11

മീ​റ​റ്റ്: ഉ​ത്ത​ർ​പ്ര​ദേ​ശി​ലെ ബാ​ഗ​പ​ത് ജി​ല്ല​യി​ൽ പ​ട​ക്കം പൊ​ട്ടി​ക്കു​ന്ന​തി​നെ ചൊ​ല്ലി​യു​ള്ള  ത​ർ​ക്ക​ത്തി​നി​ടെ​യു​ലു​ണ്ടാ​യ വെ​ടി​വ​യ്പ്പി​ൽ രാ​ഷ്ട്ര​പ​തി​യു​ടെ അം​ഗ​ര​ക്ഷ​ക​ന് ഗു​രു​ത​ര പ​രി​ക്ക്. രാ​ഷ്ട്ര​പ​തി ഭ​വ​നി​ലെ കു​തി​ര​പ്പ​ട വി​ഭാ​ഗ​ത്തി​ൽ സേ​വ​ന​മ​നു​ഷ്ഠി​ക്കു​ന്ന സൗ​ര​ഭ് തോ​മ​റി​നാ​ണ് (26) വെ​ടി​യേ​റ്റ​ത്. ദീ​പാ​വ​ലി ആ​ഘോ​ഷി​ക്കാ​നാ​യി അ​വ​ധി​യി​ൽ നാ​ട്ടി​ലെ​ത്തി​യ​താ​യി​രു​ന്നു ജ​വാ​ൻ. മീ​റ​റ്റി​ലെ സ്വ​കാ​ര്യ ആ​ശു​പ​ത്രി​യി​ൽ തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ക​ഴി​യു​ന്ന അ​ദ്ദേ​ഹ​ത്തി​ന്‍റെ നി​ല  ഗു​രു​ത​ര​മാ​യി തു​ട​രു​ക​യാ​ണ്.

വീ​ടി​ന് പു​റ​ത്ത് സ​ഹോ​ദ​ര​ങ്ങ​ൾ​ക്കൊ​പ്പം പ​ട​ക്കം പൊ​ട്ടി​ക്കു​ന്ന​തി​നി​ടെ അ​യ​ൽ​ക്കാ​രാ​യ ധീ​ര​ജ്, മോ​നു എ​ന്നി​വ​രു​മാ​യി വാ​ക്കു​ത​ർ​ക്ക​മു​ണ്ടാ​യ​ത്. ത​ർ​ക്കം രൂ​ക്ഷ​മാ​യ​തി​നെ തു​ട​ർ​ന്ന് പ്ര​തി​യാ​യ ധീ​ര​ജ് തോ​ക്ക് ഉ​പ​യോ​ഗി​ച്ച് സൗ​ര​ഭി​ന് നേ​രെ വെ​ടി​യു​തി​ർ​ക്കു​ക​യാ​യി​രു​ന്നു. ചു​മ​രി​ൽ ത​ട്ടി​ത്തെ​റി​ച്ച വെ​ടി​യു​ണ്ട സൗ​ര​ഭി​ന്‍റെ ത​ല​യു​ടെ പി​ന്നി​ലാ​യി തു​ള​ച്ചു​ക​യ​റു​ക​യാ​യി​രു​ന്നു.

ഉ​ട​ൻ​ത​ന്നെ അ​ദ്ദേ​ഹ​ത്തെ ബ​റോ​ത്തി​ലെ ക​മ്മ്യൂ​ണി​റ്റി ഹെ​ൽ​ത്ത് സെ​ന്‍റ​റി​ലും തു​ട​ർ​ന്ന് മീ​റ​റ്റി​ലെ സ്വ​കാ​ര്യ ആ​ശു​പ​ത്രി​യി​ലേ​ക്കും മാ​റ്റു​ക​യാ​യി​രു​ന്നു. അ​ടി​യ​ന്ത​ര ശ​സ്ത്ര​ക്രി​യ​യി​ലൂ​ടെ ഡോ​ക്ട​ർ​മാ​ർ ത​ല​യി​ൽ​നി​ന്നും വെ​ടി​യു​ണ്ട പു​റ​ത്തെ​ടു​ത്തു.

2021-ലാ​ണ് സൗ​ര​ഭ് ക​ര​സേ​ന​യി​ൽ ചേ​രു​ന്ന​ത്. ക​ര​സേ​ന​യി​ലെ പ്ര​ധാ​ന വി​ഭാ​ഗ​ങ്ങ​ളി​ലൊ​ന്നാ​യ രാ​ഷ്ട്ര​പ​തി ഭ​വ​നി​ലെ അം​ഗ​ര​ക്ഷ​ക സേ​ന​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ടു​ക​യാ​യി​രു​ന്നു. അ​യ​ൽ​ക്കാ​രാ​യ ഇ​രു കു​ടും​ബ​ങ്ങ​ളും ത​മ്മി​ൽ മു​ൻ​കാ​ല​ങ്ങ​ളി​ൽ പ​റ​യ​ത്ത​ക്ക ഭി​ന്ന​ത​ക​ളൊ​ന്നു​മി​ല്ലാ​യി​രു​ന്നു​വെ​ന്നാ​ണ് പ്രാ​ഥ​മി​ക വി​വ​രം. സം​ഭ​വ​ത്തി​ൽ പൊ​ലി​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.