2

ഷി​ക്കാ​ഗോ: അ​മേ​രി​ക്ക​യി​ലെ ഷി​ക്കാ​ഗോ​യി​ൽ ഉ​ണ്ടാ​യ വാ​ഹ​നാ​പ​ക​ട​ത്തി​ൽ ബം​ഗ്ലാ​ദേ​ശ് സ്വ​ദേ​ശി​നി​യും യു​വ ഡോ​ക്‌ടറു​മാ​യ ഡോ. ​ആ​ദി​തി സാ​ഹ അ​ന​ന്യ (30) മ​രി​ച്ചു.

ഇ​ന്‍റേ​ണ​ൽ മെ​ഡി​സി​ൻ റ​സി​ഡ​ൻ​സി പ​രി​ശീ​ല​നം ആ​രം​ഭി​ച്ച് ആ​ഴ്ച​ക​ൾ​ക്ക​കം സം​ഭ​വി​ച്ച അ​പ​ക​ടം കു​ടും​ബ​ത്തെ​യും സു​ഹൃ​ത്തു​ക്ക​ളെ​യും മെ​ഡി​ക്ക​ൽ സ​മൂ​ഹ​ത്തെ​യും ദുഃ​ഖ​ത്തി​ലാ​ഴ്ത്തി.

ബം​ഗ്ലാ​ദേ​ശി​ലെ ബ്രാ​ഹ്മ​ൺ​ബാ​രി​യ ജി​ല്ല​യി​ലെ സ​റാ​യി​ൽ സ്വ​ദേ​ശി​യാ​യ ബാ​ബു​ൽ സാ​ഹ​യു​ടെ ഏ​ക​മ​ക​ളാ​ണ് ഡോ. ​ആ​ദി​തി. ഐ​ഡി​യ​ൽ സ്കൂ​ളി​ലും കാം​ബ്രി​യ​ൻ കോ​ള​ജി​ലും പ​ഠ​നം പൂ​ർ​ത്തി​യാ​ക്കി​യ ശേ​ഷം ജ​ഹു​രു​ൽ ഇ​സ്‌ലാം മെ​ഡി​ക്ക​ൽ കോ​ള​ജി​ൽ നി​ന്ന് എംബിബിഎ​സ് ബി​രു​ദം നേ​ടി.

ഭ​ർ​ത്താ​വി​നൊ​പ്പം അ​മേ​രി​ക്ക​യി​ലെ​ത്തി​യ ആ​ദി​തി, ഡോ​ക്ട​റാ​ക​ണ​മെ​ന്ന ത​ന്‍റെ സ്വ​പ്നം സാ​ക്ഷാ​ത്ക​രി​ക്കാ​ൻ ക​ഠി​നാ​ധ്വാ​നം ചെ​യ്തു. യുഎ​സ് മെ​ഡി​ക്ക​ൽ ലൈ​സ​ൻ​സിം​ഗ് പ​രീ​ക്ഷ വി​ജ​യ​ക​ര​മാ​യി പൂ​ർ​ത്തി​യാ​ക്കി​യ ശേ​ഷം അ​മേ​രി​ക്ക​യി​ലെ ഒ​രു ആ​ശു​പ​ത്രി​യി​ൽ ഡോ​ക്ട​റാ​യി സേ​വ​ന​മ​നു​ഷ്ഠി​ച്ചു.

അ​ടു​ത്തി​ടെ​യാ​ണ് ഇ​ന്‍റേ​ണ​ൽ മെ​ഡി​സി​ൻ റെ​സി​ഡ​ൻ​സി ആ​രം​ഭി​ച്ച് ക​രി​യ​റി​ലെ നി​ർ​ണാ​യ​ക ഘ​ട്ട​ത്തി​ലേ​ക്ക് പ്ര​വേ​ശി​ച്ച​ത്. ജീ​വി​ത​ത്തി​ലെ ഏ​റ്റ​വും വ​ലി​യ സ്വ​പ്ന​ങ്ങ​ൾ യാ​ഥാ​ർ​ഥ്യ​മാ​കാ​ൻ തു​ട​ങ്ങി​യ സ​മ​യ​ത്താ​ണ് ഷി​ക്കാ​ഗോ​യി​ൽ ഉ​ണ്ടാ​യ വാ​ഹ​നാ​പ​ക​ടം ആ ​യാ​ത്ര​യ്ക്ക് അ​പ്ര​തീ​ക്ഷി​ത വി​രാ​മ​മി​ട്ട​ത്.

പ്ര​തി​ഭാ​ശാ​ലി​യാ​യ ഡോ​ക്ട​റെ​ന്ന​തി​ലു​പ​രി, സ​ഹൃ​ദ​യ​യും ക​രു​ണ​യു​ള്ള വ്യ​ക്തി​യു​മാ​യി​രു​ന്ന ആ​ദി​തി​യു​ടെ വേ​ർ​പാ​ട് കു​ടും​ബ​ത്തി​നും സു​ഹൃ​ത്തു​ക​ൾ​ക്കും സ​ഹ​പ്ര​വ​ർ​ത്ത​ക​ർ​ക്കും വ​ലി​യ ന​ഷ്ട​മാ​ണെ​ന്ന് അ​നു​ശോ​ച​ന സ​ന്ദേ​ശ​ങ്ങ​ളി​ൽ പ​റ​യു​ന്നു.