കൊച്ചി: പാലാരിവട്ടത്തെ ജ്വല്ലറിയില്നിന്ന് 60 ലക്ഷത്തോളം രൂപയുടെ സ്വര്ണാഭരണങ്ങള് മോഷ്ടിച്ചു വില്പന നടത്തിയ അസിസ്റ്റന്റ് മാനേജർ അറസ്റ്റിൽ. പാലക്കാട് ഒറ്റപ്പാലം ചീരംതുടിയില് വീട്ടില് രാഹുലിനെ (27) യാണ് പാലാരിവട്ടം പൊലിസ് അറസ്റ്റ് ചെയ്തത്.
2025 ജനുവരി മുതല് 2026 ഫെബ്രുവരി വരെയുള്ള കാലയളവിലാണു മോഷണം നടത്തിയത്. പ്രസ്തുത കാലയളവില് ജ്വല്ലറിയില്നിന്നു പലതവണയായി 428 ഗ്രാം സ്വര്ണാഭരണങ്ങള് കൈക്കലാക്കിയശേഷം മറ്റൊരാള്ക്ക് മറിച്ചുവിൽക്കുകയായിരുന്നു.
സ്വര്ണാഭരണങ്ങളുടെ സ്റ്റോക്കില് നിരന്തരം കുറവ് വരുന്നതില് സംശയം തോന്നിയ ഉടമകള് ജീവനക്കാരെ നിരന്തരം നിരീക്ഷണം നടത്തിയാണു അസിസ്റ്റന്റ് മാനേജരായ പ്രതിയെ തിരിച്ചറിഞ്ഞത്.
ഉടമയുടെ പരാതിയില് പൊലിസ് കേസെടുത്തു നടത്തിയ അന്വേഷണത്തില് ജ്വല്ലറിയിലെ ലോക്കറില് ഉപഭോക്താക്കൾ ഏല്പ്പിച്ചിരുന്ന സ്വര്ണാഭരണങ്ങളില്നിന്ന് പ്രതി അനധികൃതമായി സ്വര്ണം കൈക്കലാക്കിയാണ് കളവു നടത്തിയതെന്ന് തെളിഞ്ഞു. തൃശൂരില് വച്ചാണ് പ്രതി പിടിയിലായത്
Deepika
E-paper LOGIN
LOGIN
