ട്വന്റി 20യുടെ ഏറ്റുമാനൂരിലെ സ്ഥാനാർഥിത്വും അനിശ്ചിതത്തിൽ. ഏറ്റുമാനൂരിലെ സ്ഥാനാർഥി നടി വീണാ നായർക്കും വോട്ടില്ല. നേരത്തെ പെരുമ്പാവൂരിലെ ട്വന്റി 20 സ്ഥാനാർത്ഥി നടി ലക്ഷ്മി പ്രിയയുടെ പേരും വോട്ടര്പട്ടികയിൽ ഇല്ലെന്ന് കണ്ടെത്തിയിരുന്നു. തുടർന്ന് ലക്ഷ്മിപ്രിയയുടെ റോഡ് ഷോ റദ്ദാക്കിയിരുന്നു.
കേന്ദ്രമന്ത്രി ഭൂപതി രാജു ശ്രീനിവാസവർമ ആയിരുന്നു റോഡ് ഷോ ഉദ്ഘാടനം ചെയ്യേണ്ടിയിരുന്നത്. ബിജെപി ഘടകകക്ഷിയായ ട്വന്റി 20 സിനിമാ -സീരിയല്- റിയാലിറ്റി ഷോ താരങ്ങള്ക്ക് കൂട്ടത്തോടെ സീറ്റ് നല്കിയാണ് സ്ഥാനാർഥികളെ പ്രഖ്യാപിച്ചത്.
തൃപ്പൂണിത്തുറയില് സിനിമാ താരം അഞ്ജലി നായരാണ് സ്ഥാനാർഥി. ഏറ്റുമാനൂരില് വീണാ നായര്, അങ്കമാലിയില് പ്രോമി കുര്യാക്കോസ്, വൈപ്പിനിൽ നര്ത്തകിയും നടിയും സംരംഭകയുമായ അനിത തോമസ് എന്നിവരാണ് ട്വന്റി 20 സ്ഥാനാർഥികൾ. തൃക്കാക്കരയിൽ അഖിൽ മാരാറാണ് സ്ഥാനാർഥി.