പെരുമ്പാവൂര്: വ്യക്തിസ്വാതന്ത്ര്യത്തിനുപരിയായി കുടുംബത്തിന്റെയും സമൂഹത്തിന്റെയും രാഷ്ട്രത്തിന്റെയും താല്പര്യങ്ങള്ക്ക് മുന്ഗണന നല്കണമെന്ന് ജസ്റ്റിസ് എന്. നഗരേഷ്. സ്വാതന്ത്ര്യത്തേക്കാള് വലുതാണ് സ്നേഹം. ലോകം സമാധാനപരമായി നിലനില്ക്കുന്നതിന്റെ കാരണം ക്രിസ്തു പഠിപ്പിച്ച സ്നേഹത്തിന്റെ വലിയ സന്ദേശമാണെന്നും അദ്ദേഹം അഭിപ്രായപ്പെട്ടു.
പെരുമ്പാവൂര് വൈഎംസിഎയുടെയും എക്യുമെനിക്കല് ക്ലര്ജി കോണ്ഫറന്സിന്റെയും ആഭിമുഖ്യത്തില് സംഘടിപ്പിച്ച സംയുക്ത ക്രൈസ്തവ ക്രിസ്മസ് റാലിയെ തുടര്ന്നുള്ള പൊതുസമ്മേളനത്തില് മുഖ്യപ്രഭാഷണം നടത്തുകയായിരുന്നു അദ്ദേഹം. യാക്കോബായ സഭാ കോതമംഗലം മേഖലാധിപന് ഏലിയാസ് മാര് യൂലിയോസ് മെത്രാപ്പോലീത്ത സമ്മേളനം ഉദ്ഘാടനം ചെയ്തു.
സംഘാടക സമിതി ചെയര്മാന് ഫാ. ജോര്ജ് പുത്തന്പറമ്പ് അധ്യക്ഷത വഹിച്ച സമ്മേളനത്തില് ബെന്നി ബഹനാന് എംപി, എല്ദോസ് കുന്നപ്പിള്ളി എംഎല്എ, നഗരസഭ ചെയര്പേഴ്സണ് കെ.എന്. സംഗീത, വൈഎംസിഎ നാഷണല് എക്സിക്യൂട്ടീവ് കമ്മിറ്റി അംഗം സി.പി. മാത്യു, മുന് സംസ്ഥാന ചെയര്മാന് ജോസ് നെറ്റിക്കാടന് തുടങ്ങിയവര് പ്രസംഗിച്ചു.
വിവിധ പള്ളികളില് നിന്നുള്ള ഗായകര് ചേര്ന്നുള്ള ഗായകസംഘം ക്രിസ്തുമസ് ഗാനങ്ങളും ദൃശൃകലാപരിപാടികളും അവതരിപ്പിച്ചു. വര്ണാഭമായ റാലിയില് നൂറുകണക്കിന് സാന്താക്ലോസുകള്, തിരുപ്പിറവിയെ അനുസ്മരിപ്പിക്കുന്ന ടാബ്ലോകള്, കരോള് സംഘങ്ങള്, വൈവിധ്യമാര്ന്ന നക്ഷത്രവിളക്കുകള്, റോളര് സ്കേറ്റിംഗ്, ബാന്റ് സെറ്റുകള്, ചെണ്ടമേളം എന്നിവ അണിനിരന്നു.
Deepika
E-paper LOGIN
LOGIN