16

ല​ണ്ട​ൻ: അ​ഭൂ​ത​പൂ​ർ​വ്വ​മാ​യ രാ​ഷ്ട്രീ​യ പ്ര​തി​സ​ന്ധി​യി​ലൂ​ടെ​യാ​ണ് ബ്രി​ട്ടീ​ഷ് രാ​ഷ്ട്രീ​യം ക​ഴി​ഞ്ഞ​കു​റേ നാ​ളു​ക​ളാ​യി ക​ട​ന്നു പോ​കു​ന്ന​ത്. കെ​യ​ർ സ്റ്റാ​ർ​മ​റി​ന്‍റെ രാ​ജി​യി​ലൂ​ടെ ക​ഴി​ഞ്ഞ പ​ത്ത് വ​ർ​ഷ​ത്തി​നി​ടെ അ​കാ​ല​ത്തി​ൽ സ്ഥാ​ന​മൊ​ഴി​യു​ന്ന ആ​റാ​മ​ത്തെ പ്ര​ധാ​ന​മ​ന്ത്രി​യാ​യി അ​ദ്ദേ​ഹം മാ​റി​യി​രി​ക്കു​ക​യാ​ണ്. ഡേ​വി​ഡ് കാ​മ​റൂ​ണി​ൽ തു​ട​ങ്ങി കെ​യ​ർ സ്റ്റാ​ർ​മ​റി​ൽ എ​ത്തി​നി​ൽ​ക്കു​മ്പോ​ൾ, ബ്രി​ട്ടീ​ഷ് ഭ​ര​ണ​കൂ​ടം തു​ട​ർ​ച്ച​യാ​യ അ​സ്ഥി​ര​ത​യു​ടെ ചു​ഴി​യി​ലാ​ണെ​ന്ന് വ്യ​ക്ത​മാ​കു​ന്നു.

ബ്രി​ട്ടീ​ഷ് പാ​ർ​ല​മെ​ന്‍റി​ലെ അ​ധി​കാ​ര​കേ​ന്ദ്ര​ങ്ങ​ളി​ൽ ഇ​പ്പോ​ൾ പു​ക​യു​ന്ന​ത് ക​ടു​ത്ത രാ​ഷ്ട്രീ​യ അ​നി​ശ്ചി​ത​ത്വ​മാ​ണ്. ഭ​ര​ണ​പ​ര​മാ​യ വീ​ഴ്ച​ക​ൾ, സാ​മ്പ​ത്തി​ക പ്ര​തി​സ​ന്ധി, ജ​ന​ങ്ങ​ളു​ടെ വി​ശ്വാ​സം ന​ഷ്ട​പ്പെ​ട​ൽ എ​ന്നി​വ​യാ​ണ് ഓ​രോ പ്ര​ധാ​ന​മ​ന്ത്രി​യു​ടെ​യും പ​ത​ന​ത്തി​ന് വ​ഴി​യൊ​രു​ക്കു​ന്ന​ത്. ഡേ​വി​ഡ് കാ​മ​റൂ​ൺ, തെ​രേ​സ മേ, ​ബോ​റി​സ് ജോ​ൺ​സ​ൺ, ലി​സ് ട്ര​സ്, ഋ​ഷി സു​ന​ക് എ​ന്നി​വ​രാ​ണ് ഇ​തി​നി​ടെ സ്ഥാ​ന​മൊ​ഴി​ഞ്ഞ മ​റ്റ് പ്ര​ധാ​ന​മ​ന്ത്രി​മാ​ർ. ല​ണ്ട​നി​ലെ 10 ഡൗ​ണിം​ഗ് സ്ട്രീ​റ്റി​ൽ നി​ന്ന് തു​ട​ർ​ച്ച​യാ​യി വ​രു​ന്ന ഈ ​രാ​ജി പ്ര​ഖ്യാ​പ​ന​ങ്ങ​ൾ യു​കെ​യു​ടെ ആ​ഗോ​ള പ്ര​തി​ച്ഛാ​യ​യെ​യും സാ​മ്പ​ത്തി​ക സു​സ്ഥി​ര​ത​യെ​യും വ​ലി​യ തോ​തി​ൽ ബാ​ധി​ച്ചി​ട്ടു​ണ്ട്.

2016-ലെ ​ബ്രെ​ക്സി​റ്റ് ഹി​ത​പ​രി​ശോ​ധ​ന​യ്ക്ക് ശേ​ഷം യു​കെ​യി​ലെ രാ​ഷ്ട്രീ​യം വ​ലി​യ ത​ക​ർ​ച്ച​യി​ലാ​ണ്. യൂ​റോ​പ്യ​ൻ യൂ​ണി​യ​നി​ൽ നി​ന്ന് പു​റ​ത്തു​വ​ന്ന​ത് (ബ്രെ​ക്സി​റ്റ് ) സാ​മ്പ​ത്തി​ക​മാ​യും ന​യ​പ​ര​മാ​യും രാ​ജ്യ​ത്തെ വ​ലി​യ പ്ര​തി​സ​ന്ധി​യി​ലാ​ക്കി. ഡേ​വി​ഡ് കാ​മ​റൂ​ൺ മു​ത​ൽ തെ​രേ​സ മേ​യും ബോ​റി​സ് ജോ​ൺ​സ​ണും വ​രെ ഇ​തി​ന്‍റെ പേ​രി​ൽ അ​ധി​കാ​ര​ത്തി​ൽ നി​ന്ന് പു​റ​ത്തു​പോ​കേ​ണ്ടി വ​ന്നു.

വ​ഴി​മു​ട്ടി​യ ജ​ന​ജീ​വി​തം

തു​ട​ർ​ച്ച​യാ​യ സാ​മ്പ​ത്തി​ക പ്ര​തി​സ​ന്ധി​ക​ൾ, വി​ല​ക്ക​യ​റ്റം, പ​ണ​പ്പെ​രു​പ്പം എ​ന്നി​വ സാ​ധാ​ര​ണ​ക്കാ​രു​ടെ ജീ​വി​ത​ത്തെ ബാ​ധി​ച്ചു. ഈ ​വി​ഷ​യ​ങ്ങ​ളി​ൽ കൃ​ത്യ​മാ​യ പ​രി​ഹാ​രം കാ​ണാ​ൻ സ​ർ​ക്കാ​രു​ക​ൾ​ക്ക് സാ​ധി​ക്കാ​തെ വ​ന്ന​ത് ഭ​ര​ണ​കൂ​ട​ങ്ങ​ളു​ടെ വീ​ഴ്ച​യ്ക്ക് കാ​ര​ണ​മാ​യി. മ​ഹാ​മാ​രി​ക്ക് ശേ​ഷ​മു​ള്ള സാ​മ്പ​ത്തി​ക ആ​ഘാ​ത​ങ്ങ​ളെ നേ​രി​ടു​ന്ന​തി​ൽ സ​ർ​ക്കാ​രു​ക​ൾ​ക്ക് ഉ​ണ്ടാ​യ പി​ഴ​വു​ക​ൾ പ​ല പ്ര​ധാ​ന​മ​ന്ത്രി​മാ​രു​ടെ​യും ഭ​ര​ണ​ത്തി​ന്‍റെ അ​ന്ത്യം കു​റി​ച്ചു.

പെ​ട്ടെ​ന്നു​ള്ള തീ​രു​മാ​ന​ങ്ങ​ളും പി​ന്നീ​ട് അ​വ തി​രു​ത്തേ​ണ്ടി വ​രു​ന്ന സാ​ഹ​ച​ര്യ​ങ്ങ​ളും ജ​ന​ങ്ങ​ളി​ൽ സ​ർ​ക്കാ​രി​ലു​ള്ള വി​ശ്വാ​സം ന​ഷ്ട​പ്പെ​ടു​ത്തി. ലി​സ് ട്ര​സി​നെ പോ​ലു​ള്ള​വ​രു​ടെ ഹ്ര​സ്വ​കാ​ല ഭ​ര​ണ​ങ്ങ​ൾ യു​കെ​യു​ടെ ആ​ഗോ​ള പ്ര​തി​ച്ഛാ​യ​യെ​യും ബാ​ധി​ച്ചി​ട്ടു​ണ്ട്.

ബ്രി​ട്ട​നെ ത​ക​ർ​ത്ത ബ്രെ​ക്സി​റ്റ്

ബ്രി​ട്ട​നി​ലെ വ​ലി​യൊ​രു വി​ഭാ​ഗം ജ​ന​ങ്ങ​ൾ വി​ശ്വ​സി​ച്ച​ത്, ത​ങ്ങ​ളു​ടെ രാ​ജ്യ​ത്തെ നി​യ​മ​ങ്ങ​ൾ നി​ർ​മി​ക്കു​ന്ന​തി​ൽ പൂ​ർ​ണ​മാ​യ അ​ധി​കാ​രം ത​ങ്ങ​ൾ​ക്കു​ണ്ടാ​യി​രി​ക്ക​ണ​മെ​ന്നാ​ണ്. യൂ​റോ​പ്യ​ൻ യൂ​ണി​യ​ന്‍റെ നി​യ​മ​ങ്ങ​ളും ച​ട്ട​ങ്ങ​ളും ല​ണ്ട​ൻ തീ​രു​മാ​നി​ക്കു​ന്ന​തി​നേ​ക്കാ​ൾ ഉ​പ​രി ബ്ര​സ​ൽ​സി​ൽ നി​ന്ന് അ​ടി​ച്ചേ​ൽ​പ്പി​ക്ക​പ്പെ​ടു​ന്നു എ​ന്ന വി​കാ​രം ബ്രെ​ക്സി​റ്റ് അ​നു​കൂ​ലി​ക​ൾ​ക്കി​ട​യി​ൽ ശ​ക്ത​മാ​യി​രു​ന്നു.

യൂ​റോ​പ്യ​ൻ യൂ​ണി​യ​നി​ൽ അം​ഗ​മാ​യി​രി​ക്കു​മ്പോ​ൾ, യൂ​ണി​യ​നി​ലെ മ​റ്റ് രാ​ജ്യ​ങ്ങ​ളി​ൽ നി​ന്നു​ള്ള പൗ​ര​ന്മാ​ർ​ക്ക് യു​കെ​യി​ലേ​ക്ക് വ​രാ​നും ജോ​ലി ചെ​യ്യാ​നും ത​ട​സ​മി​ല്ലാ​യി​രു​ന്നു. ഈ ​കു​ടി​യേ​റ്റം യു​കെ​യി​ലെ തൊ​ഴി​ൽ വി​പ​ണി​യെ​യും പൊ​തു​സേ​വ​ന​ങ്ങ​ളെ​യും സ​മ്മ​ർ​ദ്ദ​ത്തി​ലാ​ക്കു​ന്നു എ​ന്ന് പ്ര​ചാ​ര​ണ​മു​ണ്ടാ​യി. കു​ടി​യേ​റ്റ​ത്തെ പൂ​ർ​ണ​മാ​യി നി​യ​ന്ത്രി​ക്കാ​ൻ സ്വ​ന്തം അ​തി​ർ​ത്തി​ക​ളു​ടെ അ​ധി​കാ​രം തി​രി​ച്ചു​കി​ട്ട​ണ​മെ​ന്ന് ജ​ന​ങ്ങ​ൾ ആ​ഗ്ര​ഹി​ച്ചു.

യൂ​റോ​പ്യ​ൻ യൂ​ണി​യ​ന്റെ പ്ര​വ​ർ​ത്ത​ന​ങ്ങ​ൾ​ക്കാ​യി യു​കെ വ​ലി​യൊ​രു തു​ക അം​ഗ​ത്വ ഫീ​സാ​യി ന​ൽ​കു​ന്നു​ണ്ടാ​യി​രു​ന്നു. ഈ ​പ​ണം യു​കെ​യു​ടെ സ്വ​ന്തം ആ​രോ​ഗ്യ​മേ​ഖ​ല​യ്ക്കും വി​ദ്യാ​ഭ്യാ​സ​ത്തി​നും വി​നി​യോ​ഗി​ക്കാ​മെ​ന്ന വാ​ഗ്ദാ​നം ജ​ന​ങ്ങ​ളെ സ്വാ​ധീ​നി​ച്ചു.

ബ്രി​ട്ടീ​ഷ് സം​സ്കാ​ര​വും ജീ​വി​ത​രീ​തി​യും യൂ​റോ​പ്യ​ൻ സ്വാ​ധീ​ന​ത്താ​ൽ ന​ഷ്ട​പ്പെ​ടു​ന്നു എ​ന്ന വി​കാ​രം ഒ​രു വി​ഭാ​ഗം ജ​ന​ങ്ങ​ളി​ൽ ഉ​ണ്ടാ​യി​രു​ന്നു. 'ടേ​ക്ക് ബാ​ക്ക് ക​ൺ​ട്രോ​ൾ' എ​ന്ന​താ​യി​രു​ന്നു ബ്രെ​ക്സി​റ്റ് അ​നു​കൂ​ലി​ക​ളു​ടെ പ്ര​ധാ​ന മു​ദ്രാ​വാ​ക്യം.

ആ​ഗോ​ള​വ​ൽ​ക്ക​ര​ണ​വും യൂ​റോ​പ്യ​ൻ ഏ​കീ​ക​ര​ണ​വും കൊ​ണ്ട് നേ​ട്ട​മു​ണ്ടാ​ക്കി​യ​ത് വ​ലി​യ ന​ഗ​ര​ങ്ങ​ളി​ലെ ബി​സി​ന​സ്സു​കാ​ർ മാ​ത്ര​മാ​ണെ​ന്നും, വ്യ​വ​സാ​യ മേ​ഖ​ല​ക​ളി​ലെ സാ​ധാ​ര​ണ​ക്കാ​ർ​ക്ക് തി​രി​ച്ച​ടി​യാ​ണ് ഉ​ണ്ടാ​യ​തെ​ന്നും വി​ശ്വ​സി​ച്ച ഒ​രു വ​ലി​യ വി​ഭാ​ഗം ജ​ന​ങ്ങ​ൾ ഭ​ര​ണ​കൂ​ട​ത്തോ​ടു​ള്ള പ്ര​തി​ഷേ​ധ​മാ​യാ​ണ് ബ്രെ​ക്സി​റ്റി​നെ ക​ണ്ട​ത്.

ബ്രെ​ക്സി​റ്റി​ന്‍റെ ഉ​റ​വി​ടം

ബ്രെ​ക്സി​റ്റ് എ​ന്ന ആ​ശ​യം ഒ​റ്റ​യ​ടി​ക്ക് ഒ​രാ​ൾ മു​ന്നോ​ട്ടു​വെ​ച്ച​ത​ല്ല. പ​തി​റ്റാ​ണ്ടു​ക​ളാ​യി ബ്രി​ട്ടീ​ഷ് രാ​ഷ്ട്രീ​യ​ത്തി​ൽ യൂ​റോ​പ്യ​ൻ യൂ​ണി​യ​ൻ വി​രു​ദ്ധ വി​കാ​രം നി​ല​നി​ന്നി​രു​ന്നു. എ​ന്നാ​ൽ ഈ ​ആ​ശ​യ​ത്തെ മു​ഖ്യ​ധാ​ര​യി​ലേ​ക്ക് കൊ​ണ്ടു​വ​ന്ന​തി​ലും അ​ത് ഒ​രു ഹി​ത​പ​രി​ശോ​ധ​ന​യി​ലേ​ക്ക് എ​ത്തി​ച്ച​തി​ലും പ്ര​ധാ​ന പ​ങ്കു​വ​ഹി​ച്ച ഘ​ട​ക​ങ്ങ​ൾ ഏ​റെ​യാ​ണ്.

1990-ക​ളി​ൽ രൂ​പീ​കൃ​ത​മാ​യ യു​കെ ഇ​ൻ​ഡി​പെ​ൻ​ഡ​ൻ​സ് പാ​ർ​ട്ടി യൂ​റോ​പ്യ​ൻ യൂ​ണി​യ​നി​ൽ നി​ന്ന് ബ്രി​ട്ട​ൻ പു​റ​ത്തു​പോ​ക​ണം എ​ന്ന് ആ​ദ്യ​കാ​ലം മു​ത​ലേ ശ​ക്ത​മാ​യി വാ​ദി​ച്ച​വ​രാ​ണ്. നൈ​ജ​ൽ ഫാ​രേ​ജ് ആ​യി​രു​ന്നു ഈ ​പാ​ർ​ട്ടി​യു​ടെ ഏ​റ്റ​വും പ്ര​മു​ഖ​നാ​യ നേ​താ​വ്. വ​ർ​ഷ​ങ്ങ​ളോ​ളം അ​ദ്ദേ​ഹം ന​ട​ത്തി​യ ശ​ക്ത​മാ​യ പ്ര​ചാ​ര​ണ​ങ്ങ​ൾ പൊ​തു​ജ​നാ​ഭി​പ്രാ​യ​ത്തെ കാ​ര്യ​മാ​യി സ്വാ​ധീ​നി​ച്ചു.

‌ക​ൺ​സ​ർ​വേ​റ്റീ​വ് പാ​ർ​ട്ടി​യി​ലെ ത​ന്നെ യൂ​റോ​പ്യ​ൻ യൂ​ണി​യ​ൻ വി​രു​ദ്ധ​രാ​യ ഒ​രു വ​ലി​യ വി​ഭാ​ഗം നേ​താ​ക്ക​ൾ ബ്രെ​ക്സി​റ്റി​നാ​യി ക​ടു​ത്ത സ​മ്മ​ർ​ദം ചെ​ലു​ത്തി​യി​രു​ന്നു. ബോ​റി​സ് ജോ​ൺ​സ​ൺ, മൈ​ക്ക​ൽ ഗോ​വ് തു​ട​ങ്ങി​യ പ്ര​മു​ഖ നേ​താ​ക്ക​ൾ ഇ​തി​ന് നേ​തൃ​ത്വം ന​ൽ​കി.

2013-ൽ ​അ​ന്ന​ത്തെ പ്ര​ധാ​ന​മ​ന്ത്രി​യാ​യി​രു​ന്ന ഡേ​വി​ഡ് കാ​മ​റൂ​ൺ ആ​ണ് ബ്രെ​ക്സി​റ്റ് ഹി​ത​പ​രി​ശോ​ധ​ന ന​ട​ത്തു​മെ​ന്ന് പ്ര​ഖ്യാ​പി​ച്ച​ത്. ക​ൺ​സ​ർ​വേ​റ്റീ​വ് പാ​ർ​ട്ടി​യി​ലെ ആ​ഭ്യ​ന്ത​ര ക​ല​ഹം അ​വ​സാ​നി​പ്പി​ക്കാ​നും, യൂ​റോ​പ്യ​ൻ യൂ​ണി​യ​ൻ വി​രു​ദ്ധ വി​കാ​രം ത​ണു​പ്പി​ക്കാ​നു​മാ​ണ് അ​ദ്ദേ​ഹം ഇ​ത്ത​ര​മൊ​രു ഹി​ത​പ​രി​ശോ​ധ​ന പ്ര​ഖ്യാ​പി​ച്ച​ത്.

ഹി​ത​പ​രി​ശോ​ധ​ന​യി​ൽ 'യൂ​റോ​പ്യ​ൻ യൂ​ണി​യ​നി​ൽ തു​ട​രു​ക' എ​ന്ന പ​ക്ഷ​ത്താ​യി​രു​ന്നു ഡേ​വി​ഡ് കാ​മ​റൂ​ൺ നി​ല​യു​റ​പ്പി​ച്ചി​രു​ന്ന​ത്. എ​ന്നാ​ൽ ഫ​ലം വ​ന്ന​പ്പോ​ൾ 'പു​റ​ത്തു​പോ​കു​ക' എ​ന്ന പ​ക്ഷം വി​ജ​യി​ച്ചു. ഇ​തി​ന് പി​ന്നാ​ലെ​യാ​ണ് അ​ദ്ദേ​ഹം രാ​ജി പ്ര​ഖ്യാ​പി​ച്ച​ത്.

കു​ഴ​ഞ്ഞു​മ​റി​യ​ലു​ക​ളു​ടെ കാ​ലം

2016-ൽ ​ബ്രെ​ക്സി​റ്റ് ഹി​ത​പ​രി​ശോ​ധ​ന​യ്ക്ക് ശേ​ഷം ഡേ​വി​ഡ് കാ​മ​റൂ​ൺ അ​ധി​കാ​ര​മൊ​ഴി​ഞ്ഞ​തോ​ടെ യു​കെ വ​ലി​യൊ​രു രാ​ഷ്ട്രീ​യ അ​നി​ശ്ചി​ത​ത്വ​ത്തി​ന്‍റെ ചു​ഴി​യി​ലേ​ക്കാ​ണ് വീ​ണ​ത്. ആ ​കാ​ല​ഘ​ട്ടം ബ്രി​ട്ടീ​ഷ് രാ​ഷ്ട്രീ​യ​ത്തി​ലെ 'കു​ഴ​ഞ്ഞു മ​റി​യ​ലു​ക​ളു​ടെ കാ​ലം' എ​ന്ന് വി​ശേ​ഷി​പ്പി​ക്കാം. പി​ൻ​ഗാ​മി​യാ​യി വ​ന്ന തെ​രേ​സ മേ ​ബ്രെ​ക്സി​റ്റ് ച​ർ​ച്ച​ക​ളി​ലെ ത​ട​സ​ങ്ങ​ൾ കാ​ര​ണം പ​ത​റി​യ​പ്പോ​ൾ, തു​ട​ർ​ന്ന് വ​ന്ന ബോ​റി​സ് ജോ​ൺ​സ​ന്‍റെ കാ​ലം വി​വാ​ദ​ങ്ങ​ൾ കൊ​ണ്ട് നി​റ​ഞ്ഞു.

ഭ​ര​ണ​കൂ​ട​ങ്ങ​ൾ മാ​റി​മാ​റി വ​ന്നെ​ങ്കി​ലും, ബ്രെ​ക്സി​റ്റി​ന്‍റെ പ്ര​ത്യാ​ഘാ​ത​ങ്ങ​ളും സാ​മ്പ​ത്തി​ക പ്ര​തി​സ​ന്ധി​ക​ളും രാ​ഷ്ട്രീ​യ സ്ഥി​ര​ത​യെ നി​ര​ന്ത​രം ത​ക​ർ​ത്തു. ഒ​രു ദ​ശാ​ബ്ദ​ത്തി​നി​ടെ അ​ഞ്ച് പ്ര​ധാ​ന​മ​ന്ത്രി​മാ​രു​ടെ അ​കാ​ല​ത്തി​ലു​ള്ള പ​ടി​യി​റ​ക്ക​വും, തു​ട​ർ​ന്ന് കെ​യ​ർ സ്റ്റാ​ർ​മ​റി​ന്‍റെ രാ​ജി​യും എ​ല്ലാം കൂ​ടി ചേ​ർ​ന്ന​പ്പോ​ൾ ബ്രി​ട്ട​ൻ ലോ​ക​ത്തി​ന് മു​ന്നി​ൽ ഒ​രു രാ​ഷ്ട്രീ​യ പ​രീ​ക്ഷ​ണ​ശാ​ല​യാ​യി മാ​റി.

ഋ​ഷി സു​ന​കി​ന്‍റെ ക​ട​ന്നു​വ​ര​വ്

തെ​രേ​സ മേ​യ്ക്കും ബോ​റി​സ് ജോ​ൺ​സ​നും ലി​സ് ട്ര​സി​നും ശേ​ഷം, യു​കെ​യു​ടെ സാ​മ്പ​ത്തി​ക പ്ര​തി​സ​ന്ധി​ക​ൾ​ക്കി​ട​യി​ലേ​ക്കാ​ണ് ഋ​ഷി സു​ന​ക് അ​ധി​കാ​ര​മേ​റ്റെ​ടു​ക്കു​ന്ന​ത്. ബോ​റി​സ് ജോ​ൺ​സ​ന്‍റെ ഭ​ര​ണ​കാ​ല​ത്തെ സാ​മ്പ​ത്തി​ക ന​യ​ങ്ങ​ളി​ൽ പ്ര​ധാ​ന പ​ങ്ക് വ​ഹി​ച്ചി​രു​ന്ന സു​ന​ക്, ലി​സ് ട്ര​സി​ന്‍റെ ഹ്ര​സ്വ​കാ​ല ഭ​ര​ണ​ത്തെ​ത്തു​ട​ർ​ന്നു​ണ്ടാ​യ ക​ടു​ത്ത സാ​മ്പ​ത്തി​ക അ​സ്ഥി​ര​ത​യ്ക്ക് പ​രി​ഹാ​രം കാ​ണു​മെ​ന്ന വ​ലി​യ പ്ര​തീ​ക്ഷ​യോ​ടെ​യാ​ണ് 2022 ഒ​ക്ടോ​ബ​റി​ൽ പ്ര​ധാ​ന​മ​ന്ത്രി സ്ഥാ​ന​ത്ത് എ​ത്തു​ന്ന​ത്.

യു​കെ​യു​ടെ ച​രി​ത്ര​ത്തി​ലെ ആ​ദ്യ​ത്തെ ഏ​ഷ്യ​ൻ വം​ശ​ജ​നാ​യ പ്ര​ധാ​ന​മ​ന്ത്രി എ​ന്ന നി​ല​യി​ൽ അ​ദ്ദേ​ഹം വ​ലി​യ ശ്ര​ദ്ധ നേ​ടി​യി​രു​ന്നെ​ങ്കി​ലും, ജീ​വി​ത​ച്ചെ​ല​വ് വ​ർ​ധ​ന​വും സാ​മ്പ​ത്തി​ക മാ​ന്ദ്യ​വും അ​ട​ക്ക​മു​ള്ള വ​ലി​യ വെ​ല്ലു​വി​ളി​ക​ൾ അ​ദ്ദേ​ഹ​ത്തി​ന്‍റെ ഭ​ര​ണ​ത്തെ​യും പ്ര​തി​സ​ന്ധി​യി​ലാ​ക്കി. തു​ട​ർ​ച്ച​യാ​യ രാ​ഷ്ട്രീ​യ അ​നി​ശ്ചി​ത​ത്വ​ങ്ങ​ൾ​ക്കി​ട​യി​ൽ യു​കെ​യെ സ്ഥി​ര​ത​യി​ലേ​ക്ക് ന​യി​ക്കാ​ൻ ശ്ര​മി​ച്ചെ​ങ്കി​ലും, ഭ​ര​ണ​വി​രു​ദ്ധ വി​കാ​ര​ങ്ങ​ളും പാ​ർ​ട്ടി​യി​ലെ അ​തൃ​പ്തി​ക​ളും അ​ദ്ദേ​ഹ​ത്തി​ന്‍റെ ഭ​ര​ണ​ത്തി​നും ത​ട​സ​മാ​യി മാ​റി.

ഭാ​വി ഇ​ന്നും അ​നി​ശ്ചി​തം

ചു​രു​ക്ക​ത്തി​ൽ, ക​ഴി​ഞ്ഞ ഒ​രു ദ​ശാ​ബ്ദം ബ്രി​ട്ടീ​ഷ് രാ​ഷ്ട്രീ​യ​ത്തെ സം​ബ​ന്ധി​ച്ചി​ട​ത്തോ​ളം അ​സ്ഥി​ര​ത​യു​ടെ​യും അ​നി​ശ്ചി​ത​ത്വ​ത്തി​ന്‍റെ​യും കാ​ല​ഘ​ട്ട​മാ​ണ്. ബ്രെ​ക്സി​റ്റ് ഹി​ത​പ​രി​ശോ​ധ​ന​യോ​ടെ ആ​രം​ഭി​ച്ച ഈ ​രാ​ഷ്ട്രീ​യ പ്ര​തി​സ​ന്ധി, തു​ട​ർ​ച്ച​യാ​യു​ള്ള നേ​തൃ​മാ​റ്റ​ങ്ങ​ളി​ലൂ​ടെ രാ​ജ്യ​ത്തി​ന്‍റെ ഭ​ര​ണ​സ്ഥി​ര​ത​യെ ത​ന്നെ ചോ​ദ്യം ചെ​യ്തി​രി​ക്കു​ന്നു. വെ​റും പ​ത്ത് വ​ർ​ഷ​ത്തി​നി​ടെ ആ​റ് പ്ര​ധാ​ന​മ​ന്ത്രി​മാ​ർ പ​ടി​യി​റ​ങ്ങേ​ണ്ടി വ​ന്ന​ത് യു​കെ​യു​ടെ സാ​മൂ​ഹി​ക-​സാ​മ്പ​ത്തി​ക വ്യ​വ​സ്ഥ​യി​ലു​ണ്ടാ​യ ആ​ഴ​ത്തി​ലു​ള്ള വി​ള്ള​ലു​ക​ളു​ടെ പ്ര​തി​ഫ​ല​ന​മാ​ണ്.

കെ​യ​ർ സ്റ്റാ​ർ​മ​റി​ന്‍റെ രാ​ജി ഈ ​പ​ര​മ്പ​ര​യി​ലെ ഏ​റ്റ​വും പു​തി​യ അ​ദ്ധ്യാ​യം മാ​ത്ര​മാ​ണ്. സ്ഥി​ര​ത​യാ​ർ​ന്ന ഒ​രു നേ​തൃ​ത്വ​ത്തി​നാ​യി കാ​ത്തി​രി​ക്കു​ന്ന ബ്രി​ട്ടീ​ഷ് ജ​ന​ത​യു​ടെ മു​ന്നി​ലേ​ക്ക്, ഒ​രു പു​തി​യ നേ​തൃ​ത്വം എ​ത്തു​മ്പോ​ൾ പ​ഴ​യ പ്ര​ശ്ന​ങ്ങ​ൾ​ക്ക് പ​രി​ഹാ​രം കാ​ണാ​ൻ അ​വ​ർ​ക്ക് സാ​ധി​ക്കു​മോ എ​ന്ന​ത് വ​രും നാ​ളു​ക​ളി​ൽ ക​ണ്ട​റി​യേ​ണ്ട ഒ​ന്നാ​ണ്.