തൃശൂർ: ഗുരുവായൂർ നിയമസഭാ മണ്ഡലത്തിലെ എൻഡിഎ സ്ഥാനാർഥി അഡ്വ.ബി. ഗോപാലകൃഷ്ണന്റെ വർഗീയ പരാമർശത്തിനെതിരേ നിയമനടപടി സ്വീകരിക്കുമെന്നു ലോക് ജൻശക്തി പാർട്ടി (രാംവിലാസ്) സംസ്ഥാന ജനറൽ സെക്രട്ടറി ദിലീപ് വാഴപ്പിള്ളി അറിയിച്ചു.
ഗുരുവായൂർ ക്ഷേത്രനട പശ്ചാത്തലമാക്കി ഗുരുവായൂർ മണ്ഡലത്തിൽ ഹിന്ദു എംഎൽഎ ഉണ്ടാകണമെന്ന വീഡിയോ ചിത്രീകരിച്ച് തെരഞ്ഞെടുപ്പുപ്രചാരണം നടത്തിയതിനെതിരേയാണ് നിയമനടപടി ആവശ്യപ്പെടുന്നത്.
ഈ വിഷയം ചൂണ്ടിക്കാട്ടി തെരഞ്ഞെടുപ്പുകമ്മീഷനു പരാതിനൽകും. ബി. ഗോപാലകൃഷ്ണനെ എൻഡിഎ സ്ഥാനാർഥിയായി മത്സരിപ്പിക്കരുതെന്ന് എൻഡിഎ ചെയർമാൻ രാജീവ് ചന്ദ്രശേഖറിനോടും ആവശ്യപ്പെടും.
ബി. ഗോപാലകൃഷ്ണൻ മാപ്പുപറയാത്തപക്ഷം ഗുരുവായൂർ മണ്ഡലത്തിലെ പ്രചാരണത്തിൽനിന്നു മാറിനിൽക്കുമെന്നും അറിയിച്ചു.