തിരുവനന്തപുരം: ചട്ടപ്രകാരമുള്ള ഫീസും ഈടാക്കേണ്ട ബാങ്ക് ഗാരന്റിയും സത്യവാങ്മൂലമായി വാങ്ങി ക്വാറികൾക്ക് പ്രവർത്തനാനുമതി നൽകാൻ മന്ത്രിസഭാ തീരുമാനം.
പതിച്ചു നൽകിയ ഭൂമി ക്വാറിയിംഗ് പ്രവർത്തനത്തിന് വേണ്ടി ക്രമവത്കരിക്കുന്ന സമയത്ത് ചട്ടപ്രകാരമുള്ള ഫീസ് അടച്ചുകൊള്ളാം എന്ന സത്യവാങ്മൂലം ക്വാറി ഉടമകളിൽ നിന്നു വാങ്ങുക. ക്വാറി ഉടമകളിൽ നിന്നു ചട്ടപ്രകാരം ഈടാക്കേണ്ട ബാങ്ക് ഗ്യാരന്റി വാങ്ങിയാണ് പ്രവർത്തനാനുമതി നൽകുക.
ക്വാറി പ്രവർത്തനത്തിന് ആവശ്യമായ മറ്റെല്ലാ ലൈസൻസുകളും ലഭിച്ചിട്ടുള്ള പക്ഷം, ധനവകുപ്പും നിയമ വകുപ്പും അംഗീകരിക്കുന്ന സത്യവാങ്മൂലത്തിന്റെ അടിസ്ഥാനത്തിലാണ് ക്വാറിയിംഗിന് അനുമതി നൽകുക.