കോട്ടയം: ഓൾ ഇന്ത്യ കാത്തലിക് യൂണിയൻ (എഐസിയു) സംസ്ഥാന പ്രസിഡന്റായി ബേബി മുളവേലിപ്പുറത്തിനെ തെരഞ്ഞെടുത്തു. ഡൽഹി ഡോൺ ബോസ്കോ ഭവനിൽ നടന്ന എഐസിയു ജനറൽ ബോഡി യോഗത്തിലാണ് സീറോമലബാർ വിഭാഗത്തിൽനിന്നുള്ള സംസ്ഥാന പ്രസിഡന്റായി അദ്ദേഹത്തെ തെരഞ്ഞെടുത്തത്.
യോഗത്തിൽ ദേശീയ പ്രസിഡന്റ് എ. ചിന്നപ്പൻ അധ്യക്ഷത വഹിച്ചു.
ഡൽഹി ആർച്ച്ബിഷപ് ഡോ. അനിൽ കൂട്ടോ മുഖ്യാതിഥിയായിരുന്നു. നിലവിൽ ക്നാനായ കത്തോലിക്ക കോൺഗ്രസ് കോട്ടയം അതിരൂപതാ ജനറൽ സെക്രട്ടറിയും കോട്ടയം അതിരൂപത പാസ്റ്ററൽ കൗൺസിൽ അംഗവുമാണ് ബേബി. ഡൽഹിയിലും കേരളത്തിലുമായി പ്രവർത്തിച്ചുവരുന്ന സൈമൺസ് ഇന്റർനാഷണൽ പ്ലേസ്മെന്റ് ആൻഡ് ട്രാവൽസ് എന്ന സ്ഥാപനത്തിന്റെ സ്ഥാപകനും സിഇഒയുമാണ്.
കോട്ടയം ചേർപ്പുങ്കൽ പരേതനായ എം.പി. സൈമൺ-മേരി ദമ്പതികളുടെ ഇളയ മകനാണ്. ഭാര്യ: ജിൻസി. മക്കൾ: ഫിലിപ്പ്, ലയ, എലിസബത്ത്, ജോസഫ്.