രാമപുരം: ഡിസിഎംഎസ് പാലാ രൂപതാസമിതിയുടെ നേതൃത്വത്തില് സമുദായ ശക്തീകരണ സംഗമവും 2026-29 പ്രവര്ത്തന വര്ഷോദ്ഘാടനവും ഇന്ന് രാമപുരം പള്ളിയില് നടത്തും.
വാഴ്ത്തപ്പെട്ട തേവര്പറമ്പില് കുഞ്ഞച്ചന് ദളിതരുടെയിടയില് പ്രവര്ത്തനമാരംഭിച്ചതിന്റെ നൂറാം വാര്ഷികാഘോഷത്തോടനുബന്ധിച്ച് ഡിസിഎംഎസ് സമുദായ ശക്തീകരണത്തിന്റെ വിവിധ പ്രവര്ത്തനങ്ങളുടെ കര്മപദ്ധതികളുടെ ഉദ്ഘാടനം ബിഷപ് മാര് ജോസഫ് കല്ലറങ്ങാട്ട് ഇന്ന് ഉച്ചകഴിഞ്ഞു നിര്വഹിക്കും. 2026-29 ഭാരവാഹികളുടെ സത്യപ്രതിജ്ഞയും നടത്തും. ഉച്ചകഴിഞ്ഞ് 1.30ന് വാഴ്ത്തപ്പെട്ട കുഞ്ഞച്ചന്റെ കബറിട ദേവാലയത്തില് ഡിസിഎംഎസ് രൂപത ഡയറക്ടര് ഫാ. തോമസ് കിഴക്കേകൊല്ലിത്താനത്ത് വിശുദ്ധ കുര്ബാന അര്പ്പിക്കും.
രൂപത പ്രസിഡന്റ് ബിനോയ് ജോണ് അമ്പലംകട്ടയില് അധ്യക്ഷത വഹിക്കും. രൂപത വികാരി ജനറാള് മോണ്. സെബാസ്റ്റ്യന് വേത്താനത്ത്, രാമപുരം ഫൊറോന വികാരി ഫാ. ബെർക്കുമാന്സ് കുന്നുംപുറം, ഫൊറോന ഡയറക്ടര് ഫാ. ഏബ്രഹാം കുഴിമുള്ളില്, വൈസ് പോസ്റ്റുലേറ്റര് ഫാ. ജയിംസ് പുലിയുറുമ്പില് എന്നിവര് പ്രസംഗിക്കും. രൂപത ഭാരവാഹികളും കൗണ്സില് അംഗങ്ങളും ഫൊറോന, യൂണിറ്റ് ഭാരവാഹികളും പ്രധിനിധികളും അംഗങ്ങളും പങ്കെടുക്കും.