വിയന്ന: ഓസ്ട്രിയയിലെ പ്രശസ്ത വോളിബോള് ക്ലബായ ഐഎസ്സി വിയന്നയുടെ (ഇന്ത്യന് സ്പോര്ട്സ് ക്ലബ്) 45-ാം വാര്ഷികാഘോഷങ്ങളുടെ ഭാഗമായി സംഘടിപ്പിച്ച അന്തരാഷ്ട്ര വോളിബോള് ടൂര്ണമെന്റിന് ഗംഭീര സമാപനം.
നിരവധി വോളിബോള് പ്രേമികള് ഒത്തുചേര്ന്ന മത്സരത്തില് യൂറോപ്പിലെ വിവിധ രാജ്യങ്ങളില് നിന്നുള്ള 16 ടീമുകള് പങ്കെടുത്തു. അവിസ്മരണീയമായ മത്സരങ്ങള്ക്കും ആവേശത്തിനും സാക്ഷ്യം വഹിച്ച ടൂര്ണമെന്റിലെ ഫൈനല് പോരാട്ടത്തില് ഐഎസ്സി വിയന്ന ടൈറ്റന്സും (ക്യാപ്റ്റന് - അരുണ് മംഗലത്ത്) ഐഎസ്സി വിയന്ന നെക്സ്റ്റ് ജനറേഷനും (ക്യാപ്റ്റന് - റ്റെജോ കിഴക്കേക്കര) ഏറ്റുമുട്ടുകയും ടൈറ്റന്സ് ഒന്നാം സ്ഥാനം കരസ്ഥമാക്കുകയും ചെയ്തു.
ഇറ്റലിയില് നിന്നുള്ള യൂറോഫൈറ്റേഴ്സ് വോളി മൂന്നാം സ്ഥാനം കരസ്ഥമാക്കി. ഐഎസ്സി വിയന്ന വാരിയേഴ്സ് നാലാം സ്ഥാനത്തെത്തിയപ്പോള് ആര് ആന്ഡ് എസ് ഹെസെന് ഫ്രാങ്ക്ഫര്ട്ട് അഞ്ചാം സ്ഥാനം നേടി.
അതേസമയം കിരീടം നേടുമെന്ന് കാണികളും കളിക്കാരും ഒരുപോലെ പ്രതീക്ഷ നിലനിറുത്തിയ ടീം സ്റ്റുറ്റ്ഗാര്ട്ട് ബ്ലിറ്റ്സ് ക്വാര്ട്ടര് ഫൈനലില് നടന്ന ഇഞ്ചോടിഞ്ച് പോരാട്ടത്തില് വിയന്ന ടൈറ്റന്സിനോട് നേരിട്ടുള്ള സെറ്റുകള്ക്ക് കീഴടങ്ങി. ഐഎസ്സിയുടെ മൂന്ന് താരങ്ങള് മികച്ച കളിക്കാര്ക്കുള്ള അവാര്ഡുകളും സ്റ്റുറ്റ്ഗാര്ട്ടില് നിന്നുള്ള റോഷന് മികച്ച ഒഫന്സ് കളിക്കാരനുമായി തെരഞ്ഞെടുക്കപ്പെട്ടു.
E-paper LOGIN
LOGIN
