4

കാട്ടാക്കട: അമ്പൂരി പഞ്ചായത്ത് വൈസ് പ്രസിഡന്‍റെ വീടിനു നേരെ ആക്രമണം. വീടിന്‍റെ മുന്നിൽ നിർത്തിയിട്ടിരുന്ന ബൈക്ക് കത്തി നശിച്ചു. കണ്ടംതിട്ട വാർഡംഗം കൂടിയായ വൈസ് പ്രസിഡന്‍റ് സീനാ അനിലിന്‍റെ വീടിന് നേരെയാണ് അജ്ഞാതരുടെ ആക്രമണമുണ്ടായത്.

ആക്രമണത്തിൽ വീടിന്‍റെ ജനൽ ചില്ലുകൾ തകർന്നു. പുലർച്ചെ തീ പടരുന്നത് കണ്ടാണ് വീട്ടുകാർ ഉണർന്നത്. കോൺഗ്രസ് അംഗമാണ് സീന. നെയ്യാർ ഡാം പോലീസ് സ്ഥലത്ത് എത്തി പരിശോധന നടത്തി.

അതേസമയം, സംഭവത്തിനു പിന്നാലെ, സിപിഎം പ്രവർത്തകനെ പോലീസ് കസ്റ്റഡിയിലെടുത്തു. ഇയാളെ ചോദ്യം ചെയ്തു വരികയാണ്.