കൊച്ചി: കൊച്ചി രാജ്യാന്തര വിമാനത്താവളത്തിനു കീഴിലുള്ള സിഐഎഎസ്എൽ അക്കാഡമിയിൽ ഇന്‍റർനാഷണൽ സർട്ടിഫിക്കറ്റ് പ്രോഗ്രാം ഇൻ ഏവിയേഷൻ മാനേജ്‌മെന്‍റ് കോഴ്സിലേക്ക് അപേക്ഷ ക്ഷണിച്ചു. കോഴ്സ് ദൈർഘ്യം ആറു മാസമാണ്.
ബിരുദധാരികൾക്കും അവസാനവർഷ ബിരുദവിദ്യാർഥികൾക്കും പരീക്ഷാഫലം കാത്തിരിക്കുന്നവർക്കും അപേക്ഷിക്കാം. ഓൺലൈൻ അപേക്ഷ സ്വീകരിക്കുന്ന അവസാന തീയതി ഈ മാസം 20. വെബ്‌സൈറ്റ്: academy.ciasl.aero.
പഠനം പൂർത്തിയാക്കുന്നവർക്ക് കൊച്ചി ശാസ്ത്ര-സാങ്കേതിക സർവകലാശാല (കുസാറ്റ്), ഇന്‍റർനാഷണൽ എയർ ട്രാൻസ്പോർട്ട് അസോസിയേഷൻ (അയാട്ട), എയർപോർട്ട് കൗൺസിൽ ഇന്‍റർനാഷണൽ (എസിഐ) എന്നിവയുടെ സർട്ടിഫിക്കറ്റുകൾ ലഭിക്കും.
കുസാറ്റിന്‍റെ പാഠ്യപദ്ധതിക്കും പരീക്ഷാനടത്തിപ്പിനുമൊപ്പം അന്താരാഷ്‌ട്ര ഏജൻസികളായ അയാട്ട, എസിഐ എന്നിവയുടെ സർട്ടിഫിക്കേഷനും അമെഡിയസ് സോഫ്റ്റ്‌‌വേർ പരിശീലനവും ലഭ്യമാക്കും. ഫോൺ: 8848000901.
Deepika
Corehub Solutions
E-paper LOGIN
LOGIN
