കോഴിക്കോട്: കോഴിക്കോട് കെഎസ്ആർടിസി സ്റ്റാൻഡിൽ ഇരിപ്പിടത്തിന് മുകളിലേക്ക് സീലിംഗ് അടർന്നുവീണ് രണ്ട് യാത്രക്കാരുടെ തലയ്ക്ക് പരിക്ക്. രണ്ട് പുരുഷന്മാർക്കാണ് പരിക്കേറ്റത്.
ഇന്ന് പുലർച്ചെയാണ് സംഭവം. ജിപ്സം സീലിംഗാണ് അടർന്നുവീണത്. 13-ആം നന്പർ പ്ലാറ്റ്ഫോമിന് സമീപമാണ് സംഭവം. കെട്ടിടത്തിന് ബലക്ഷയമുണ്ടെന്ന് റിപ്പോർട്ട് 2022-ൽ സർക്കാരിന് സമർപ്പിച്ചതാണെങ്കിലും ഇക്കാര്യത്തിൽ യാതൊരു നടപടിയും ഉണ്ടായിരുന്നില്ല.