തിരുവനന്തപുരം: ഞായറാഴ്ച ഉച്ചയോടെ മുഴുവൻ മന്ത്രിമാരുടെയും പട്ടിക ഗവർണർക്കു കൈമാറുമെന്നു നിയുക്ത മുഖ്യമന്ത്രി വി.ഡി. സതീശൻ. എഎഐസിസി ജനറൽ സെക്രട്ടറി കെ.സി. വേണുഗോപാലിനെ വീട്ടിലെത്തി കണ്ടശേഷം മാധ്യമ പ്രവർത്തകരുമായി സംസാരിക്കുകയായിരുന്നു അദ്ദേഹം.
യുഡിഎഫ് മന്ത്രിമാരുടെ ചർച്ചകൾ വളരെ വേഗത്തിലാണ് പൂർത്തീകരിക്കുന്നത്. പാർട്ടിയുമായി ചർച്ച ചെയ്താണ് പട്ടിക തയാറാക്കുന്നത്. പട്ടികയ്ക്ക് ഹൈക്കമാൻഡിന്റെ അനുമതിയും ആവശ്യമാണെന്നും വി.ഡി. സതീശൻ പറഞ്ഞു.