കൊച്ചി: യൂത്ത് കോണ്ഗ്രസ് ദേശീയ വക്താക്കളായി യൂത്ത് കോണ്ഗ്രസ് നേതാക്കളായ വസന്ത് സിറിയക് തെങ്ങുംപള്ളിയെയും എം.എസ്. അഭിജിത്തിനെയും നിയമിച്ചു.
യൂത്ത് കോണ്ഗ്രസ് ദേശീയ പ്രസിഡന്റ് പുറത്തുവിട്ട പട്ടികയില് മീഡിയ പാനലിസ്റ്റ് വിഭാഗത്തിലാണ് ഇരുവരുടെയും പേരുള്ളത്.
ചാനല് ചര്ച്ചകളിലും മാധ്യമ ഇടപെടലുകളിലും സംഘടനയുടെ നിലപാട് വിശദീകരിക്കുകയെന്നതാണ് ഇവരുടെ ഔദ്യോഗിക ദൗത്യം.
കോട്ടയം പൂഞ്ഞാര് സ്വദേശിയായ അഡ്വ. വസന്ത് സിറിയക് ഹൈക്കോടതി അഭിഭാഷകനാണ്. നിലവില് കോണ്ഗ്രസ് മീഡിയ പാനലിസ്റ്റ് അംഗമാണ്. തിരുവനന്തപുരം സ്വദേശിയായ എം.എസ്. അഭിജിത്ത് കെഎസ്യു ജില്ലാ പ്രസിഡന്റായിരുന്നു. നിലവില് യൂത്ത് കോണ്ഗ്രസ് നേതാവും തിരുവനന്തപുരം ലോ കോളജ് വിദ്യാര്ഥിയുമാണ്.
യൂത്ത് കോണ്ഗ്രസ് ദേശീയ തലത്തില് സംഘടിപ്പിച്ച ടാലന്റ് ഹണ്ടില് അഡ്വ.വസന്ത് ദേശീയ ജേതാവും അഭിജിത്ത് ഫസ്റ്റ് റണ്ണറപ്പുമായിരുന്നു.
Deepika
E-paper LOGIN
LOGIN
