ന്യൂഡൽഹി: സിബിഎസ്ഇ 12-ാം ക്ലാസ് പരീക്ഷയിലെ മൂല്യനിർണയത്തിന് ഉപയോഗിച്ച ഓണ് സ്ക്രീൻ മാർക്കിംഗ് (ഒഎസ്എം) സംവിധാനത്തിൽ സാങ്കേതിക പരാജയവും ക്രമക്കേടും ആരോപിച്ച് നാഷണൽ സ്റ്റുഡന്റ്സ് യൂണിയൻ ഓഫ് ഇന്ത്യ (എൻഎസ്യുഐ) ഡൽഹി ഹൈക്കോടതിയെ സമീപിച്ചു.
പരീക്ഷാ പേപ്പറുകൾ നഷ്ടപ്പെടുകയോ അവ്യക്തമാകുകയോ തെറ്റായ രീതിയിൽ മൂല്യനിർണയം നടത്തുകയോ ചെയ്തതുവഴി മാർക്ക് നഷ്ടപ്പെട്ട വിദ്യാർഥികൾക്ക് നഷ്ടപരിഹാര മാർക്ക് (കോന്പൻസേറ്ററി മാർക്ക്) നൽകാൻ കോടതി നിർദേശിക്കണമെന്നാവശ്യപ്പെട്ട് എൻഎസ്യുഐ ദേശീയ പ്രസിഡന്റ് വിനോദ് ജാഖറാണ് കോടതിയെ സമീപിച്ചത്.
കൂടാതെ ഓണ്സ്ക്രീൻ മാർക്കിംഗ് സംവിധാനത്തിനെതിരേ വ്യാപകമായി ഉയർന്ന ക്രമക്കേടുകൾ സംബന്ധിച്ച ആരോപണങ്ങൾ പരിശോധിക്കുന്നതിന് സ്വതന്ത്ര അന്വേഷണം നടത്താൻ നിർദേശിക്കണമെന്നും ഹർജിയിൽ ആവശ്യപ്പെടുന്നു.
E-paper LOGIN
LOGIN
