കാസര്ഗോഡ്: കേരള കേന്ദ്രസര്വകലാശാലയില് 2026-27 അധ്യയനവര്ഷത്തെ നാലു വര്ഷ ഓണേഴ്സ് ബിരുദ പ്രോഗ്രാമുകളിലെ പ്രവേശനത്തിന് രജിസ്ട്രേഷന് ആരംഭിച്ചു. നാഷണല് ടെസ്റ്റിംഗ് ഏജന്സി (എന്ടിഎ) നടത്തിയ പൊതുപ്രവേശന പരീക്ഷയില് (സിയുഇടി-യുജി) പങ്കെടുത്തവര്ക്ക് 17 വരെ സര്വകലാശാല വെബ്സൈറ്റ് www.cukerala.ac.in സന്ദര്ശിച്ച് രജിസ്റ്റര് ചെയ്യാം.
ബിഎസ്സി (ഓണേഴ്സ്) ബയോളജി, ബികോം (ഓണേഴ്സ്) ഫിനാന്ഷ്യല് അനലിറ്റിക്സ്, ബിസിഎ (ഓണേഴ്സ്), ബിഎ (ഓണേഴ്സ്) ഇന്റര്നാഷണല് റിലേഷന്സ്, ബിഎസ്സി (ഓണേഴ്സ്) ഫിസിക്സ് (സെമികണ്ടക്ടര്), ബിഎസ്സി (ഓണേഴ്സ്) ഡാറ്റാ സയന്സ് ആന്ഡ് ആര്ട്ടിഫിഷ്യല് ഇന്റലിജന്സ് എന്നീ പ്രോഗ്രാമുകളാണ് സര്വകലാശാല നടത്തുന്നത്. ഇതില് ബിഎ (ഓണേഴ്സ്) ഇന്റര്നാഷണല് റിലേഷന്സ് തിരുവനന്തപുരം ക്യാപിറ്റല് സെന്ററിലും മറ്റു പ്രോഗ്രാമുകള് പെരിയ കാമ്പസിലുമാണ്.
ജനറല്, ഒബിസി, ഇഡബ്ല്യുഎസ് വിഭാഗക്കാര്ക്ക് 500 രൂപയാണ് രജിസ്ട്രേഷന് ഫീസ്. 21, 22 തീയതികളിലായി പ്രൊവിഷണല് റാങ്ക് ലിസ്റ്റ് പ്രസിദ്ധീകരിക്കും. വിദ്യാര്ഥികള്ക്ക് admissions@cu kerala.ac.in എന്ന ഇ മെയിലില് പരാതികള് അറിയിക്കാം. ജൂലൈ 23ന് പരാതികള് പരിഗണിച്ച് അന്തിമ റാങ്ക് ലിസ്റ്റ് പ്രസിദ്ധീകരിക്കും. ആദ്യഘട്ട പ്രവേശനം 24 മുതല് 26 വരെയും രണ്ടാംഘട്ടം 27നും 28നും മൂന്നാം ഘട്ടം 29 മുതല് 31 വരെയും നടക്കും. 29ന് ക്ലാസുകള് ആരംഭിക്കും. ഹെല്പ്പ് ലൈൻ: 0467 2309467.
E-paper LOGIN
LOGIN
