ഏറ്റുമാനൂർ: സഹപാഠിയായ യുവതിയുടെ ഇൻസ്റ്റഗ്രാം അക്കൗണ്ട് ഹാക്ക് ചെയ്ത് യുവതിയുടെയും സഹപാഠികളുടെയും ചിത്രങ്ങൾ മോർഫ് ചെയ്ത് നഗ്നചിത്രങ്ങളാക്കി മൊബൈൽ ഫോണിൽ രഹസ്യമായി സൂക്ഷിച്ച കേസിലെ പ്രതി പൊലിസ് കസ്റ്റഡിയിൽ. ഏറ്റുമാനൂരിലെ ഒരു കോളജിലെ വിദ്യാർഥിയായ അജ്മൽ ടി. മുഹമ്മദിനെയാണ് പൊലിസ് കസ്റ്റഡിയിലെടുത്തത്. യുവതിയുടെ ഇൻസ്റ്റഗ്രാം അക്കൗണ്ടിൽനിന്നും ശേഖരിച്ച ചിത്രങ്ങളും മറ്റ് സഹപാഠികളുടെയും ചിത്രങ്ങളും പ്രതി മോർഫ് ചെയ്ത് നഗ്നചിത്രങ്ങളാക്കി മാറ്റിയതായി കണ്ടെത്തിയിട്ടുണ്ട്.
കഴിഞ്ഞ വ്യാഴാഴ്ച യുവതിയും സുഹൃത്തുക്കളും ഈ ചിത്രങ്ങൾ കാണാനിടയായി. തുടർന്ന് യുവതി ഏറ്റുമാനൂർ പൊലിസിൽ പരാതി നൽകുകയായിരുന്നു. പ്രതിയുടെ മൊബൈൽ ഫോണും ലാപ്ടോപ്പും വിശദമായി പരിശോധിച്ചു വരികയാണെന്ന് പൊലിസ് അറിയിച്ചു.
Deepika
E-paper LOGIN
LOGIN