കൊച്ചി: വിദേശത്തുനിന്ന് മടങ്ങിയെത്തുന്ന പ്രവാസികള്ക്കായി കൊച്ചി വണ്ടര്ലാ ‘ബാക്ക് ടു നാട്’ എന്ന പ്രത്യേക ഓഫര് പ്രഖ്യാപിച്ചു. യാത്രികര്ക്കായി സാധുവായ ബോര്ഡിംഗ് പാസുമായി എത്തിയാല് പാര്ക്ക് ടിക്കറ്റുകളില് 30 ശതമാനം ഇളവ് ലഭിക്കും. സന്ദര്ശകര്ക്കായി പ്രത്യേകമായി കേരളാധിഷ്ഠിത അനുഭവങ്ങളും ഒരുക്കിയിട്ടുണ്ട്.
പ്രവാസികള്ക്ക് കുടുംബസമേതം അവിസ്മരണീയ നിമിഷങ്ങള് ആഘോഷിക്കുന്നതിനായി അവസരമൊരുക്കുകയാണ് കൊച്ചി വണ്ടര്ലാ ചെയ്യുന്നത്. വിദേശത്തുനിന്ന് ഇന്ത്യയിലേക്ക് യാത്ര ചെയ്തതിന്റെ സാധുവായ ബോര്ഡിംഗ് പാസ് (2026 ജൂണ് മുതല് ഉള്ളത്) ഹാജരാക്കുന്ന അതിഥികള്ക്ക് പാര്ക്ക് ടിക്കറ്റുകളില് 30 ശതമാനം ഇളവ് ലഭിക്കും.
ഒരു സാധുവായ ബോര്ഡിംഗ് പാസ് ഉപയോഗിച്ച് പരമാവധി 20 അതിഥികള്ക്ക് ഈ ഓഫര് പ്രകാരം ടിക്കറ്റുകള് എടുക്കാം. ഓഗസ്റ്റ് 14 വരെ നടത്തുന്ന ബുക്കിംഗുകള്ക്ക് ഓഫര് ലഭിക്കും. ഓഫര് ഉപയോഗിച്ച് ഓഗസ്റ്റ് 14 വരെ പാര്ക്ക് സന്ദര്ശിക്കാം.
വീട്ടിലേക്കുള്ള മടങ്ങിവരവിന്റെ സന്തോഷം ആഘോഷിക്കുന്നതിനുള്ള തങ്ങളുടെ ചെറിയ ശ്രമമാണു ബാക്ക് ടു നാട് എന്ന് വണ്ടര്ലാ ഹോളിഡേയ്സ് ലിമിറ്റഡിന്റെ ചീഫ് ഓപ്പറേറ്റിംഗ് ഓഫീസര് ധീരജ് ചൗധരി പറഞ്ഞു.
ഈ പ്രത്യേക ഓഫറുകളെല്ലാം വണ്ടര്ലായുടെ ഓണ്ലൈന് ബുക്കിംഗ് പോര്ട്ടലിലൂടെ ലഭ്യമാണ്. കൂടുതല് വിവരങ്ങള്ക്കും ബുക്കിംഗിനും ഫോണ്: 04843514001, 75938 53107.
Deepika
E-paper LOGIN
LOGIN
