​യു​ടെ കാ​ൽ​പ്പാ​ടു​ക​ൾ ക​ണ്ടെ​ത്തി​യ​ത്.

ചാ​ലി​യാ​ർ പു​ഴ​യോ​ട് ചേ​ർ​ന്നാ​ണ് നി​ഷാ​ദ് താ​മ​സി​ക്കു​ന്ന​ത്. രാ​ത്രി വ​ള​ർ​ത്തു​നാ​യ നി​ർ​ത്താ​തെ കു​ര​ച്ചി​രു​ന്നു. ശാ​രീ​രി​ക പ​രി​മി​തി​ക​ൾ ഉ​ള്ള​തി​നാ​ൽ നി​ഷാ​ദ് രാ​ത്രി പു​റ​ത്തി​റ​ങ്ങി​യി​ല്ല. രാ​വി​ലെ കൃ​ഷി​യി​ട​ത്തി​ലെ​ത്തി​യ​പ്പോ​ഴാ​ണ് പു​ലി​യു​ടേ​തി​ന് സ​മാ​ന​മാ​യ കാ​ൽ​പ്പാ​ടു​ക​ൾ ക​ണ്ട​ത്.

തു​ട​ർ​ന്ന് ഇ​യാ​ൾ പോ​ത്തു​ക​ൽ വ​നം സ്റ്റേ​ഷ​നു​മാ​യി ബ​ന്ധ​പ്പെ​ടു​ക​യും ഉ​ദ്യോ​ഗ​സ്ഥ​രെ​ത്തി കാ​ൽ​പ്പാ​ടു​ക​ൾ പ​രി​ശോ​ധി​ക്കു​ക​യും ചെ​യ്തു. കാ​ൽ​പ്പാ​ടു​ക​ൾ പു​ലി​യു​ടേ​താ​ണെ​ന്ന് സം​ശ​യി​ക്കു​ന്ന​താ​യി വ​നം ഉ​ദ്യോ​ഗ​സ്ഥ​ർ പ​റ​ഞ്ഞു. സ്ഥ​ല​ത്ത് നി​രീ​ക്ഷ​ണം ന​ട​ത്തു​മെ​ന്നും വ​ന​പാ​ല​ക​ർ അ​റി​യി​ച്ചു.