തൊടുപുഴ: അഖിലേന്ത്യാ അവാര്ഡി ടീച്ചേഴ്സ് ഫെഡറേഷന്റെ ഗുരുശ്രേഷ്ഠ പുരസ്കാരത്തിന് കുടയത്തൂര് ജിഎന്എല്പി സ്കൂള് അധ്യാപകന് സിബി കെ. ജോര്ജിനെ തെരഞ്ഞെടുത്തു. പാഠ്യ, പാഠ്യാനുബന്ധ മേഖലകളിലെയും സാമൂഹ്യ, സാംസ്കാരിക വൈജ്ഞാനിക രംഗങ്ങളിലെയും മികവ് പരിഗണിച്ചാണ് അവാര്ഡ് . 2004ല് പാലാ കോര്പറേറ്റിലും 2006ല് ഗവ. സര്വീസിലും അധ്യാപകനായി ചേര്ന്നു. എംജി സര്വകലാശാലയില്നിന്ന് കൗണ്സലിംഗില് ഡിപ്ലോമയും ഇഗ്നോയില്നിന്നു മാസ്റ്റര് ബിരുദവും നേടി.
ബംഗളൂരു അലിയന്സ് യൂണിവഴ്സിറ്റിയില്നിന്നു സര്ട്ടിഫിക്കറ്റ് കോഴ്സും പാസായിട്ടുണ്ട്. ഡിസിഎല് മേഖലാ പ്രസിഡന്റ്, സംസ്ഥാന അധ്യാപക പരിശീലകന്, കെപിഎസ്ടിഎ സംസ്ഥാന റിസോഴ്സ് ടീച്ചേഴ്സ് സെല് ചെയര്മാന്, ഗിഫ്റ്റഡ് ചില്ഡ്രന് പ്രോഗ്രാം വിദ്യാരംഗം ജില്ലാ കമ്മിറ്റിയംഗം, ജിഎസ്ടി ഡബ്ല്യുഒ ജില്ലാ വൈസ് പ്രസിഡന്റ് , ജില്ലാ ഗവ. സ്കൂള് ടീച്ചേഴ്സ് സൊസൈറ്റി ഡയറക്ടര് ബോര്ഡംഗം തുടങ്ങിയ നിലകളില് പ്രവര്ത്തിക്കുന്നു.
ദീപിക ജൈവ നന്മ സംസ്ഥാന പുരസ്കാരം, മികച്ച ജൈവ കൃഷി അധ്യാപക അവാര്ഡ് എന്നിവ ലഭിച്ചിട്ടുണ്ട്. ഭാര്യ സുമ ട്രഷറി ഉദ്യോഗസ്ഥയാണ്. വിദ്യാര്ഥികളായ ഹന്ന ബ്രിജിറ്റ് സിബി, അല്ഫോന്സ സിബി എന്നിവരാണ് മക്കള്. ഡിസിഎല് കൊച്ചേട്ടന് ഫാ. റോയി കണ്ണന്ചിറ, പ്രവിശ്യാ കോ-ഓര്ഡിനേറ്റര് റോയ് ജെ. കല്ലറങ്ങാട്ട് എന്നിവര് പുരസ്കാരജേതാവിനെ അനുമോദിച്ചു. ഡിസംബറില് തിരുവനന്തപുരത്തു പുരസ്കാരം സമ്മാനിക്കും.