കൊച്ചി: യുവാവിനെ ആക്രമിച്ച് എടിഎം കാർഡ് തട്ടിയെടുത്ത കേസിൽ പ്രതി അറസ്റ്റിൽ. ഇടുക്കി കട്ടപ്പന പാറക്കടവ് ഭാഗത്ത് മങ്ങാട്ടുകുന്നിൽ വീട്ടിൽ രതീഷിനെ (41) ആണ് ആലുവ പോലീസ് അറസ്റ്റ് ചെയ്തത്. മേയ് 18ന് രാത്രി 11 ഓടെയായിരുന്നു സംഭവം.
ആലുവ പാലസ് ഭാഗത്തെ നടപ്പാലത്തിന് സമീപം നിൽക്കുകയായിരുന്ന കാഞ്ഞൂർ സ്വദേശിയെ ആക്രമിച്ച് പോക്കറ്റിൽനിന്ന് എടിഎം കാർഡ് തട്ടിയെടുക്കുകയായിരുന്നു. ഇൻസ്പെക്ടർ കെ.ജി. ഗോപകുമാർ, എസ്ഐമാരായ സജീഷ്, വിനിൽകുമാർ, എഎസ്ഐ സ്വപ്ന, സിപിഒ അരവിന്ദ് എന്നിവരാണ് അന്വേഷണ സംഘത്തിലുണ്ടായിരുന്നത്.