പാലാ: ബിഷപ് വയലില് ഫൗണ്ടേഷന്റെ ആഭിമുഖ്യത്തില് മാര് സെബാസ്റ്റ്യന് വയലിലിന്റെ 40-ാം ചരമവാര്ഷികത്തോടനുബന്ധിച്ച് ചെത്തിമറ്റം ദൈവദാന് സെന്ററില് അനുസ്മരണ സമ്മേളനം സംഘടിപ്പിച്ചു. ഫൗണ്ടേഷന് ചെയര്മാന് പ്രഫ. വി.ജെ. ജോസഫ് ഉദ്ഘാടനം ചെയ്തു. സഭയുടെ ആത്മീയ വളര്ച്ചയ്ക്കൊപ്പം വിദ്യാഭ്യാസ-സാമൂഹിക മേഖലകളുടെ പുരോഗതിക്കും നിര്ണായക സംഭാവനകള് നല്കിയ ദീര്ഘദര്ശിയായിരുന്നു മാര് സെബാസ്റ്റ്യന് വയലിലെന്ന് അദ്ദേഹം പറഞ്ഞു.
ഫൗണ്ടേഷന് ജനറല് സെക്രട്ടറി എബി ജെ. ജോസ് അധ്യക്ഷത വഹിച്ചു. പ്രഫ. ഡാന്റി ജോസഫ്, ടോണി തോട്ടം, ദൈവദാന് സെന്റര് മദര് സുപ്പീരിയര് സിസ്റ്റര് ഷെറിന് മേരി, ജോജോ വയലില്കളപ്പുര, സാജു പ്ലാത്തോട്ടം, ജോസി വയലില്കളപ്പുര തുടങ്ങിയവര് പ്രസംഗിച്ചു. ബിഷപ്പ് വയലിലിനെക്കുറിച്ച് തയാറാക്കിയ ഗാനം ജോജോ വയലില്കളപ്പുര ചടങ്ങില് ആലപിച്ചു. തുടര്ന്നു അഗതികള്ക്കു സ്നേഹവിരുന്നും നല്കി.