11

ബ്രി​സ്റ്റോ​ള്‍: ഇം​ഗ്ല​ണ്ടി​ന് എ​തി​രാ​യ ട്വ​ന്‍റി-20 ക്രി​ക്ക​റ്റ് പ​ര​മ്പ​ര​യി​ല്‍ ഒ​രു ജ​യ​മെ​ങ്കി​ലും എ​ന്ന പ്ര​തീ​ക്ഷ​യോ​ടെ ഇ​ന്ത്യ ഇ​ന്നി​റ​ങ്ങു​ന്നു. അ​ഞ്ച് മ​ത്സ​ര പ​ര​മ്പ​ര​യി​ലെ നാ​ലു മ​ത്സ​ര​ങ്ങ​ള്‍ പൂ​ര്‍​ത്തി​യാ​യ​പ്പോ​ള്‍ 3-0ന് ​ഇ​ന്ത്യ പ​ര​മ്പ​ര തോ​റ്റു.

ഇ​ന്ത്യ​ക്കെ​തി​രേ ഇം​ഗ്ല​ണ്ടി​ന്‍റെ ആ​ദ്യ ട്വ​ന്‍റി-20 പ​ര​മ്പ​ര നേ​ട്ട​മാ​ണ്.നാ​ലാം മ​ത്സ​ര​ത്തി​ല്‍ 37 പ​ന്ത് ബാ​ക്കി​നി​ല്‍​ക്കേ ഒ​മ്പ​ത് വി​ക്ക​റ്റി​നാ​യി​രു​ന്നു ഇം​ഗ്ല​ണ്ടി​ന്‍റെ ജ​യം. ഇ​ന്ത്യ ഉ​യ​ര്‍​ത്തി​യ​ത് വെ​റും 159 റ​ണ്‍​സ് എ​ന്ന ല​ക്ഷ്യം.

ക്യാ​പ്റ്റ​ന്‍ ഹാ​രി ബ്രൂ​ക്ക് (35 പ​ന്തി​ല്‍ 79), ഫി​ല്‍ സാ​ള്‍​ട്ട് (42 പ​ന്തി​ല്‍ 59) എ​ന്നി​വ​രു​ടെ പി​രി​യാ​ത്ത ര​ണ്ടാം വി​ക്ക​റ്റ് കൂ​ട്ടു​കെ​ട്ട് 144 റ​ണ്‍​സ് കൂ​ട്ടി​ച്ചേ​ര്‍​ത്ത് ജ​യം അ​നാ​യാ​സ​മാ​ക്കി. 13.5 ഓ​വ​റി​ല്‍ ഒ​രു വി​ക്ക​റ്റ് ന​ഷ്ട​ത്തി​ല്‍ ആ​തി​ഥേ​യ​ര്‍ ല​ക്ഷ്യം ക​ണ്ടു.

ടോ​സ് നേ​ടി ബാ​റ്റിം​ഗ് തെ​ര​ഞ്ഞെ​ടു​ത്ത ഇ​ന്ത്യ ക്യാ​പ്റ്റ​ന്‍ ശ്രേ​യ​സ് അ​യ്യ​രു​ടെ (49 പ​ന്തി​ല്‍ 80 നോ​ട്ടൗ​ട്ട്) ഒ​റ്റ​യാ​ള്‍ പോ​രാ​ട്ട​ത്തി​ലൂ​ടെ​യാ​ണ് 158ല്‍ ​എ​ത്തി​യ​ത്. ശി​വം ദു​ബെ 22 റ​ണ്‍​സ് നേ​ടി. ഓ​പ്പ​ണ​ര്‍​മാ​രാ​യ വൈ​ഭ​വ് സൂ​ര്യ​വം​ശി (15), അ​ഭി​ഷേ​ക് ശ​ര്‍​മ (16) എ​ന്നി​വ​ര്‍ നി​രാ​ശ​പ്പെ​ടു​ത്തി.