തിരുവനന്തപുരം: എഡ്ജ് കന്പ്യൂട്ടിംഗിലും എഐ ഉത്പന്നങ്ങളിലും മുൻപന്തിയിലുള്ള യുഎസ് ആസ്ഥാനമായ അർമഡ ടെക്നോപാർക്ക് ഫേസ് 3 കാന്പസിൽ പുതിയ ഓഫീസ് തുറന്നു.
ടെക്നോപാർക്ക് ഫേസ് 3 കാന്പസിലെ എംബസി ടോറസ് കെട്ടിടത്തിലെ കന്പനിയുടെ പുതിയ ഓഫീസ് അർമഡ സ്ഥാപക ചീഫ് ടെക്നോളജി ഓഫീസർ പ്രദീപ് നായർ ഉദ്ഘാടനം ചെയ്തു.
ടെക്നോപാർക്ക് സിഇഒ കേണൽ സഞ്ജീവ് നായർ (റിട്ട.), അർമഡ ഇന്ത്യ എംഡിയും മേധാവിയുമായ ശരത് ചന്ദ്രൻ, എൻജിനിയറിംഗ് വൈസ് പ്രസിഡന്റ് അനീഷ് സ്വാമിനാഥൻ, ടെക്നോപാർക്ക് ഉദ്യോഗസ്ഥർ, എംബസി പ്രതിനിധികൾ, അർമഡ ജീവനക്കാർ തുടങ്ങിയവർ ചടങ്ങിൽ പങ്കെടുത്തു.
ഗവേഷണ വികസന മേഖലയിൽ അർമഡ കേരളത്തിൽ മികച്ച അടിത്തറ സാധ്യമാക്കിയിട്ടുണ്ട്. എൻജിനിയർമാർ, പ്രൊഡക്ട് മാനേജർമാർ, ഡിസൈനർമാർ എന്നിവരുടെ വലിയ സംഘത്തെ നിയമിക്കുകയും അവരുടെ തൊഴിൽശക്തി വികസിപ്പിക്കുകയും ചെയ്യുന്നു.
ലിങ്ക്ഡ്ഇൻ സിയാറ്റിലിലെ മികച്ച സ്റ്റാർട്ടപ്പുകളുടെ പട്ടികയിൽ അടുത്തിടെ അർമഡ രണ്ടാം സ്ഥാനത്തെത്തി. നിലവിൽ യുഎസും മിഡിൽ ഈസ്റ്റുമാണ് അർമഡയുടെ പ്രധാന വിപണികളെങ്കിലും ഇന്ത്യ ഉൾപ്പെടെയുള്ള വിശാലമായ ആഗോള വിപണിയിലേക്കുള്ള വിപുലീകരണം ഉടൻ ഉണ്ടാകും.
ടെക്നോപാർക്കിൽ അർമഡ പ്രവർത്തനങ്ങൾ വികസിപ്പിക്കുകയും എൻജിനിയറിംഗ്, പ്രൊഡക്ട്, എഐ പ്രഫഷണലുകൾ എന്നിവയിൽ ജീവനക്കാരെ തേടുകയും ചെയ്യുന്നു. ലോകത്തിലെ ഏറ്റവും മികച്ച ടെക് പ്രഫഷണലുകൾക്കൊപ്പം പ്രവർത്തിക്കാനുള്ള അവസരം ഇതു നൽകുന്നു. നിലവിലെ ഒഴിവുകൾ അർമഡയുടെ വെബ്സൈറ്റിന്റെ കരിയർ വിഭാഗത്തിൽ പട്ടികപ്പെടുത്തിയിട്ടുണ്ട്.