ആലപ്പുഴ: കേരളത്തില് തെരഞ്ഞെടുപ്പു വന്നാല് ഇഡിയും വരുമെന്ന് സിപിഐ സംസ്ഥാന സെക്രട്ടറി ബിനോയ് വിശ്വം.
ഇഡി വരും, കുറച്ച് ബഹളമുണ്ടാക്കി പോകും. ഇഡി ഇപ്പോള് തമാശയായി മാറിയെന്നും ബിനോയി വിശ്വം പറഞ്ഞു. ആലപ്പുഴ പ്രസ് ക്ലബ്ബില് നടന്ന മുഖാമുഖം പരിപാടിയില് സംസാരിക്കുകയായിരുന്നു അദ്ദേഹം.
തദ്ദേശ തെരഞ്ഞെടുപ്പിലെ ഇടത് അനുകൂല കാറ്റിനെ ഇഡി എന്ന പാഴ്മുറംകൊണ്ട് തടയാന് കോണ്ഗ്രസിനും ബിജെപിക്കും കഴിയില്ല. എല്ഡിഎഫിന്റെ മൂന്നാമൂഴത്തിനുള്ള നാന്ദിയാണ് തദ്ദേശ തെരഞ്ഞെടുപ്പ്. ഇഡിയെ ഡല്ഹിയില് എതിര്ക്കുകയും കേരളത്തില് അനുകൂലിക്കുകയും ചെയ്യുന്നത് കോണ്ഗ്രസിന്റെ ഗതികേടാണെന്നും അദ്ദേഹം കുറ്റപ്പെടുത്തി.
ബിജെപി-കോണ്ഗ്രസ് കൂട്ടുകെട്ടിനെ കേരളം തോല്പിക്കും. തദ്ദേശ തെരഞ്ഞെടുപ്പില് സിപിഎമ്മും സിപിഐയും വലിയ ഐക്യത്തോടെയാണ് പോകുന്നത്. ശബരിമലയിലെ സ്വര്ണം മോഷ്ടിച്ചത് ആരായാലും ശിക്ഷിക്കപ്പെടും.
ദൈവത്തിന്റെ സ്വത്ത് ദൈവത്തിന്റേത് മാത്രമാണ്. അത് കൈയിട്ടുവാരാന് ആര്ക്കും അവകാശമില്ല. എസ്ഐടി കുറ്റക്കാരായി കണ്ടെത്തുന്നത് ഏത് പാര്ട്ടിക്കാരായാലും ശിക്ഷിക്കപ്പെടുമെന്നും അക്കാര്യത്തില് ആര്ക്കും ഒരു സംശയവും വേണ്ടെന്നും ബിനോയ് വിശ്വം പറഞ്ഞു.
രാഹുല് മാങ്കൂട്ടത്തില് എംഎല്എ സ്ഥാനം രാജിവയ്ക്കണം. രാഹുലിനെ അനുകൂലിക്കുന്ന കോണ്ഗ്രസുകാര് ആ പാര്ട്ടിയുടെ ധാര്മികത്തകര്ച്ചയുടെ പര്യായമാണെന്നും ബിനോയ് വിശ്വം പറഞ്ഞു.
Deepika
E-paper LOGIN
LOGIN
