1

കൊച്ചി: ചക്കരപ്പറമ്പ് ബൈപ്പാസില്‍ കാര്‍ ബസ് സ്റ്റോപ്പിലേക്ക് ഇടിച്ചുകയറി അപകടം. ഇന്ന് രാവിലെ 7.30 ഓടെയാണ് അപകടം നടന്നത്. വൈറ്റില ജംഗ്ഷനിലേക്ക് പോവുകയായിരുന്ന ഡ്രൈവിംഗ് സ്‌കൂളിലെ കാറിലേക്ക് മറ്റൊരു കാര്‍ വന്ന് ഇടിക്കുകയായിരുന്നു.

ഇതോടെ ഡ്രൈവിംഗ് സ്‌കൂളിന്‍റെ കാർ നിയന്ത്രണം നഷ്ടപ്പെട്ട് ബസ് സ്റ്റോപ്പിലേക്ക് ഇടിച്ചു കയറുകയായിരുന്നു. അപകട സമയത്ത് ബസ് സ്റ്റോപ്പില്‍ ആളുകളില്ലാത്തതിനാല്‍ വന്‍ ദുരന്തം ഒഴിവായി. ഇരു കാറുകളിലുമുണ്ടായിരുന്ന അഞ്ചു പേരും പരിക്കേല്‍ക്കാതെ രക്ഷപ്പെട്ടു.