ചെന്നൈ: സ്ക്വാഷ് ലോകകപ്പിൽ കന്നിക്കിരീട നേട്ടത്തിൽ ഇന്ത്യ. ആവേശം നിറഞ്ഞ ഫൈനൽ പോരാട്ടത്തിൽ ഹോങ്കോംഗിനെ 3-0ന് തോൽപ്പിച്ചാണ് ഇന്ത്യ കിരീടം സ്വന്തമാക്കിയത്.
ആദ്യ മത്സരത്തിൽ ലോക റാങ്കിംഗിൽ 37-ാം സ്ഥാനത്തുള്ള ലീ കായീയെ 3-1ന് പരാജയപ്പെടുത്തി തമിഴ്നാട് താരം ജോഷ്ന ചിന്നപ്പ ഇന്ത്യക്കു മികച്ച തുടക്കം നൽകി.
അടുത്ത മത്സരത്തിൽ ഇന്ത്യയുടെ ഒന്നാം നന്പർ താരം അഭയ് സിംഗ്് 3-0ന് അലക്സ് ലാവുവിനെ വീഴ്ത്തി.
മൂന്നാം മത്സരത്തിൽ തൊമാട്ടോഹോയെ അനഹത് സിംഗ്് തോൽപ്പിച്ചതോടെ (3-0) ഇന്ത്യ ചരിത്രത്തിലാദ്യമായി സ്ക്വാഷ് ലോകകപ്പ് സ്വന്തമാക്കി.