19

ക​ടു​ത്തു​രു​ത്തി: കാ​ഞ്ഞി​ര​പ്പ​ള്ളി​യി​ലെ ഉ​ദ​യം ഇ​വ​ന്‍റ്സു​കാ​ര​ന്‍ ന​ട​ത്തി​യ ത​ട്ടി​പ്പി​ല്‍ ഇ​ര​യാ​യി മാ​ഞ്ഞൂ​രി​ലെ ഉ​ദ​യം കാറ്ററിംഗ് ഉ​ട​മ പ്ര​തി​സ​ന്ധി​യി​ല്‍. മാ​ഞ്ഞൂ​ര്‍ കേ​ന്ദ്ര​മാ​യി 27 വ​ര്‍ഷ​മാ​യി കാ​റ്റ​റിം​ഗ് സ്ഥാ​പ​നം ന​ട​ത്തു​ന്ന രാ​ജേ​ന്ദ്ര​നാ​ണ് മ​റ്റൊ​രാ​ള്‍ ന​ട​ത്തി​യ ത​ട്ടി​പ്പുമൂ​ലം പ്ര​തി​സ​ന്ധി​യി​ലാ​യ​ത്.

വി​വാ​ഹ​സ​ദ്യക്കാ​യി ഭ​ക്ഷ​ണം ന​ല്‍കാ​മെ​ന്നേ​റ്റു പ​ണം വാ​ങ്ങി​യ ശേ​ഷം ഭ​ക്ഷ​ണം ന​ല്‍കാ​തെ വീ​ട്ടു​കാ​രെ ക​മ്പ​ളി​പ്പി​ച്ച ത​ട്ടി​പ്പ് പു​റ​ത്ത് വ​ന്ന​തോ​ടെ​യാ​ണ് രാ​ജേ​ന്ദ്ര​നും സ്ഥാ​പ​ന​വും അ​പ​വാ​ദ​ക്കെ​ണി​യി​ല്‍ കു​രു​ങ്ങു​ന്ന​ത്.

കാ​ഞ്ഞി​ര​പ്പ​ള്ളി​യി​ല്‍ ത​ട്ടി​പ്പ് ന​ട​ത്തി​യ ആ​ളു​ടെ സ്ഥാ​പ​ന​ത്തി​ന്‍റെ പേ​രും ഉ​ദ​യം കാ​റ്റ​റിം​ഗ് എ​ന്ന​താ​യ​താ​ണ് രാ​ജേ​ന്ദ്ര​നെ​യും വെ​ട്ടി​ലാ​ക്കി​യ​ത്. ത​ട്ടി​പ്പ് വാ​ര്‍ത്ത സോ​ഷ്യ​ല്‍ മീ​ഡി​യ​യി​ല്‍ പ​ട​ര്‍ന്ന​തോ​ടെ ക​ഴി​ഞ്ഞ കു​റേ ദി​വ​സ​ങ്ങ​ളാ​യി ത​ന്നെ ഫോ​ണി​ല്‍ ആ​ളു​ക​ള്‍ ചീ​ത്ത വി​ളി​ക്കു​ക​യാ​യി​രു​ന്നു​വെ​ന്ന് രാ​ജേ​ന്ദ്ര​ന്‍ പ​റ​യു​ന്നു.

പ​ല ബു​ക്കിം​ഗു​ക​ളും ക്യാ​ന്‍സ​ലാ​യി. അ​ഡ്വാ​ന്‍സ് ന​ല്‍കി​യ പ​ണം ആ​ളു​ക​ള്‍ തി​രി​ച്ചു ചോ​ദി​ച്ചു. വി​ദേ​ശ​ത്തു​ള്ള​വ​ര്‍ പോ​ലും വി​ളി​ച്ചു ചോ​ദി​ച്ചതായും രാ​ജേ​ന്ദ്രേ​ന്‍ പ​റ​ഞ്ഞു.

വ്യാ​ഴാ​ഴ്ച ത​ട്ടി​പ്പ് ന​ട​ത്തി​യ കാ​റ്റ​റിം​ഗ് ഉ​ട​മ​യെ പോ​ലീ​സ് പി​ടി​കൂ​ടി​യ​തോ​ടെ​യാ​ണ് ത​നി​ക്കു​നേ​രേ​യു​ള്ള ആ​ക്ര​മ​ണ​ത്തി​ന് അ​വ​സാ​ന​മു​ണ്ടാ​യ​തെ​ന്നും ഇദ്ദേഹം പ​റ​ഞ്ഞു.