ഏഥൻസ്: ഗ്രീസിലെ തനാഗ്ര വ്യോമസേനാ താവളത്തിനു സമീപം നടന്ന എയർ ഷോയ്ക്കിടെ എഫ്-4 ഫാന്റെ യുദ്ധവിമാനം തകർന്നുവീണ് രണ്ട് പൈലറ്റുമാർ മരിച്ചു.
തലസ്ഥാനമായ ഏഥൻസിനു വടക്കുള്ള വ്യോമസേനാ താവളത്തിൽ വാർഷിക ‘ഏഥൻസ് ഫ്ലൈയിംഗ് വീക്ക്’ പ്രദർശനത്തിനിടെയാണ് ദുരന്തമുണ്ടായത്.
വ്യോമസേനാ താവളത്തിൽനിന്നു പറന്നുയർന്ന് മിനിറ്റുകൾക്കകം വിമാനം വലത്തോട്ട് തിരിയുന്നതിനിടെ നിലത്തേക്കു പതിച്ച് തീപിടിക്കുകയായിരുന്നു. റൺവേയിൽനിന്ന് രണ്ടു കിലോമീറ്റർ അകലെയാണ് വിമാനം തകർന്നുവീണത്.
അപകടത്തെത്തുടർന്ന് സമീപത്തെ വനമേഖലയിലേക്കു പടർന്ന തീയണയ്ക്കാൻ 11 അഗ്നിശമന വിമാനങ്ങളും ഹെലികോപ്റ്ററുകളും സ്ഥലത്തെത്തി. സംഭവത്തിൽ പ്രദേശവാസികൾക്കോ കാണികൾക്കോ പരിക്കേറ്റിട്ടില്ലെന്ന് അധികൃതർ അറിയിച്ചു.
Deepika
E-paper LOGIN
LOGIN