കൊച്ചി: കാംപസുകളെ രാഷ്ട്രീയ സ്വാധീനത്തില് നിന്ന് മുക്തമാക്കാനുള്ള ചട്ടങ്ങള്ക്ക് രൂപം നല്കാന് സംസ്ഥാനത്തെ സര്വകലാശാല സിന്ഡിക്കറ്റുകള്ക്ക് ഹൈക്കോടതി നിര്ദേശം നല്കി.
എറണാകുളം മഹാരാജാസ് കോളജ് വിദ്യാര്ഥിയായിരുന്ന അഭിമന്യു കൊല്ലപ്പെട്ട പശ്ചാത്തലത്തില് കലാലയ രാഷ്ട്രീയം നിയന്ത്രിക്കാന് നടപടി ആവശ്യപ്പെട്ട് ചെങ്ങന്നൂര് സ്വദേശി എല്.എസ്. അജോയ് നല്കിയ ഹര്ജിയിലാണ് ചീഫ് ജസ്റ്റീസ് സൗമെന് സെന്, ജസ്റ്റീസ് വി.എം. ശ്യാംകുമാര് എന്നിവരടങ്ങുന്ന ഡിവിഷന് ബെഞ്ചിന്റെ ഇടക്കാല ഉത്തരവ്.
എംജി സര്വകലാശാല 2005ല് തയാറാക്കിയ ചട്ടങ്ങള് മാതൃകയായി പരിഗണിച്ച് ചട്ടങ്ങള്ക്കു രൂപം നല്കാനാണ് നിര്ദേശം.
സൗഹാര്ദ അന്തരീക്ഷം എല്ലാ കലാലയങ്ങളിലും ഉറപ്പാക്കണമെന്നും പഠനപ്രവര്ത്തനങ്ങളില് വിട്ടുവീഴ്ച പാടില്ലെന്നും നിരീക്ഷിച്ചാണ് കോടതിയുടെ നിര്ദേശം. സര്വകലാശാലകള് തയാറാക്കുന്ന ചട്ടങ്ങള് കോടതിയിലും അഡീ. അഡ്വക്കറ്റ് ജനറലിനും കൈമാറണം.
Deepika
E-paper LOGIN
LOGIN