ചവറ: തദ്ദേശ സ്വയംഭരണ സ്ഥാപനങ്ങള്ക്ക് സര്ക്കാര് നീക്കിവച്ചിരുന്ന പദ്ധതി വിഹിതമായി നല്കുന്ന ഫണ്ട് വെട്ടി കുറയ്ക്കുകയും പഞ്ചായതിന് നല്കേണ്ടുന്ന ആദ്യ ഗഡു പോലും നല്കാതിരിക്കുന്ന യുഡിഎഫ് സര്ക്കാരിനെതിരെ സിപി എം നേതൃത്വത്തില് തദ്ദേശ സ്വയംഭരണ സ്ഥാപനങളിലേക്ക പ്രതിഷേധ മാര്ച്ചും ധര്ണ്ണയും സംഘടിപ്പിച്ചു.
ചവറ പഞ്ചായത്ത് ഓഫീസില് മുന്നില് നടന്ന മാര്ച്ചും ധര്ണയും സിപിഎം ജില്ലാ സെക്രട്ടറിയേറ്റ് അംഗം ടി. മനോഹരന് ഉദ്ഘാടനം ചെയ്തു. ഏരിയ കമ്മിറ്റി അംഗം എന്. വിക്രമക്കുറുപ്പ് അധ്യക്ഷനായി. ലോക്കല് സെക്രട്ടറി ജെ. ജോയി, കെ. സുരേഷ് ബാബു, എല് ലോയിഡ് എന്നിവര് പ്രസംഗിച്ചു.
പന്മന പഞ്ചായത്ത് ഓഫീസില് മുന്നില് നടന്ന മാര്ച്ചും ധര്ണയും ഏരിയ സെക്രട്ടറി ആര്. രവീന്ദ്രന് ഉദ്ഘാടനം ചെയ്തു. ലോക്കല് സെക്രട്ടറി എം.വി. പ്രസാദ് അധ്യക്ഷനായി. അഹമ്മദ് മന്സൂര്, ആര് സുരേന്ദ്രന് പിള്ള, ജെ അനില്, ഷീന പ്രസാദ്, കെ.എ. നിയാസ്, എല്. വിജയന് നായര്, എസ് സന്തോഷ് എന്നിവര് പ്രസംഗിച്ചു. തേവലക്കര പഞ്ചായത്ത് ഓഫീസിനു മുന്നില് നടന്ന മാര്ച്ചും ധര്ണയും സിപിഎം ജില്ലാ കമ്മിറ്റി അംഗം ജി. മുരളീധരന് ഉദ്ഘാടനം ചെയ്തു. ലോക്കല് സെക്രട്ടറി വി. ഗോവിന്ദ പിള്ള അധ്യക്ഷനായി. ലോക്കല് സെക്രട്ടറി എസ്. അനില്, കെ. മോഹനകുട്ടന്, ആര്. രാമചന്ദ്രന് പിള്ള, ജി. ജയകുമാര്, എന്.ആര്. ബിജു, ഹാരീസ്, സി.ആര്. ശിവന്, കെ. മനോഹരന് എന്നിവര് പ്രസംഗിച്ചു.
നീണ്ടകര പഞ്ചായത്ത് ഓഫീസിനു മുന്നില് നടന്ന മാര്ച്ചും ധര്ണയും ജില്ലാ കമ്മിറ്റി അംഗം ശ്യാം മോഹന് ഉദ്ഘാടനം ചെയ്തു. ലോക്കല് സെക്രട്ടറി ജോയി ആന്റണി അധ്യക്ഷനായി. ലോക്കല് കമ്മിറ്റി യംഗം ആര്.അഭിലാഷ്, ജില്ലാ സെക്രട്ടറിയേറ്റ് അംഗം ടി. മനോഹരന്, കെ. ലതീഷന്, പുഷ്പലത എന്നിവര് പ്രസംഗിച്ചു.
തെക്കുംഭാഗം പഞ്ചായത്ത് ഓഫീസിനു മുന്നില് നടന്ന മാര്ച്ചും ധര്ണയുംസിപിഎം ഏരിയ കമ്മിറ്റി അംഗം വി. മധു ഉദ്ഘാടനം ചെയ്തു.ലോക്കല് കമ്മിറ്റി അംഗം ബി.കെ. വിനോദ് അധ്യക്ഷനായി. ലോക്കല് കമ്മിറ്റി സെക്രട്ടറി ബാജി സേനാഥിപന്, പ്രദീപ് എസ് പുല്യാഴം, ടി.എന്. നീലാംബരന് എന്നിവര് പ്രസം ഗിച്ചു.
Deepika
E-paper LOGIN
LOGIN
