പെരുമ്പട്ട(കാസർഗോഡ് ): കഴിഞ്ഞ ദിവസത്തെ കനത്ത മഴയിലും ഉരുള്പൊട്ടലിനെത്തുടർന്നുണ്ടായ മലവെള്ളപ്പാച്ചിലിലും ചെമ്മരംകയം കമ്പിപ്പാലം പൂര്ണമായും ഒഴുകിപ്പോയി. ഇപ്പോള് ഇവിടെ പാലത്തിന്റെ ഏതാനും തൂണുകള് മാത്രമാണു കാണാനുള്ളത്.
കാസർഗോഡ് വെസ്റ്റ് എളേരി പഞ്ചായത്തിലെ ചെമ്മരംകയവും കണ്ണൂര് ജില്ലയിലെ പാടിച്ചാലും തമ്മില് ബന്ധിപ്പിക്കുന്ന പാലമാണിത്. അഞ്ഞൂറോളം കുടുംബങ്ങളുടെ ആശ്രയമായി തേജസ്വിനിപ്പുഴയ്ക്ക് കുറുകെ മുപ്പതുവര്ഷങ്ങള്ക്ക് മുന്പ് പണിത പാലമായിരുന്നു.
ചെമ്മരംകയത്തെ ക്ഷീരസംഘത്തില് പാല് കൊടുക്കാനും ടാപ്പിംഗിനും മറ്റു കൂലിപ്പണിക്കുമൊക്കെയായി നൂറുകണക്കിന് ആള്ക്കാരാണ് ഈ പാലത്തെ ആശ്രയിച്ചിരുന്നത്. ചെറുപുഴ ഭാഗത്തെ സ്കൂളിലേക്കു പോകുന്ന കുട്ടികള്ക്ക് ഈ പാലം കടന്നാല് സ്കൂള് ബസില് കയറിപ്പോകാന് സാധിക്കുമായിരുന്നു.
Deepika
E-paper LOGIN
LOGIN
