തിരുവനന്തപുരം: സർക്കാർ ആശുപത്രികളിൽ കാഷ്വാലിറ്റി വിഭാഗം ഉച്ചകഴിഞ്ഞു പ്രവർത്തിപ്പിക്കാൻ 141 പ്രധാന ആശുപത്രികളിൽ 510 കാഷ്വാലിറ്റി മെഡിക്കൽ ഓഫിസർ തസ്തികകൾ സൃഷ്‌ടിക്കാൻ ശിപാർശ നൽകിയെന്ന് മന്ത്രി കെ.മുരളീധരൻ നിയമസഭയിൽ പറഞ്ഞു. ആരോഗ്യവകുപ്പ് ഡയറക്‌ടർ നൽകിയ ശിപാർശ ധന വകുപ്പിന്‍റെ പരിഗണനയിലാണ്.
നിലവിൽ 142 പ്രധാന ആശുപത്രികളിൽ 626 കാഷ്വാലിറ്റി മെഡിക്കൽ ഓഫിസർ തസ്തികകളാണുള്ളത്. പല ആശുപത്രികളിലും കാഷ്വാലിറ്റിയിൽ ഒരു ഷിഫ്റ്റിൽ ഒരു ഡോക്ടർ മാത്രമാണുള്ളത്.
ഒരേ സമയം ഒന്നിലധികം അത്യാഹിത കേസുകൾ കൈകാര്യം ചെയ്യാൻ ബുദ്ധിമുട്ടാണ്. കൂടുതൽ തസ്തികകൾ അനുവദിക്കുന്നതോടൊപ്പം കാഷ്വാലിറ്റി വിഭാഗങ്ങളിലെ സുരക്ഷാ സംവിധാനം ശക്തമാക്കും.
ഇതിലൂടെ അടിയന്തര ചികിത്സ കൂടുതൽ കാര്യക്ഷമമാക്കാനും രോഗികൾക്കും ആരോഗ്യപ്രവർത്തകർക്കും സുരക്ഷിതമായ അന്തരീക്ഷം ഉറപ്പാക്കാനും സാധിക്കുമെന്നും നാട്ടകം സുരേഷിന്‍റെ സബ്മിഷന് മന്ത്രി മറുപടി നൽകി.
Deepika
Corehub Solutions
E-paper LOGIN
LOGIN
