കോഴിക്കോട്: സിപിഎം വേങ്ങേരി ഏരിയാ കമ്മിറ്റി അംഗം ഒ.സദാശിവൻ കോഴിക്കോട് കോർപറേഷനിലെ എൽഡിഎഫ് മേയർ സ്ഥാനാർഥിയാകും. വേങ്ങേരി വാർഡിൽ നിന്ന് ജയിച്ച ഒ.സദാശിവൻ മേയർ തെരഞ്ഞെടുപ്പിൽ മത്സരിക്കുമെന്ന് എൽഡിഎഫ് നേതൃത്വം വ്യക്തമാക്കി.
ഇത് മൂന്നാം തവണയാണ് സദാശിവൻ കോഴിക്കോട് കോർപറേഷൻ കൗൺസിലറാകുന്നത്. ഡോ. എസ്. ജയശ്രീ ഡെപ്യൂട്ടി മേയറാവും. ജയശ്രീ നിലവിലെ കൗൺസിലിൽ ആരോഗ്യ സ്റ്റാൻഡിംഗ് കമ്മിറ്റി ചെയർപഴ്സനാണ്.
കോട്ടൂളി വാർഡിൽ നിന്നാണ് ജയശ്രീ വിജയിച്ചത്. കോഴിക്കോട് ഗവൺമെന്റ് ആർട്സ് ആൻഡ് സയൻസ് കോളജ് മുൻ പ്രിൻസിപ്പലാണ്.
എൽഡിഎഫ് 35, യുഡിഎഫ് 28, എൻഡിഎ 13 എന്നിങ്ങനെയാണ് കോർപറേഷനിലെ കക്ഷിനില. യുഡിഎഫിന്റെ മേയർ സ്ഥാനാർഥിയെ ഉടൻ പ്രഖ്യാപിക്കുമെന്ന് നേതൃത്വം വ്യക്തമാക്കി.
Deepika
E-paper LOGIN
LOGIN
