കൊച്ചി: അഭിഭാഷകയായ എ.കെ. പ്രീത കേരള ഹൈക്കോടതിയിലെ അഡീഷണല് ജഡ്ജിയായി ചുമതലയേറ്റു. ചീഫ് ജസ്റ്റീസ് സൗമെന് സെന് സത്യവാചകം ചൊല്ലിക്കൊടുത്തു. കഴിഞ്ഞ 24നാണ് കേന്ദ്ര നിയമമന്ത്രാലയം നിയമനം സംബന്ധിച്ച് വിജ്ഞാപനം പുറത്തിറക്കിയത്.
കൊച്ചി സ്വദേശിനിയായ എ.കെ. പ്രീത തൊഴില് നിയമം, സര്വീസ് മാറ്റേഴ്സ്, ഭരണഘടനാ നിയമം എന്നിവയില് വിദഗ്ധയാണ്. 2021ല് തിരുവനന്തപുരത്ത് പിങ്ക് പോലീസ് ഉപദ്രവിച്ച എട്ടു വയസുകാരിക്ക് നഷ്ടപരിഹാരം വാങ്ങിക്കൊടുത്ത നിയമപോരാട്ടത്തിനു നേതൃത്വം നല്കിയത് ശ്രദ്ധേയമാണ്.
പീരുമേട് ചെന്തിലകം കുടുംബാംഗമായ പ്രീത, അഡ്വ. ബി.ആര്. അരവിന്ദന് നായരുടെയും കൃഷ്ണമ്മയുടെയും മകളാണ്. ഭര്ത്താവ് ഡോ. എസ്.എസ്. ഗിരിശങ്കര് കാഞ്ഞിരപ്പള്ളി സെന്റ് ഡൊമിനിക്സ് കോളജ് ഓഫ് ലോ പ്രിന്സിപ്പലാണ്.
Deepika
E-paper LOGIN
LOGIN
