30

വൈപ്പിൻ: ബൈക്ക് യാത്രികനെ പതിയിരുന്ന് ആക്രമിച്ചതായി പരാതി. ഫോർട്ട് കൊച്ചി താമരപ്പറമ്പ് നാലാം കണ്ടത്തിൽ ജൂലിയസ് പാസ്കലിനു (56) നേരെയാണ് ആക്രമണം ഉണ്ടായത്. ഇയാളെ കൈ ഒടിഞ്ഞ നിലയിൽ ഏലൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.

കഴിഞ്ഞദിവസം രാത്രി 9.30 ന് വല്ലാർപാടം കണ്ടെയ്നർ റോഡിൽ മുളവുകാട് മരപ്പാലത്തിന്‍റെ അടുത്ത് വച്ചായിരുന്നു സംഭവം. ചേരാനല്ലൂരിൽ നിന്നും ബൈക്കിന് പൊന്നാരമംഗലത്തേക്ക് വരികയായിരുന്ന ജൂലിയസ് പാസ്കലിനെ പ്രതി പതിയിരുന്ന് വടി കൊണ്ടാണ് ആക്രമിച്ചത്. സംഭവത്തിൽ ഹൃദയകുമാർ സായ് (35) എന്നയാൾക്കെതിരെ മുളവുകാട് പൊലിസ് കേസ് എടുത്തിട്ടുണ്ട്.